Vai al contenuto principale

Vuê o fevelin di... -

RADIOUNO diffusione regionale, dal lunedì al venerdi alle 11.10 e alle 15.15

Program di atualitât, costum, culture e societât, in onde ogni dì dal lunis al vinars, aes 11.10 e aes 15.15. Doi apontaments cuotidians in lenghe furlane sul teritori e pal teritori. La buinore focus su une cuistion di atualitât, analizade adun cuntun ospit. Tal daspò misdì aprofondiments su lis ativitâts culturâls dal Friûl. Un program de sede Rai dal Friûl Vignesie Julie, par cure di Antonia Pillosio e Arianna Zani

Lista episodi

13 Dic 2024

Buinore dal 13/12/2024 - Sisteme Si-curo

"Sisteme Si-curo" al rapresente un metodi inteligjent, pratic e sigûr par chei che a fasin une terapie farmacologjiche cun diviersis medisinis in timps diferents vie pe zornade cun ritmis precîs. Une pratiche che si slargje, ma che in Friûl-Vignesie Julie, come ricognossude dal dipartiment regjonâl de salût, e à un precursôr inte farmacie Favero. Di fat, al à svilupât un esperiment di plui di trê agns indreçât sedi ai individuis privâts sedi aes struturis pai vecjos. Lis medisinis a son dispachetadis e tornadis a impachetâ cu la terapie farmacologjiche, metudis in bustis ugnulis, juste ce che al covente.
11 min
13 Dic 2024

Daspò misdì dal 13/12/2024 - Il Strolic furlan dal 2025

Contis, poesiis e rubrichis scritis tes varietâts de lenghe furlane a acompagnaran lis letoris e i letôrs dal Strolic furlan par dut il 2025. Il strolic de Societât Filologjiche Furlane, par cure di Dani Pagnucco, al presente lis rosis plui bielis che a cressin in Friûl, chês plui comunis, par mostrâ la bielece che nus scjampe, teme condutôr de gnove edizion.
19 min
12 Dic 2024

Buinore dal 12/12/2024 - Il setôr de inteligjence artificiâl al continue a cressi

La inteligjence artificiâl e je cumò une realtât consolidade che e je daûr a rivoluzionâ i modei di afârs e i procès di produzion. Ditedi, il grup ITC des aziendis dal Friûl-Vignesie Julie al à a pene dât fûr i ultins dâts rispiet al setôr de regjon. Un setôr che al continue a cressi e lis prospetivis a son buinis pal an che al ven e ancje par almancul altris doi agns, propit parcè che al è sburtât de dibisugne des aziendis di digjitalizâsi. I imprenditôrs, di fat, a son une vore sensibii a cheste cuistion, come che al dimostre il progjet InnoviAmo de Confindustria Udin.
12 min
12 Dic 2024

Daspò misdì dal 12/12/2024 - Il libri "La fabbrica di sedie"

Lis impresis dal distret furlan de cjadree ae Trienâl di Milan. Tal innomenât spazi espositîf al è stât presentât il libri "La fabbrica di sedie" di Angela Zolli, publicât di Silvana Editoriale, risultât de ricercje storiche, antropologjiche e economiche de autore a contat diret cui imprenditôrs che a àn contât la lôr storie.
18 min
11 Dic 2024

Buinore dal 11/12/2024 - Une discussion su lis struturis architetonichis des scuelis

Vuê a Manzan aes cinc di sere al sarà un incuintri tra il mont dal len e chel dai architets e dai perîts e i rapresentants de formazion di chestis figuris professionâls, par une discussion su lis struturis architetonichis des scuelis, sedi come spazis di aprendiment dinamics sedi come progjets architetonics che a integrin la inovazion, la tecnologjie e la sostignibilitât. I spazis de scuele e la lôr furnidure a influencin la socializazion e i compuartaments di aprendiment. Cuâl isal duncje il rûl de architeture?
11 min
11 Dic 2024

Daspò misdì dal 11/12/2024 - La foreste dai juscj

"La foreste dai juscj" al è un progjet promovût di Damatrà onlus in colaborazion cu la Fondazion Gariwo. Al vûl educâ ai valôrs de responsabilitât personâl e de solidarietât civiche, e al è ispirât ai Zardins dai Juscj ator pal mont. Al à cjapât dentri 10 Comuns de regjon.
19 min
10 Dic 2024

Buinore dal 10/12/2024 - Un paneton pe vite

"Un paneton pe vite". I panetons di solidarietât di Admo a son in place fin ai 15 di Dicembar. Dilunc dai agns, cheste iniziative e à rindût pussibil informâ la popolazion su la donazion de medole dai vues, aumentant in mût significatîf il numar di donadôrs regjistrâts intal regjistri. «Chei che a cjapin part ae iniziative, in mût privât o come aziende, lant daûr dal esempli di tantis realtâts locâls, no si limitaran a sielzi un paneton o un pandoro, ma si uniran a un progjet, a cjaparan dentri un sium» e aferme Paola Rugo, presidente di Admo Fvg.
11 min
10 Dic 2024

Daspò misdì dal 10/12/2024 - La rassegne "Mosaics di Europe"

Meti in evidence il multiculturalisim e il plurilinguisim di une citât dulà che il furlan al è stât une lenghe francje par cui che al jere di marilenghe taliane, slovene, todescje e ebraiche. Fin ai 19 di Dicembar, la rassegne "Mosaics di Europe" e puartarà a Gurize incuintris e events che a contaran lis sôs tantis animis.
18 min
09 Dic 2024

Buinore dal 09/12/2024 - Vot terens di costruzion a Pontêbe

Prime cjase o cjase di vacance a Pontêbe: il progjet al pues cumò deventâ realtât in graciis dai vot terens di costruzion intune zone plene di infrastruturis e duncje za dotade di un sisteme di fognadure, acuedot, iluminazion publiche e strade par jentrâ. Chescj a son i terens che il Comun al à creât inte zone de ex caserme di Fantina, recuperant e tornant a svilupâ une zone che cumò e cjape vite in graciis dai intervents fats dopo che il Stât al veve vendût la struture – adun cu l'ex Zanibon e la Caserme di Bertolotti - al Comun.
11 min
09 Dic 2024

Daspò misdì dal 09/12/2024 - Cjant a la Tor

Al met dongje culture, nature e art il progjet "Cjant a la Tor" che al valorize la Tor e il teritori furlan. Sostignût dal Istitût Ladin Furlan "Pre Checo Placerean", il progjet al à cjapât dentri buine part dai Comuns traviersâts dal flum te realizazion di un videoclip musicâl.
18 min
04 Dic 2024

Buinore dal 06/12/2024 - Il prin torneu di "pickleball" organizât de Associazion Sportive Furlane

Cheste domenie li de palestre de scuele Tiepolo di Udin si davuelç il prin torneu di "pickleball", gnove dissipline sportive che e insiore lis ativitâts de associazion sportive furlane fondade pôc plui di un an fa cun chê di peâ il sport ae nestre identitât. Une anade che tra l'atri e a puartât la ASF a vinci il torneu di balon pes minorancis "Europeada" te sô prime partecipazion.
11 min
06 Dic 2024

Daspò misdì dal 06/12/2024 - La corâl "La voce della valle - Cai di Cividât"

Doi côrs intun, e je cheste la particolaritât de corâl "La voce della valle - Cai di Cividât", un côr virîl che al cjante par passion e par divertiment, cu la intenzion di proponi un repertori vari che al va dai cjants de tradizion alpine a chei di autôr.
19 min
04 Dic 2024

Buinore dal 05/12/2024 - I cent agns di ativitât de Latarie Turnarie Sociâl di Trivignan Udinês

Cent agns di vite cence mai une polse, gjavant chê obleade des bombis vie pe seconde vuere mondiâl. Ma une volte che il conflit al jere finît, i formadis gustôs a tornarin subit a vignî fûr di chês puartis. Duncje la Latarie Turnarie Sociâl di Trivignan Udinês e à podût celebrâ cun braùre il so secul di ativitât in chescj dîs, cuntune vere fieste comunitarie. Un tribût al passât che però la latarie e à metût adun cun atenzion particolâr ai progjets futûrs.
11 min
04 Dic 2024

Daspò misdì dal 05/12/2024 - Dai 6 di Dicembar e torne "Borcs e Presepis"

Dai 6 di Dicembar e torne "Borcs e Presepis", la rassegne tal viert che e anime lis fiestis di Nadâl a Sudri e tes frazions di Priole e Neariis. In program tancj apontaments: dal Presepi vivent ai concierts, ai laboratoris par fruts, fin ae novitât des Nativitâts proietadis su lis façadis des cjasis.
19 min
04 Dic 2024

Buinore dal 04/12/2024 - Il belanç in riferiment al andament dal marcjât imobiliâr turistic

Chest Miercus a Rome in Senât, le federazion taliane dai agjents des cjasis FIAIP e presente uficialmentri il belanç in riferiment a il andament dal marcjât imobiliâr turistic jenfri la ultime stagjon estive cun le previsions pa prossime stagjon invernâl. Impuartants in chest sens i dâts che e rivuardin le nestre regjon jenfri venditis, afits e afits curts.
11 min
04 Dic 2024

Daspò misdì dal 04/12/2024 - Une mostre sui Krampus al Museu Etnografic dal Friûl

Une tradizion antighe, chê dai Krampus, che si rinove tal mês di Dicembar, tal dì di S. Nicolau. I Museus Civics di Udin a son lâts insot ta chest teme cuntune mostre, al Museu Etnografic dal Friûl, che si podarà visitâ fin ai 9 di Fevrâr e che e sarà acompagnade di ativitâts didatichis e laboratoris.
19 min
03 Dic 2024

Buinore dal 03/12/2024 - La seconde edizion di "Idrofuture"

Aghe e agriculture a son un ecuilibri necessari e delicât tal contest dal cambiament climatic. La gjestion razionâl das risorsis idrichis e devente fondamentâl par garantî une altre racuelte e une produzion di cualitât. Par cheste reson, diviers atôrs dal cjamp, coordenâts de Ersa, si son cjatâts a Udin pe seconde edizion di "Idrofuture". Dulà che a son stadis condividudis lis pratichis plui inovativis e lis tecnologjiis di irigazion di gnove gjenerazion presintis in regjon e sul marcjât.
12 min
03 Dic 2024

Daspò misdì dal 03/12/2024 - Il volum "Visiti che tu sês ancje furlan"

Miercus ai 4 di Dicembar al vignarà presentât a Cjasarse il volum "Visiti che tu sês ancje furlan" di Maura Locantore, che al disvele un leam profont e lunc di Pier Paolo Pasolini cun Luigi Ciceri. La publicazion e scree la golaine Pasolini Biblioteca Friulana.
18 min
02 Dic 2024

Buinore dal 02/12/2024 - Feminis e bêçs. Par costruî la tô indipendence

Par scombati la violence cuintri des feminis al è essenziâl liberâlis di cualsisei dipendence economiche, rindintlis autonomis a nivel finanziari. Al partìs di chest pont il Moviment femine imprese di Confartigianato di Udin che al à promovût il cors di formazion sore nuie cul titul «Feminis e bêçs. Par costruî la tô indipendence." I argoments a cjapin dentri la gjestion des financis e i imprescj par rinfuarcî la resilience.
11 min
02 Dic 2024

Daspò misdì dal 02/12/2024 - I sogni del calameonte, la opare vincidore dal Premi Candoni - Orazero

"I sogni del calameonte", propite cussì, nol è un erôr di scriture, e je la opare di Federico Latini vincidore dal "Premi Candoni - Orazero" che e vignarà lete in maniere seniche ai 3 di Dicembar tal Teatri Gnûf "Giovanni da Udine".
18 min
25 Nov 2024

Buinore dal 29/11/2024 - La edizion numar 26 de stafete Telethon di Udin

A mancjin pocjis oris pal vie de stafete 24 par une ore Telethon di Udin che te sô edizion numar 26, di doman aes 15.00 e fin a la stesse ore di Domenie il 1 di Dicembar, e rindarà vîf il centri de citât. La manifestazion e varà come simpri il so pont di riferiment in Zardin Grant (place Prin di Mai) cul vilaç telethon e il circuit di gare al sarà lunc 2 km.
11 min
25 Nov 2024

Buinore dal 28/11/2024 - Lis prospetivis pe gnove stagjon dal schi in F-VJ

A Plans di Luce si è vierte di resint la stagjon dal schi in F-VJ in graciis, par intant, de nêf conservade cu la tecniche "snow farm", ven a stâi che e à polsât par tancj mês sot di un nivel di sclesis di len. Tecnichis une vore gnovis par dâi cuintri soredut al cambiament dal clime. Cualis sono lis prospetivis par cheste gnove stagjon?
11 min
25 Nov 2024

Daspò misdì dal 28/11/2024 - "Pasolini in Friûl, cjant di tiere e di ints", dal Côr Vôs dal Tiliment

Il Côr Vôs dal Tiliment al è pront par presentâ la prime di un so gnûf spetacul che si clame "Pasolini in Friûl, cjant di tiere e di ints", che al larà in sene sabide ai 30 di Novembar tal Auditorium Zotti di San Vît dal Tiliment.
19 min
25 Nov 2024

Buinore dal 27/11/2024 - Un sisteme di video control tai ponts plui strategjics de provincie di Udin

Meti adun un sisteme coordenât di video control tai ponts plui strategjics de viabilitât urbane de ex provincie di Udin cun imprescj une vore modernis. A son chescj i progjets metûts in vore di resint de bande dal comitât provinciâl di ordin e sigurece publiche in prefeture a Udin. Al è cjapât dentri dut il teritori, di Cividât a Tisane, di Tumieç e Çarvignan.
11 min
25 Nov 2024

Daspò misdì dal 27/11/2024 - Trê oms di peraule

Toni Capuozzo, Mauro Corona e Gigi Maieron a saran insiemi sabide ai 30 di Novembar, aes 20.45 tal Teatri Candoni di Tumieç, par un event di beneficence che al tocje la decime edizion, organizât di Lions e Rotary di Tumieç cul patrocini dal Comun di Tumieç. "Trê oms di peraule" al è il titul di chest spetacul che al risiervarà cetantis sorpresis.
18 min
26 Nov 2024

Buinore dal 26/11/2024 - Il congrès numar 6 di Legacoopsociali F-VJ

Ai 12 di Novembar a Çuian, li dal centri Balducci si è davuelt il congrès numar 6 di Legacoopsociali F-VJ. L'apontament al è stât bon ancje par fevelâ de evoluzion de cooperazion, viodudis lis criticitâts di vuê e tignint simpri iniment i obietîfs di sostignibilitât in graciis di une vision sociâl, culturâl e economiche.
11 min
26 Nov 2024

Daspò misdì dal 26/11/2024 - Atents a Catine

Caterina Tomasulo, la comiche, bariste, cabaretiste lucane naturalizade furlane e amade di ducj i furlans e torne a teatri par un event speciâl: i siei trente agns in Friûl, tal dì dal so complean. "Atents a Catine" al larà in sene joibe ai 28 di Novembar tal Teatri Gnûf Giovanni da Udine.
19 min
25 Nov 2024

Buinore dal 25/11/2024 - Une incressite plui che significative tal setôr dal turisim in regjon

Intai ultins agns il F-VJ al à regjistrade une incressite plui che significative tal setôr dal turisim, deventant une des regjons talianis cul dât plui alt par cheste miorament. Un risultât che al salte fûr soredut in graciis di iniziativis di promozion e di invistiments une vore specifics, che a àn valorizât lis bielecis naturâls e culturâls dal nestri teritori.
11 min
25 Nov 2024

Daspò misdì dal 25/11/2024 - La stagjon numar 103 dai Amîs de Musiche di Udin

Stagjon numar 103 pe societât conciertistiche plui antighe dal Friûl Vignesie Julie: i Amîs de Musiche di Udin, cu la direzion artistiche de flautiste furlane di nomee internazionâl Luisa Sello. Un gran cartelon e diviersis ativitâts dilunc dut l'an, ancje a favôr des zovinis gjenerazions.
19 min
19 Nov 2024

Buinore dal 22/11/2024 - La cunvigne "La agriculture biologjiche par frontâ il cambiament dal clime"

La associazion taliane agriculture biologjiche dal F-VJ, martars che al ven e organize une cunvigne cetant impuartante: "La agriculture biologjiche par frontâ il cambiament dal clime". Tancj i intervents in program, moderâts de bande de presidente dal AIAB F-VJ Cristina Micheloni.
11 min
21 Nov 2024

Daspò misdì dal 22/11/2024 - La seconde edizion de "Fieste dai nonos di Salin"

E torne pe seconde edizion la "Fieste dai nonos di Salin", in Val di Incjaroi. Une ocasion sedi par onorâ la presince inte comunitât dai plui anzians, ma ancje par tignî vive la coletivitât intun piçul e biel paîs che al ponte su lis tradizions e il vivi sempliç in armonie.
19 min
21 Nov 2024

Buinore dal 21/11/2024 - La edizion numar 22 de mieze maratone de citât di Palme

Domenie ai 24 di Novembar a Palme si cor la edizion numar 22 de mieze maratone de citât. La partence e je previodude di place Grande e, in plui de corse di ponte, a saran altris events tant che la stafete des scuelis e une marcje no competitive di 5 e 10 km.
11 min
21 Nov 2024

Daspò misdì dal 21/11/2024 - I 60 agns dal Côr Giuseppe Peresson di Plan Darte

Il Côr Giuseppe Peresson di Plan Darte al finìs sessante agns di cariere, une corâl che e puarte indenant cun competence e passion il cjant di tradizion orâl, ma si interesse ancje des gnovis espressions de musiche corâl. Pront pal conciert comemoratîf dai 23 di Novembar a Palaç Savoia di Darte, o cognossìn il Peresson intervistant il president Flavio Schiava e il diretôr Mario De Colle.
17 min
20 Nov 2024

Buinore dal 20/11/2024 - Fasìn clarece su lis concessions dal idroeletric

Cincuante aziendis dal F-VJ cun passe 55 milions di Kwh dâts fûr e centenârs di dipendents a riscjin cumò di vêle grivie par vie des concessions che a stan par scjadi intal 2025 e 2027 e che a podaressin lâ a gare europeane cul pericul che a vignedin dadis aes multinazionâls. Par fâ clarece, vinars stât la associazion des aziendis dal idroeletric dal F-VJ e à fat a Udin une cunvigne sul teme.
11 min
20 Nov 2024

Daspò misdì dal 20/11/2024 - I 60 agns di ativitât dal grop folcloristic Balarins de Riviere

Al è pront par celebrâ i 60 agns di ativitât il grup folcloristic Balarins de Riviere. Une realtât storiche e tra lis plui impuartantis tal studiâ, proponi e pandi il bal tradizionâl furlan, preseade no dome in dut il Friûl, ma ancje intai festivals internazionâi plui impuartants dal folclôr.
18 min
19 Nov 2024

Buinore dal 19/11/2024 - Un cors di auto difese e sigurece pes feminis a San Denêl

A tacâ di usgnot e fin ai 17 di Dicembar, a San Denêl, il comun al organize un cors di auto difese e sigurece pes feminis dai 14 agns in sù, sedi di San Denêl che di fûr. Cun cheste ufierte l'intindiment al è di dâ aes partecipantis lis basis di teorie e di pratiche par dâi cuintri ae plaie de violence di gjenar.
12 min
19 Nov 2024

Daspò misdì dal 19/11/2024 - "Pensieri e parole della montagna", un progjet dal Cai di Tresesin

Il Cai, il grup alpin talian di Tresesin, in colaborazion cu la Universitât dal Friûl, al à metût in program un biel progjet intitulât "Pensieri e parole della montagna". Cuatri seradis cun ospits docents e esperts par fâ cognossi e condividi esperiencis leadis ae mont.
18 min
18 Nov 2024

Buinore dal 18/11/2024 - Pet therapy intal repart di pediatrie dal ospedâl di Tumieç

Di resint intal repart di pediatrie dal ospedâl di Tumieç si è davuelte une cerimonie pal progjet di pet therapy che la aziende sanitarie dal Friûl di Mieç ASUFC e à metût adun a tacâ di chest an in dutis lis pediatriis dai ospedâi di riferiment, in graciis dal jutori fondamentâl de fondazion Pittini.
11 min
18 Nov 2024

Daspò misdì dal 18/11/2024 - L'Anciuti Music Festival di Fors Disore a Salisburg

L'Anciuti Music Festival di Fors Disore al è pront par slargjâsi fin a Salisburg, inte patrie dal divin Mozart, par un conciert esclusîf dedicât aes sonadis talianis dal secul XVIII. La rassegne dedicade al costrutôr di struments a flât cjargnel, Giovanni Maria Anciuti, al pant simpri di plui la sô nomee a nivel internazionâl.
19 min
10 Nov 2024

Buinore dal 15/11/2024 - Gnovis disfidis pal vin in F-VJ

A vendeme finide, si vierzin cumò gnovis disfidis pal vin in F-VJ. Impuartante la propueste dal consorzi "doc interregionale" sul pinot grîs cun mancul alcul e caloriis, e a son bogns ancje i clârs di lune pe nomine di Tiziano Venturini tant che gnûf vice president de associazion taliane des citâts dal vin, ma no dome.
11 min
10 Nov 2024

Daspò misdì dal 15/11/2024 - Il concors pal teatri amatoriâl "George e Rebecca Wilson"

La associazion di promozion sociâl Melodycendo, ancje chest àn e à presentât il concors pal teatri amatoriâl "George e Rebecca Wilson". Tantis lis compagniis in gare, par une sfide che e vûl valorizâ la produzion dal teatri in regjon.
17 min
10 Nov 2024

Buinore dal 14/11/2024 - Intai ultins 10 agns te nestre regjon plui di14 mil impresis sieradis

Stant a ce che al è saltat fûr di un studi resint fat de CGIA di Mestre, intai ultins 10 agns si regjistrin te nestre regjon plui di14 mil impresis sieradis, cuntune incressite des impresis vuidadis invezit di int che e ven dal forest. I dâts a puartin plui che mai a fâ riflessions une vore atentis.
11 min
10 Nov 2024

Daspò misdì dal 14/11/2024 - Zigaina 100. Anatomia di un'immagine

Al sta fasint il zîr dal Friûl il progjet "Zigaina 100. Anatomia di un'immagine", introspetive dedicade a une produzion particolâr dal pitôr Giuseppe Zigaina, nassût 100 agns indaûr a Çarvignan. A vignaran presentâts doi documentaris su di lui al Cine Teatri Sociâl di Glemone, sabide ai 16 di Novembar, par cognossilu intune maniere inedite.
19 min
10 Nov 2024

Buinore dal 13/11/2024 - Il comun di Pinçan dal Tiliment al è jentrât te ACLiF

In graciis di un vôt a maiorance, il consei comunâl di Pinçan dal Tiliment al à fat buine la jentrade inte ACLiF, associazion che e cjape dentri lis comunitâts dulà che si fevele e e je ricognossude la lenghe furlane. E je di fat la adesion numar 149, in zonte ancje a lis presincis di atris aministrazions dal Friûl ocidentâl.
11 min
10 Nov 2024

Daspò misdì dal 13/11/2024 - Un progjet de corâl di Vidulis che al conte la storie des filanderis

Il grup corâl di Vidulis al è daûr a puartâ, e no dome in Friûl, un biel progjet che al conte, tra musiche, coralitât e peraulis, une storie impuartante, chê des filanderis dal Friûl. Un progjet di caratar storic e musicâl che al conte di lavôr, dirits e emancipazion des feminis.
20 min
10 Nov 2024

Buinore dal 12/11/2024 - La edizion numar 24 di "formaggio e dintorni"

Si è a pene sierade a Glemone la edizion numar 24 di "formaggio e dintorni". Il Comun al gjolt di pôc ancje dal ricognossiment dal ONAV di "citât dal formadi" tant che prin in regjon. Fondamentâl il lavôr dai organizadôrs dal eco museu sul progjet des latariis turnariis, veris protagonistis dulinvie di ducj i dîs di fieste.
11 min
10 Nov 2024

Daspò misdì dal 12/11/2024 - Valôrs, ideâi e sintiments dai façolets verts tai cjants de Osôf

"Valôrs, ideâi e sintiments dai façolets verts tai cjants de Osôf" al è chest il titul dal libri scrit a cuatri mans di Nilo D'Osualdo (Filos) e Roberto Tirelli, publicât de associazion partigjane "Osoppo-Friuli".
19 min
10 Nov 2024

Buinore dal 11/11/2024 - Si è screât a Udin il centri tant che vetrine dai lens dal F-VJ

Lunis stât ai 04 di Novembar si è screât a Udin il centri tant che vetrine dai lens dal F-VJ. Une iniziative pandude de bande dal "cluster arredo casa" adun cun "legno servizi", tra lis ativitâts di promozion dal compart de foreste e dal len de regjon.
11 min
10 Nov 2024

Daspò misdì dal 11/11/2024 - Trente agns di cjase Cocel e cincuante de associazion Mitteleuropa

Trente agns di cjase Cocel e cincuante de associazion Mitteleuropa. Dôs realtât votadis, ognidune ae sô maniere, ae conservazion e ae trasmission dai savês, intune otiche vierte bande altris lûcs e lis lôr culturis.
19 min
05 Nov 2024

Buinore dal 08/11/2024 - Un cors in rêt di furlan par int di marilenghe inglese e spagnole

Ai 21 di Otubar a pene passat a Udin a je stade presentade la prime edizion dai cors in rêt di furlan par int di marilenghe inglese e spagnole, metûts adun de societât filologjiche furlane, cui finanziaments de agjenzie ARLeF e in colaborazion cu il ent Friûl in tal mont. Obietîf: indreçâ un puint jenfri Friûl, lis comunitâts dai emigrants e i lôr dissendents.
11 min
05 Nov 2024

Daspò misdì dal 08/11/2024 - File a teatri

"File a teatri", la rassegne di teatri, circ, animazion e contis par fruts e fameis, organizade di Molino Rosenkranz, a festeze dîs agns, e a met insiemi i teatris di Cjasarse, Feagne, Manià, San Danêl, Spilimberc e Çopule. Cuindis apontaments fint ai 9 di Març, par une imersion tal mont favolistic teatrâl dedicât al miôr public di vuê, sedi a stai i fruts.
19 min
05 Nov 2024

Buinore dal 07/11/2024 - Paîs di rustic amour

Daspò i boins risultâts dai prins apontaments, di la da l'aghe a le lât indenant a Otubar il zîr di presentazion dal portâl internet turistic di "paîs di rustic amour, sistemis integrats di cooperazion teritoriâl par un disvilup locâl sostignibil e inclusîf". Si fevele di un progjet finanziât da bande dai fonts dal PSR regjonâl.
11 min
05 Nov 2024

Daspò misdì dal 07/11/2024 - L'edizion numar 22 dai "Concierts di San Martin in Cjargne"

L'edizion numar 22 dai "Concierts di San Martin in Cjargne", organizâts di bande de associazion "I Amîs de Mozartine" di Paulâr, e je pronte a partî. Cutuardis concierts, dai 9 di Novembar fint ai 11 di Zenâr dal 2025, cun ospits artiscj di nomee nazionâl e internazionâl, insiemi aes ecelencis de musiche in regjon.
18 min
05 Nov 2024

Buinore dal 06/11/2024 - Un rapuart par capî cemût che si e rinovât il bosc a 6 agns di Vaia

A 6 agns da tampieste Vaia, par cirì di capî in ce maniere che si e rinovât il bosc, le universitât di Udin e che di Padue, cun atris istitûts, e an metût adun un rapuart sientific par il ministeri de agriculture in riferiment ai prins trê agns, a pene publicât e indicatîf de pussibile evoluzion dai nestris boscs.
11 min
05 Nov 2024

Daspò misdì dal 06/11/2024 - Ri/vivere in Domus / Un clavicembalo furlan te colezion dal Quirinâl

Il progjet di Fondazion Acuilee titolât "Ri/vivere in Domus", in coordinament cun varis ents, e tra chescj Maravee Project, cu la direzion artistiche di Sabrina Zannier, al à viert la salute multimediâl, un spazi interatîf, in tal Palaç Episcopâl, a screâ une largje serie di iniziativis. Seconde part di pontade dedicade ai Fradis Alessandro e Michele Leita de Val Pesarine che e an donât, daûr di un progjet curât di Gianmaria Paschini in sinergjie cu la Fondazion Friûl e la Regjon Friûl Vignesie Julie, un clavicembalo di alte fature fat di lôr, che cumò al è part de colezion dal Quirinâl di Rome, ae presince dal President de Republiche Sergio Mattarella.
19 min
05 Nov 2024

Buinore dal 05/11/2024 - La prime stagjon de CDA Talmassons tal campionât di volley al feminin di A1

Di cualchi setemane in ca al è tacât ancje il campionât talian di volley al feminin di A1. Pe prime volte inte sô storie e partecipe ancje le scuadre furlane de CDA di Talmassons che di "rif e di raf" cun determinazion, in cheste prime fase dal campionât si sta ambientant ben a cheste gnove e impuartante categorie.
11 min
05 Nov 2024

Daspò misdì dal 05/11/2024 - Il Premi leterari San Simon 2024

I vincidôrs dal Premi leterari San Simon 2024 di Codroip a son Laurino Giovanni Nardin par la sezione romanç e Mattia Modde par la sezion fumet. Se l'an passât il preseât concors leterari nol à vût vût vincidôrs, in cheste edizion invezit i lavôrs dai meritevui e àn vût considerazion ricognossude daûr dal judizi di une atente zurie.
19 min
04 Nov 2024

Buinore dal 04/11/2024 - Il prin festival regjonâl des vacjis beletadis

La Associazion Nazionâl Pezzata Rossa Italiana (Anapri), che e à la sede a Udin, in colaborazion cu la Associazion Arlevadôrs dal Friûl-Vignesie Julie e la cooperative Malghesi Carnia Valcanale, e à inmaneât il prin festival regjonâl des vacjis beletadis (pezzata rossa). Chest event al è stât organizât intal Centri Astis di Tumieç.
11 min
04 Nov 2024

Daspò misdì dal 04/11/2024 - Doi cjantautôrs furlans si son meretâts doi impuartants ricognossiments

Doi zovins musiciscj e cjantautôrs furlans a si son meretâts doi impuartants ricognossiments a nivel nazionâl in concors musicâi di lustri cun lôr cjançons in marilenghe. Lôr a son Nicole Coceancig, vincidore de edizion 2024 dal Premi Piero Ciampi, e vincidore dal premi dal public di Suns Europe di chest an, e Alvise Nodale, che al è stât ricognossût come l'autôr dal miôr test dentri dal Premi Andrea Parodi
18 min
28 Ott 2024

Buinore dal 31/10/2024 - I foncs e lis problematichis leadis al consum e ae conservazion

O fevelìn di foncs e des pussibilis problematichis leadis al consum e ae conservazion, che e à di jessi une vore atente par evitâ problemis, ancje grâfs. Cun di plui, al è ben ricuardâ che sul teritori regjonâl e covente ancje une autorizazion par cjapâ sù i foncs.
12 min
28 Ott 2024

Daspò misdì dal 31/10/2024 - Lis ativitâts pe promozion dai teritoris di Palme e Paulâr

Palme e Paulâr a son lis dôs localitâts dal Friûl sieltis in cheste pontade par contâ di ativitâts votadis ae promozion dai lôr teritoris. La prime al rivuart dal progjet di valorizazion par podê viodi la citât stelade di adalt, la seconde pal progjet de fatorie didatiche, dal Museu de Val di Incjaroi e dal vilaç celtic.
20 min
28 Ott 2024

Buinore dal 30/10/2024 - L'event "InnovIAmo"

La inteligjence artificiâl e pues acelerâ la inovazion e la competitivitât des impresis. Chest teme al è stât frontât dilunc dal event "InnovIAmo", un cicli di cuatri incuintris promovût di bande dal Comitât Piçule Industrie, dai Grups Telecomunicazion e Informatiche e Terziari avanzât e dal Digital Innovation Hub di Confindustria Udin.
11 min
28 Ott 2024

Daspò misdì dal 30/10/2024 - La programazion autunâl de rassegne Note Nuove

La associazion culturâl udinese Euritmica e je pronte par presentâ la programazion autunâl de rassegne Note Nuove e de gnove stagjon dal Teatri Pasolini di Çarvignan. Tancj i apontaments par concierts e spetacui di alte cualitât cun ospits artiscj di nomee nazionâl e internazionâl.
19 min
28 Ott 2024

Buinore dal 29/10/2024 - La lodre e je tornade ancje inte nestre regjon

E à riscjât la estinzion par efiet di une cjace cence control e dal incuinament. Cumò, invezit, la lodre e je tornade ancje inte nestre regjon e, stant ai numars, che a fevelin di un bon andament di ripopolament, si pues considerâle salve.
11 min
28 Ott 2024

Daspò misdì dal 29/10/2024 - La gnot dai musons a Trivignan e la not da lis muars a Dimpeç

Par contâ de fieste pe vilie dai Sants in Friûl-Vignesie Julie, o larìn prime a Trivignan pe prime edizion di La gnot dai musons, e daspò a Dimpeç pe storiche manifestazion di La not da lis muars. Tantis a son lis fiestis ator pe regjon di ce che al ven definît, par dîle ae americane, "Halloween".
19 min
28 Ott 2024

Buinore dal 28/10/2024 - Mattia Vrech, atlete di balon paralimpic

Mattia Vrech, furlan di Çarvignan, atlete di balon paralimpic, al à partecipât, in Primevere, ai mondiâi inmaneâts de Federazion internazionâl di balon cun paralisi cerebrâl. Mattia, che al è ancje president de Asd Ac La Rosa di Çarvignan, al è impegnât inte preparazion pal campionât nazionâl.
11 min
28 Ott 2024

Daspò misdì dal 28/10/2024 - 400 agns di Scjaraçule Maraçule / Edizion 9 di Uniti dalla fisarmonica

Il famôs cjant e bal furlan Schiarazzula Marazzula (Scjaraçule Maraçule) al finìs cuatricent agns e al è in cors un cicli di conferencis in forme di lezion conciert par contâ lis teoriis dal studiôs Gilberto Pressacco su chest misteriôs patrimoni musicâl. Daspò, si fevelarà de novesime edizion di "Uniti dalla fisarmonica", in program ai 2 di Novembar, kermesse organizade dal Grup Armonicistic di Tarcint.
20 min
19 Ott 2024

Buinore dal 25/10/2024 - Il libri sui 50 agns de Federazion dai Fogolârs dal Canadà

Tant passât ma ancjetant futûr. Il libri sui 50 agns de Federazion dai Fogolârs dal Canadà, realizât di bande di Gabriella Colussi Arthur e burît fûr cul contribût de Regjon Friûl-Vignesie Julie al conte une storie di emigrazion di sucès ma ancje i leams ancjemò salts cu la tiere di origjine.
12 min
19 Ott 2024

Daspò misdì dal 25/10/2024 - La edizion numar 34 dal Festival Teatrâl Cjistiel di Gurize

Edizion numar 34 pal Festival Teatrâl Cjistiel di Gurize "Premi Francesco Macedonio". Tacât ai 12 di Otubar, al larà indenant fint al 1n di Fevrâr dal 2025, e il prossim apontament al è sabide ai 26 di Otubar, tal teatri Verdi, cuntun omaç al Musical. Un cartelon vivarôs che al conte 14 apontaments, in viste dal premi che al vignarà conferît ae compagnie teatrâl ospite plui meritevule.
18 min
19 Ott 2024

Buinore dal 24/10/2024 - A son 82 i percors intal progjet "Fvg in movimento. 10mila passi di salute"

A son lâts sù a 82 i percors atîfs intal ambit dal progjet "Fvg in movimento.10mila passi di salute" promovût di bande de Regjon midiant Federsanitât Anci Friûl-Vignesie Julie. Une iniziative buine di coinvolzi 91 comuns de regjon soredut in graciis dai siei trats distintîfs: associâ il ben stâ des personis e la prevenzion ae salût cu la inclusivitât e il sens di comunitât.
11 min
19 Ott 2024

Daspò misdì dal 24/10/2024 - Concierts e ativitâts di Fûrclap tai mês di Otubar e di Novembar

Fûrclap, la associazion culturâl udinese che e conte trente e passe agns di ativitât, dilunc dai mês di Otubar e di Novembar e à in program une schirie di concierts e ativitâts une vore interessants, tra tradizion e atualitât, in scuadre cun realtâts associativis dal teritori e cul Istitût Arturo Malignani di Udin.
19 min
19 Ott 2024

Buinore dal 23/10/2024 - Lara, il gnûf laboratori di ricercje agroalimentâr de Universitât dal Friûl

Un laboratori che al cjale a lis impresis dal setôr agroalimentâr par judâlis a meti a pont percors e prodots su scjale pre industriâl in graciis di une schirie di implants e tecnologjiis ae avanvuardie. Al è il gnûf laboratori di ricercje agroalimentâr Lara de Universitât dal Friûl, insediât al Lab Village, il centri di ricercje aplicade dal Ateneu furlan.
11 min
19 Ott 2024

Daspò misdì dal 23/10/2024 - Il gnûf teatri comunâl di Tavagnà

Il gnûf teatri comunâl di Tavagnà, titulât al scritôr Paolo Maurensig, al scree la sô prime stagjon di musiche, danze, prose, concierts imersîfs e teatri par furlan, in graciis di une strente colaborazion cu la Fondazion Luigi Bon di Colugne e une rêt di associazions culturâls dal Friûl.
17 min
19 Ott 2024

Buinore dal 22/10/2024 - La manifestazion "Ville e Chiese Aperte"

Un format inovatîf, bon di meti in rêt turisim, economie de aree, culture e storie. A tacâ di chest an la manifestazion "Ville e Chiese Aperte", inmaneade di bande de "Gestione Associata Noi Cultura e Turismo", cul comun di Manzan tant che cjâf file, e pues contâ ancje su la colaborazion cul Distret dal Cumierç Friûl Orientâl (cjâf file il Comun di Pavie).
11 min
19 Ott 2024

Daspò misdì dal 22/10/2024 - Une esposizion dedicade a Sgorlon / Une publicazion dedicade a Candoni

Il Comun di Cjassà al à anunziât di pôc la nassite di une esposizion permanente dedicade al scritôr furlan Carlo Sgorlon, nassût propite a Cjassà tal 1930. O fevelarìn di cheste prossime mostre cul sindic di Cjassà Ornella Baiutti. Daspò, cul scritôr Paolo Patui, o larìn a scuvierzi la sô ultime publicazion dedicade al dramaturc cjargnel Luigi Candoni.
20 min
21 Ott 2024

Buinore dal 21/10/2024 - I Radioamadôrs, une risorse impuartante intes situazions di emergjence

I Radioamadôrs, intes situazions di emergjence, a son une risorse une vore impuartante intes primis 24/48 oris di cuant che al sucêt un event parcè che a puedin, cui mieçs a disposizion, sigurâ lis comunicazions radio.
11 min
21 Ott 2024

Daspò misdì dal 21/10/2024 - Giacomo Puccini e il so timp

Un gnûf progjet tra musiche e teatri al va in sene a Manià e a Udin, dedicât al grant compositôr Giacomo Puccini pai cent agns de sô disparide. "Giacomo Puccini e il so timp", un spetacul liric teatrâl organizât di bande de associazion culturâl Corâl Polifoniche di Montreâl che si fâs protagoniste, adun cuntune biele clape di atôrs e musiciscj, di cheste celebrazion puciniane.
18 min
15 Ott 2024

Buinore dal 18/10/2024 - La edizion 2024 di Oscar Green

La vite in direte di un pulinâr, la filiere dal lidric rose, la vecje malghe metude a puest, il recupar de anidride carboniche di fermentazion, lis cjasutis jenfri i vignâi, la bire a svilup lent. A son sîs i progjets che Coldiretti Giovani Impresa Friûl Vignesie Julie e à premiât inte edizion 2024 di Oscar Green, concors promovût di bande di Coldiretti Giovani Impresa nazionâl e patrocinât dal ministeri des Politichis agriculis.
11 min
15 Ott 2024

Daspò misdì dal 18/10/2024 - Ceghedaccio / Se tu sês bon

Un dopli apontament pal fin di setemane. Vinars ai 18 di Otubar e torne la fieste de musiche disco dai agns Setante ai agns Novante, tal paveon 6 de Fiere di Udin: Ceghedaccio. Sabide ai 19, tal teatri Modena di Palme invezit, e va in sene la finâl dal talent furlan cetant seguît "Se tu sês bon".
20 min
15 Ott 2024

Buinore dal 17/10/2024 - Lis sfidis pes piçulis e medis impresis

I cambiaments economics, tecnologjics e sociâi che citadins e comerciants a stan puartant indenant domandin a lis impresis e a lis aministrazions di adatâsi e inovâ. Lis piçulis e medis impresis podin afrontà chestis sfidis cuntune incressite sostignibil e inclusive tant che la propueste puartade indenant di bande dai Distrets dal cumierç introdusûts de Regjon.
12 min
17 Ott 2024

Daspò misdì dal 17/10/2024 - La Fiere di San Simon

La Fiere di San Simon, definide il "marcjât dai marcjâts", e je une des manifestazions culturâls, gastronomichis e de filiere comerciâl plui sintudis de Regjon dilunc dal Atom. Dîs dîs di fieste cun tancj apontaments dentri dal Quadrivium de citât e grant finâl cu la proclamazion dai vincidôrs dal Premi San Simon.
18 min
16 Ott 2024

Buinore dal 16/10/2024 - Sigurece in câl pal 40 par cent des impresis dal terziari di Udin

Sigurece in câl pal 40 par cent des impresis dal terziari di Udin. Cuasi il 59 par cent cirche dai imprenditôrs al pense che al è une vore o avonde grâf il probleme de esposizion des impresis al risi di rapinis, violence e ats di vandalisim. In chest sens l'80 par cent al à fat investiments inte sigurece par difindisi: dai sistemis di alarm antirobariis e antirapinis al video control.
11 min
16 Ott 2024

Daspò misdì dal 16/10/2024 - Il Museu di storie contadine di Pagnà

Al torne a vierzi il Museu di storie contadine di Pagnà, un lûc rapresentatîf de culture rurâl dal nestri teritori. Daspò cinc agns di fer, la storiche sede tal cuei di Zuc a Fontanebuine e à tornât a vierzi lis sôs puartis, dant la pussibilitât di visitâ e cognossi tancj aspiets de culture contadine, tra ogjets di lavôr e altris sugjestions de vite di altris timps.
19 min
15 Ott 2024

Buinore dal 15/10/2024 - A mancjin plui di 3 mîl medisinâi

A no son medisinâi: mancjin plui di 3 mîl prodots. Si fâs fadie in particolâr, a cjatâ medisinai par diabetics e cardiopatics. Federfarma e dîs che al è di spietâ dôs trê setemanis invezit di 12 oris. La buine gnove e je che cetantis farmaciis a podin preparâ lis medisinis che mancin autonomementri in forme galeniche.
11 min
15 Ott 2024

Daspò misdì dal 15/10/2024 - Il festival Incuintris di Cividât

Il festival Incuintris di Cividât chest an al titule la sô programazion al teme Identitât: cognossisi e ricognossisi. Edizion cuindis pe rassegne che e vierç un pont di dialic su argoments di grande atualitât, cun ospits esperts tai cjamps plui amplis dal savê.
18 min
14 Ott 2024

Buinore dal 14/10/2024 - L'Acdc Friûl Vignesie Julie

L'Acdc Friûl Vignesie Julie, adestrament di cjans di catastrofe, e je une associazion nassude intal 2000 cun l'obietîf di formâ unitâts cinofilis di socors pe ricercje di personis che si sono pierdudis in superficie. Chest an la associazion e fâs 24 agns di ativitât.
11 min
14 Ott 2024

Daspò misdì dal 14/10/2024 - La art de regjon a Bruxelles

La art de regjon Friûl-Vignesie Julie a Bruxelles. Al è chest il progjet espositîf multimediâl di art visive che la nestre Regjon e presente dentri dal so Ufici di colegament de capitâl belghe, par une schirie di mostris che si davuelzaran fint ai 21 di Fevrâr dal 2025. Tra i espositôrs, doi artiscj furlans, Toni Zanussi e Claudio Mario Feruglio, personalitâts amiis e cognossudis tal mont de piture a nivel internazionâl.
18 min
07 Ott 2024

Buinore dal 11/10/2024 - La novesime edizion dal concors Nonno Più

Al è rivât al novesim an il concors Nonno Più, promovût di bande di 50&Più Udin, che al viodarà i vincidôrs premiâts dilunc de edizion 2024 de Fieste dai nonos, in program domenie ai 13 di Otubar intal Salon dal Parlament dal Cjistiel di Udin. La fieste e je un event che al vûl ricognossi il rûl fondamentâl che a àn i nonos, simpri plui clamâts a partecipâ in maniere ative inte societât e intes fameis.
11 min
07 Ott 2024

Daspò misdì dal 11/10/2024 - La stagjon numar 28 dal Teatri Gnûf Giovanni da Udine

La gnove stagjon, la numar 28, dal Teatri Gnûf Giovanni da Udine e je pronte a scomençâ. Ospits artiscj internazionâi, nazionâi e regjonâi de musiche, de prose, de danze, de operete e de opare liriche, cence contâ tancj altris apontaments tra lezions, laboratoris e incuintris par dutis lis etâts e par ducj i publics.
18 min
07 Ott 2024

Buinore dal 10/10/2024 - Il trasferiment de sede di Tumieç inte gnove sede di Paluce dal CeFAP

Il CeFAP, di simpri ricognossût pe ecelence inte formazion di professioniscj intal setôr agricul, al vierç un gnûf cjapitul cul trasferiment de sede di Tumieç inte gnove sede di Paluce. Tancj i percors ativâts, par esempli il cors dedicât ai zovins che a vegnin fûr des scuelis mediis e che a vuelin deventâ operadôrs aes ativitâts ambientâls e de mont.
11 min
07 Ott 2024

Daspò misdì dal 10/10/2024 - Il Fîl dai Savôrs di Tumieç

Il Fîl dai Savôrs di Tumieç e je une manifestazion che e rapresente une impuartante ocasion par promovi e dâ valôr a lis ecelencis culinariis, gastronomichis e de biodiversitât de Regjon Friûl-Vignesie Julie. Dai 11 ai 13 di Otubar, a saran tantis lis realtâts cjapadis dentri e tra chestis lis scuelis e lis aziendis agriculis dal teritori. Dentri de programazion ancje un dialic viert curât di bande di Innovalp.
19 min
07 Ott 2024

Buinore dal 09/10/2024 - L'ospedâl di Udin al à 100 agns

La prime piere e je stade metude jù intal 1924 ae presince dal re di Italie: l'ospedâl di Udin al à 100 agns. Intal mês di Otubar grande fieste pal Sante Marie de Misericordie. Un apontament une vore impuartat pe citât.
11 min
07 Ott 2024

Daspò misdì dal 09/10/2024 - Stin dongje ae Patrie

Il sfuei mensîl furlan La Patrie dal Friûl al invide ducj al apontament intitulât "Stin dongje ae Patrie", domenie ai 13 di Otubar, aes trê e mieze dal daspò misdì, inte sede dai Colonos a Vilecjaze di Listize. Une iniziative che di trê agns e clame dongje la int adun di personalitâts de art, de culture e dal sport furlan.
18 min
07 Ott 2024

Buinore dal 08/10/2024 - Arpa Friûl-Vignesie Julie e finìs 25 agns

La Arpa Friûl-Vignesie Julie e finìs 25 agns di storie e in cheste dade di timp l'ambient al è cambiât tant, par cierts viers in miôr, ma a cambiâ a son stadis ancje lis modalitâts di gjestion e lis ativitâts produtivis che a àn un impat diret sul ambient.
11 min
07 Ott 2024

Daspò misdì dal 08/10/2024 - Il Cjamin di Sant Martin in Cjargne

Il Cjamin di Sant Martin in Cjargne al torne, ae sô tierce edizion, cun siet tapis in siet glesiis, dilunc dal mês di Otubar e fint ai 11 di Novembar, dì di Sant Martin. Un cjamin che nol è dome religjôs, ma ancje culturâl e in favôr dal benstâ fisic, un progjet curât di bande dai volontaris di Carnia Greeters. Tancj i incuintris par stiçâ la agregazion e il scambi di esperiencis tra lis personis.
20 min
07 Ott 2024

Buinore dal 07/10/2024 - La promozion e il disvilup de lenghe furlane te aministrazion publiche

La Union Europeane e sosten la promozion e il disvilup de lenghe furlane te aministrazion publiche. A Udin il prin focus group dal progjet "CrossTerm – Crossborder standardization of institutional terminology", cofinanziât de Union europeane cul Program Interreg VI-A Italie-Slovenie.
11 min
07 Ott 2024

Daspò misdì dal 07/10/2024 - La decime edizion di Suns Europe

Suns Europe, il festival european des arts in lenghe minorizade, al fâs fieste pai siei dîs agns. Une fieste di vinars ai 11 fint ai 19 di Otubar, cul grant finâl dal concierton tal Teatri Gnûf Giovanni da Udin e altris events fint ai 28. A paronâ a saran contaminazion, talent, pluralisim linguistic e creativitât, cun tancj ospits des culturis minoritariis dal Vecjo Continent.
19 min
30 Set 2024

Buinore dal 04/10/2024 - Un gnûf vignâl pal Pape

Un gnûf vignâl pal Pape, metût a dimore di bande dai esperts de Universitât dal Friûl. Al è stât il Vatican a incargâ i ricercjadôrs dal ateneu furlan, che a àn operât in colaborazion cul Istitût di Gjenomiche Aplicade e i Vignâi Cooperatîfs di Raussêt. Intai 20 etars di terens agricui e intal cjasâl dal Pape, a vile Barberini di Cjistiel Gandolfo, a son stadis plantadis lis primis varietâts che a resistin aes malatiis e al frêt.
11 min
30 Set 2024

Daspò misdì dal 04/10/2024 - Trallallero festival

"Trallallero festival", rassegne internazionâl di teatri e culture par lis gnovis gjenerazions che al met insiemi spetacui e events formatîfs par fruts, fantats, docents e fameis, al è pront a scomença une gnove e passionante edizion. A partî dal cinc di Otubar, apontaments ad Artigne, Tarcint e Glemone.
18 min
30 Set 2024

Buinore dal 03/10/2024 - La gnove sede de associazion "Diamo peso al benessere"

E je stade screade intai dîs passâts, in vie Puçui, a Udin, la gnove sede de associazion Diamo peso al benessere. Tra i obietîfs al è ancje chel di favorî un gnûf svicinament aes personis che a àn problemis di obesitât.
11 min
30 Set 2024

Daspò misdì dal 03/10/2024 - La 51° edizion dai "Concierts di musiche antighe a Voleson"

"Viaç tal Sacri Roman Imperi di Carli V e Filippo II", al è il sot titul de 51° edizion de stagjon concertistiche "Concierts di musiche antighe a Voleson". Ogni domenie aes cinc sot sere, fino ai 27 di Otubar, ospits di nivel internazionâl par dâ lustri al antîc strument che al è un unicum in Italie.
18 min
30 Set 2024

Buinore dal 02/10/2024 - Cjasis simpri plui cjaris soredut intal Nord Est

Cjasis simpri plui cjaris, i presits a cressin soredut intal Nord Est. Chi di nô l'indiç dal cost des cjasis al à une incressite plui alte rispiet al rest de Italie, cuntun increment dal 3,7 par cent: un dât plui bas dome intal Sud e intes isulis.
11 min
30 Set 2024

Daspò misdì dal 02/10/2024 - Dos doi due in uno

Un festival inedit, gnûf, curiôs: "Dos doi due in uno", in tune sede prestigjose come la vile Mangilli Schubert a Marsure di Paulêt. Cu la direzion artistiche di Valentina del Toso e di Federica Sansevero, a son cuatri i apontaments fint ai 19 di Otubar, a investigâ in variis formis, tra teatri, musiche e conferencis, i temis dal dopli.
19 min
30 Set 2024

Buinore dal 01/10/2024 - Saperi e Sapori Fvg

Ispirade al savê fâ, "Saperi e Sapori Fvg" e met dongje ambits di ecelence diferents cun protagonistis lis maestrancis dal artesanât. A saran presintis plui di trente aziendis che a riassumin lis miôr ecelencis enogastronomichis firmadis "Io sono Friuli Venezia Giulia" e dal artesanât dal sisteme cjase dome dal teritori regjonâl. La gnove fiere e je ospitade intal capanon 8 di Udin. Lis esposizions a laran indenant fin ai 6 di Otubar.
12 min
30 Set 2024

Daspò misdì dal 01/10/2024 - La none edizion dal "Festival Dialoghi"

Il festival itinerant internazionâl de cognossince, "Festival Dialoghi", al continue dilunc il mês di Otubar la sô programazion. "Dialics a scuele" "Scunfinaments e connesions", a son i contenidôrs de none edizion di cheste impuartante rasegne organizade di bande de associazion Culture Globâl.
18 min
30 Set 2024

Buinore dal 30/09/2024 - I 60 agns di "Vita nei campi"

La rubriche radiofoniche dal TGR Rai dal F-VJ "Vita nei campi" e à di pôc fat fieste pal inovâl dai 60 agns di trasmissions. Un travuart impuartant par chest apontament dedicât al mont de agriculture e preseât di tancj scoltadôrs apassionâts. O jerin ai 13 di Setembar dal 1964, al microfon il gjornalist Claudio Cojutti.
12 min
30 Set 2024

Daspò misdì dal 30/09/2024 - Putridambur / Ciak! Si colore cun Gnognowood

Al è apene jessût l'ultim disc, in formât vinîl e gratuit su lis plataformis digjitâls, dai LaipNessLess. Il progjet al si titule "Putridambur", al è un concept album stampât in vinîl cun dentri dîs tracis cence soluzion di continuitât sonore. Un viaç dal passât al futûr, da lis serenitâts di un timp ai disastros di vûe. Interviste a un dai components, Rudy Citossi. Inte stesse pontade, cun il grafic, disegnadôr e fumetist, Andrea Dree Venier, o nin a cognossi il gnûf libri dai famôs anemai preistorics furlans: "Ciak! Si colore cun Gnognowood".
19 min
27 Set 2024

Buinore dal 27/09/2024 - La anade dal vin dal 2024

Mai come in chest 2024 la anade dal vin si è presentade cun tantis sfidis e sperancis agronomichis. Lis cundizions dal timp a son cambiadis une vore zone par zone, rindint avonde dificil fâ previsions soredut de Vierte incà. Di fat cumò o sin rivâts insom de vendeme ancje in Friûl-Vignesie Julie duncje, cemût sono i clârs di lune?
11 min
27 Set 2024

Daspò misdì dal 27/09/2024 - La edizion n.37 di "Percoto Canta" / Il TSF al Teatri Verdi di Pordenon

Il concors di cjant "Percoto Canta" al è pront pe grande finâl di sabide ai 28 di Setembar tal Teatri Gnûf Giovanni da Udine. La edizion n. 37 de gare vocâl une vore innomenade, cuntune jurie di alt nivel che e à a cjâf la cjantante e diretore di orchestre Andrea Mirò e il musicist e compositôr Vittorio Matteucci, e viôt in gare 12 finaliscj che a rivin di variis bandis de Italie, ancje de nestre Regjon. In plui, il Teatri Stabil Furlan al propon la piéce "Dio Potente" al Teatri Verdi di Pordenon, vinars ai 27 di Setembar, une prime tal teatron pordenonês di tignî cont.
19 min
26 Set 2024

Buinore dal 26/09/2024 - Quando stappi tieni il tappo

Si clame "Quando stappi tieni il tappo": e je une iniziative benefiche di Confagricoltura FVG fate par cjapâ sù i tapons di sûr za doprâts cun chê di tirâ sù bêçs di donâ ae associazion "Via di Natale" a pro dai malâts oncologjics e des lôr fameis.
11 min
26 Set 2024

Daspò misdì dal 26/09/2024 - "Canvas melodies" il prin album di Alessio Zoratto

Il contrabassist e compositôr udinês Alessio Zoratto al à publicât il so prin disc di solist intitulât "Canvas melodies", o ben "Melodiis su tele". Une antologjie musicâl di undis tocs componûts di lui, dedicade ai grancj pitôrs de storie da la art. Un album di grant spessôr, editât de etichete Dokumenta Music in graciis de imprese culturâl "Simularte" di Udin.
18 min
25 Set 2024

Buinore dal 25/09/2024 - Servizio di tutela della vulnerabilità: ai chi è rivolto e come richiederlo

"Servizio di tutela della vulnerabilità: a chi è rivolto e come richiederlo" al è il titul dal incuintri di doman a Cussignà, metût adun de associazion "50&Più" di Udin insiemi cun Consumatori attivi. Il teme al è chel de furnidure di gas a cundizions economichis e di contrat stabilidis de bande de autoritât pai clients in dificoltât.
11 min
25 Set 2024

Daspò misdì dal 25/09/2024 - "Furlans eretics" il gnûf libri di Walter Tomada

Il gnûf libri dal professôr e storic Walter Tomada, publicât pe Biblioteca dell'Immagine, si titule, voltât par furlan, "Furlans eretics. Storie milenarie di disubidients iridusibii e bastians contraris". Adun cul autôr, che al à segnât un grant sucès cu la precedente publicazion "Storie dal Friûl e dai furlans", anìn a aprofondî chest gnûf lavôr che si presente ancjetant impuartant pe cognossince de tiere e de int furlane.
19 min
24 Set 2024

Buinore dal 24/09/2024 - Il gnûf distret dal mangjâ dal F-VJ

Ai 13 di Setembar il cafè Contarena di Udin al à fat di suaze ae presentazion dal gnûf distret dal mangjâ dal F-VJ, nassût par valorizâ il teritori e i siei prodots. 16 i comuns cjapâts dentri, 13 aziendis e 6 sogjets istituzionâi: comun di Udin, Universitât, "agrifood FVG", Cjamare di cumierç, Confagricoltura e Coldiretti di Udin.
11 min
24 Set 2024

Daspò misdì dal 24/09/2024 - Lis gnovis ativitâts de associazion Espressione-Est di Udin

Une opare che e cjape dentri di data sculpting, ven a stâi "sculture dai dâts", clamadis "Architeturis dal cidin". E je cheste la gnove opare dal architet, artist visuâl e musicist Cristiano Antonutti, che e vignarà presentade joibe ai 26 di Setembar tal "Spazi 35" di Udin. Chest e altri al è in program intes gnovis ativitâts de associazion Espressione-Est di Udin.
18 min
16 Set 2024

Buinore dal 20/09/2024 - Une cunvigne imaneade dai fisioterapiscj sul teme dal mâl di schene

Doman a Udin si davuelç une cunvigne imaneade dai fisioterapiscj sul teme dal mâl di schene. Un probleme di salût une vore comun che al à bisugne di simpri plui int dal mistîr, par frontâ la domande di assistence. Fisioterapiscj che dut câs si stan interogant sul avignî, cu la prospetive di passe 500 pensionaments tai prossims 10 agns.
11 min
16 Set 2024

Daspò misdì dal 20/09/2024 - La edizion n. 29 de rassegne organistiche "Gjigji Moret"

Ultins doi apontaments de edizion n. 29 de rassegne organistiche "Gjigji Moret", tal domo di Vençon, ven a stâi la glesie di Sant Dree Apuestul, a dâ valôr al storic orghin dal 1792 di Gaetano Callido riviodût daspò dal Taramot dal 1976 de dite Zanin di Codroip. La storiche manifestazion, direzude pe part artistiche dal mestri Andrea Marchiol, e propon ai 21 e 27 di Setembar doi concierts cun ospits organiscj di talent ricognossût.
19 min
16 Set 2024

Buinore dal 19/09/2024 - Regulis in rispueste al aument dai gjats vagabonts sul teritori di Cividât

In graciis di un stanziament di 90 mil euros, la aministrazion dal comun di Cividât e a cirût di meti gnovis regulis in rispueste al aument dai gjats vagabonts sul teritori. Un argoment di atualitât che l'assessôr di riferiment Cantarutti al à fat ancje un apel ae citadinance par cirî di sterilizâ i felins.
12 min
16 Set 2024

Daspò misdì dal 19/09/2024 - Viaç intes memoriis de Val di Incjaroi, l'ultin libri di Gianni Oberto

Al è a pene jessût l'ultin libri di Gianni Oberto, cultôr di storie locâl che si interesse cun passion e competence ae storie de Cjargne e soredut de Val di Incjaroi. "Viaç intes memoriis de Val di Incjaroi. Tra documents, ativitâts societariis e lavorativis, testemoneance di vite intes latariis di paîs e intes malghis de Val", al è il titul dal volum edit di Andrea Moro Editôr che o larìn a discuvierzi insiemi dal so autôr, contant une storie passade che e sa ancjemò di lat e di formadi.
18 min
16 Set 2024

Buinore dal 18/09/2024 - Edizion numar 24 pe maratonine internazionâl citât di Udin

Edizion numar 24 pe maratonine internazionâl citât di Udin, che chest an e vierç il cartelon dai events za di doman, ai 19 di Setembar e fin a domenie ai 22 che e sarà la zornade de mieze maratone adun cul aromai consolidât apontament de "straUdine".
11 min
16 Set 2024

Daspò misdì dal 18/09/2024 - La rassegne musicâl "San Vito Musica"

Gnove edizion de rassegne musicâl "San Vito Musica" organizade di bande de Accademie di Arcs Arrigoni direzude dal musicist e didate Domenico Mason. Une edizion che e puarte inmò une volte artiscj di nivel internazionâl par percors di musiche fûr dal ordenari, proponint dispès musiche contemporanie e di autôrs dal passât cognossûts pôc o pâr nuie. Tantis lis novitâts intes siet datis dal cartelon, a partî di vinars ai 20 di Setembar fint ai 31 di Dicembar.
18 min
17 Set 2024

Buinore dal 17/09/2024 - La corse di machinis "Cividât - Madone di Mont"

Di cualchi zornade in ca e je scomençade le conte dai dîs in spiete de corse di machinis "Cividât - Madone di Mont", salide a cronometri che chest an e rive ae edizion numar 47. Duncje ai 12 di Setembar si son viertis lis iscrizions ae corse metude adun de scudarie "Red White", che si davuelzarà di vinars ai 11 fin domenie ai 13 di Otubar.
11 min
17 Set 2024

Daspò misdì dal 17/09/2024 - Danzis di confin

"Danzis di confin" al è il conciert, tra musiche e narazion, che al viôt in sene, vinars ai 20 di Setembar a Glemone, la Orchestre Zovanîl Filarmonics Furlans e il storic e fabulatôr Angelo Floramo. Si fevelarà di danzis e di frontieris intun percors che dal Rinassiment al rivarà fin ae Ete contemporanie, da lis formis antighis de Furlane fint ae musiche di José Bragato, musicist e compositôr furlan che al à fat fortune in Argjentine lavorant a stret contat cul pari dal Tango Nuevo Astor Piazzolla.
19 min
16 Set 2024

Buinore dal 16/09/2024 - Fâ cognossi la Protezion Civîl ai zovins

Indreçâsi ai zovins e ai students par fâ cognossi la Protezion Civîl e lis sôs finalitâts. Par chest ancje chest an si son davuelts fin ai 31 di Avost a San Pieri dal Nadison i cjamps scuele des sezions dai alpins di Palme e Cividât cun 140 fruts e frutis dai 10 ai 15 agns.
11 min
16 Set 2024

Daspò misdì dal 16/09/2024 - "Undis a zero", un laboratori di leture e grafie in lenghe furlane

"Undis a zero" al è il titul dal laboratori di leture e grafie in lenghe furlane destinât ai plui puçui e organizât di bande de biblioteche civiche "Joppi" di Udin, in program miercus ai 18 di Setembar. Michele Polo, atôr, dramaturc e buratinâr, al sarà il moderatôr, la vuide di chest progjet che al nas di un libri editât de ARLeF. Cun di plui, si fevelarà di un altri apontament che al viôt protagonistis in chest câs lis marionetis di Vittorio Podrecca, in program ai 27 di Setembar a Cividât.
19 min
09 Set 2024

Buinore dal 13/09/2024 - Un incuintri sul teme de strade regjonâl 355 Comelians/Sapade

In graciis di un incuintri cu la assessore regjonâl Cristina Amirante, ai 29 di Avost a For Davôtri si è frontât il teme de strade regjonâl 355 Comelians/Sapade. Presints ducj i aministradôrs cjapâts dentri a nivel di teritori par cheste opare che, massime te sô prime fase e previôt une spese di 170 milions di euro.
11 min
09 Set 2024

Daspò misdì dal 13/09/2024 - Place Nûfcent

"Place Nûfcent" al è il progjet de associazion culturâl Bottega Errante, un festival itinerant che al tocje dîs localitâts dal Friûl Vignesie Julie e dilunc il mês di Setembar a son dôs lis tapis in program: a Tumieç domenie ai 15, cu la storiche de art Raffaella Cargnelutti, e a Tor di Zuin ai 22 di Setembar cu la vuide Raffaella Grasselli. A son cjaminadis gratuitis che e coinvolzin lis placis, cun ospits personalitâts impuartantis de culture locâl.
18 min
09 Set 2024

Buinore dal 12/09/2024 - Friuli Doc in osteria

Cu la scree di Friuli Doc, di vuê e fin a domenie e torne la iniziative des ostariis de citât "Friuli Doc in osteria". In 16 ambients, si podaran cjatâ plats e vins dal teritori a bon presit, cuntun santul di gale: Dario Zampa.
11 min
09 Set 2024

Daspò misdì dal 12/09/2024 - Agjenzie Regjonâl pe Lenghe Furlane a Friuli DOC

E continue la colaborazion de Arlef cu la grande fieste enogastronomiche udinese ae so trentesime edizion, in program dai 12 ai 15 di Setembar. La storie de lenghe furlane, ducj i segrets dal frico e i fumets par i plui piçui a son lis tematichis che a saran tratadis in dôs zornadis dedicadis, cun particolâr atenzion par il mont dai zovins.
18 min
09 Set 2024

Buinore dal 11/09/2024 - Ermes Canciani al vuidarà ancjemò la Federcalcio dal F-VJ dal 2025 al 2028

Ermes Canciani al vuidarà ancjemò il comitât de Federcalcio dal F-VJ dal 2025 al 2028. Il vôt a pro di Canciani de bande dai presidents des scuadris dal balon dai diletants dal F-VJ, che di pôc si son cjatâts in assemblee li de fiere di Udin, al è stât unitari: 176 vôts su 176.
12 min
09 Set 2024

Daspò misdì dal 11/09/2024 - La setime edizion di "Scuele Pasolini"

"Scuele Pasolini", in colaborazion cu l'Universitât Sorbonne di Parigi e l'Universitât de Calabrie, al è un incuintri anuâl di studi su l'opare dal scritôr corsâr che chest an al si tignarà dai 11 ai 14 di Setembar tal Centri Studis Pier Paolo Pasolini di Cjasarse. "Pasolini e l'alteritât: incuintris etnografics, viaçs e confronts antropologjics" al è il titul programatic di cheste setime edizion.
18 min
09 Set 2024

Buinore dal 10/09/2024 - Une gnove filiere de cjar salvadie

Confagricoltura FVG e à burît fûr di pôc une iniziative coordenade dal Ent pe tutele de faune, par rindi la gjestion de faune salvadie di chenti une oportunitât economiche sostignibile. Une gnove filiere de cjar salvadie metude adun cun cjaçadôrs, agricultôrs e macei di chenti, che e rapresente di fat une rispueste concrete ae presince simpri plui numerose di ungulâts salvadis sul nestri teritori.
12 min
09 Set 2024

Daspò misdì dal 10/09/2024 - La cuarte stagjon dal Teatri Stabil Furlan

La cuarte stagjon dal Teatri Stabil Furlan e je pronte a partî. Il sot titul de edizion 2024-25 al è: "Il vin di cjase (nol incjoche)" e e propon un vivarôs calendari tra produzions, coproduzions e colaborazion in diviers teatris di Udin e dulintor: Teatri San Zorç, Teatri Palamostre, Teatri Comunâl di Tavagnà e Teatri Gnûf Zuan di Udin.
19 min
09 Set 2024

Buinore dal 09/09/2024 - Il comun di Udin e il Friûl a àn memoreât Enzo Cainero

Cuntune cerimonie uficiâl fate ancje in presince dal vice president de Regjon Riccardi, vuê il comun di Udin e il Friûl a àn memoreât Enzo Cainero cuntune targhe tal famedi dal cimitieri monumentâl, dongje di tancj altris personaçs preseâts che a àn fat onôr ae citât e a dut il nestri teritori.
11 min
09 Set 2024

Daspò misdì dal 09/09/2024 - La gnove stagjon dal Ent Regjionâl Teatrâl dal Friûl Vignesie Julie

La gnove stagjon dal Ent Regjionâl Teatrâl dal Friûl Vignesie Julie e propon ancje chest an un grant cartelon di prose, musiche e danze, cun ben dusinte e cincuante apontaments in vincj e vot teatris de regjon. Une difusion capilâr di art performative, un grande rêt dal spetacul dal vîf che a larìn a discuvierzi cun tune interviste al president dal ent Fabrizio Pitton.
19 min
02 Set 2024

Buinore dal 06/09/2024 - La edizion numar 30 di Friuli Doc

Dai 12 ai 15 di Setembar prossims a Udin al torne Friuli Doc inte sô edizion numar 30. Un event impuartant dulà che il Comun al à pensât a tantis iniziativis e buinis gnovis: tra chestis, par esempli, la mostre te ex glesie di San Francesc "Trent'anni di FriulI Doc". Po dopo a saran tancj i testemonis e i santui de manifestazion: Bruno Pizzul, Giannola Nonino, il comic Galax, Mara Navarria, Giulia Rizzi e tancj altris...
11 min
04 Set 2024

Daspò misdì dal 06/09/2024 - La programazion dal mês di Setembar di "Guricìs Events 2024"

"Guricìs Events 2024", tacât tal mês di Jugn, e va indenant cu la sô programazion dilunc dal mês di Setembar, cun sîs incuintris tra teatri, musiche, cine, enogastronomie. Un grant contignidôr che al met in rêt realtâts associativis diferentis intune comunion di intents, ufrint une largje propueste di spetacui e intratigniment a pro de comunitât e di cui che al à gust di cognossile.
18 min
02 Set 2024

Buinore dal 05/09/2024 - Un progjet in colaborazion tra l'ARLeF e la Universitât dal Friûl

I fantats dal canâl "YoupalTubo" di resint a àn stiçât i lôr coetanis a rifleti su la oportunitât di deventâ infermîr cuntun video su YouTube. Un messaç cetant impuartant soredut pai contignûts e une vore simpatic te forme, che al jentre dentri di un progjet fat in colaborazion tra le Agjenzie regjonâl pe lenghe furlane ARLeF e la Universitât dal Friûl.
12 min
05 Set 2024

Daspò misdì dal 05/09/2024 - La programazion di Setembar dai "Concierts in Basiliche di Aquilee"

La programazion di Setembar dai "Concierts in Basiliche di Aquilee" e viôt in cartelon doi apontaments une vore interessants. Vinars ai 6 di Setembar la Academie di arcs Arrigoni di San Vît dal Tiliment, adun cun Mittelvox ensemble cun coriscj de Regjon Friûl-Vignesie Julie e de Slovenie, direzûts di Mateja Černic, a sunaran musichis ineditis dal compositôr furlan Pietro Alessandro Pavona. Sabide ai 21 di Setembar invezit, e sarà protagoniste la Esagramma Symphony In_Orchestra, la prime Orchestre Sinfoniche inclusive de Europe.
18 min
02 Set 2024

Buinore dal 04/09/2024 - Une delegazion dal Ent Friûl tal mont in visite a Toronto

Dopo vê partecipât ae fieste pal inovâl dai 50 agns de nassite de federazion dai fogolârs dal Canadà, la setemane passade une delegazion dal Ent Friûl tal mont cul so president Franco Iacop e à compagnât il president dal Consei regjonâl dal F-VJ Mauro Bordin te visite uficiâl a Toronto par podê fâ un incuintri cu lis istituzions e i "nestris" che a vivin sul teritori canadês.
11 min
04 Set 2024

Daspò misdì dal 04/09/2024 - Medioevo a Valvasone

"Ete di Mieç a Voleson". E torne la rievocazion storiche ae sô edizion numar trentedoi organizade dal Grup Artistic Furlan che chest an si fâs di joibe ai 5 fin domenie ai 8 di Setembar, in chel che al è ricognossût come un dai borcs plui biei di Italie. Cu la segretarie dal ent organizadôr, Zita Zoia, o nin a cognossi il calendari des tantis iniziativis in program, tra animazions, rievocazions, convivialitât, par grancj, piçui e fameis. Une manifestazion une vore sintude e partecipade che e cjape plui di mil figurants par cent e cincuante spetacui.
18 min
03 Set 2024

Buinore dal 03/09/2024 - Il zîr de regjon F-VJ

Di doman e fin sabide ai 07 di Setembar al torne l'apontament cul zîr de regjon F-VJ, impuartante manifestazion di bicicletis internazionâl rivade ae sô edizion numar 60, cui miôr talents dal ciclisim mondial. Par chest la associazion Libertas di Sarsêt e à lavorât par ufrî une altre edizion di gale cu lis scuadris talianis e forestis plui fuartis dal panorame Under 23, Elite e Continental.
11 min
03 Set 2024

Daspò misdì dal 03/09/2024 - Progjet Puccini 2024

"Progjet Puccini 2024", organizât de associazion Opera Prima Wien che di siet agns e puarte la opare liriche inte sugjestive sede di Vile Gradenigo Sabbatini a Puçui, in cheste gnove edizion e met in sene Gianni Schicci di Giacomo Puccini e Cavalleria Rusticana di Pietro Mascagni. La particolaritât e je che a concori par realizâ chestis oparis mestris e je dute la comunitât dal comun furlan, a partî dai costums fint al acet e ae partecipazion direte sul palc tant che atôrs e figurants. Diviers ancje i events colaterâi. La ultime repliche e je in program propite ai 3 di Setembar.
18 min
02 Set 2024

Buinore dal 02/09/2024 - Il sindic di Ravasclêt riconfermât a cjâf de Comunitât di mont de Cjargne

Il sindic di Ravasclêt, Ermes De Crignis, dulinvie di une riunion une vore partecipade, al è stât riconfermât president de Comunitât di mont de Cjargne. Lu àn tornât a votâ in 15 dai 27 sindics presints cuintri dai 11 vôts che al à cjapât il secont candidât, il sindic di Raviei Daniele Ariis. Cumò duncje si vierç un gnûf cjapitul cun gnovis sfidis: par esempli miorâ e meti adun la gjestion di dut il len de Cjargne, ma no dome.
11 min
02 Set 2024

Daspò misdì dal 02/09/2024 - "Cence memorie" il spetacul dal Museu Cjargnel des arts popolârs

"Cence memorie" al è il titul da spetacul itinerant in lenghe furlane ideât dal Museu Cjargnel des arts popolârs "Michele Gortani" di Tumieç in coproduzion cul Teatri Stabil Furlan. Al è la version voltade in marilenghe di "Senza memoria" di Carlo Tolazzi, cu la regjie di Massimo Somaglino e la partecipazion di Nicoletta Oscuro, Susanna Acchiardi, Manuel Buttus e lis musichis di Giorgio Parisi. L'ultin cicli des nûf replichis di un progjet cetant seguît, e va in sene tal museu di Tumieç propite vuê ai 2 di Setembar.
18 min
31 Lug 2024

Buinore dal 02/08/2024 - La edizion 2024 di Casa Moderna

Par cheste edizion 2024 in program a Udin dai 28 di Setembar ai 06 di Otubar, l'apontament storic di "casa moderna" al cambie formât e al rinfuarce lis sinergjiis. A rapresentâ cheste novitât e sarà soredut la gnove imagjin che e darà il bon acet tra il paveon 8 de fiere di Udin al numar zero di saperi&sapori FVG, metût adun de regjon cul jutori di Promoturismo e Confartigianato, par meti in lûs lis nestris ecelencis tal cjamp dal bevi e dal mangjâ e apont dal artesanât.
11 min
31 Lug 2024

Buinore dal 02/08/2024 - La rassegne di events organizâts di bande di Farfalle nella testa

E scomence la rassegne dal Istât di events organizâts di bande di Farfalle nella testa te Cjase des paveis di Bordan e intal Ecomuseu sul lâc di Cjavaç. La rassegne e je partide ai prins di chest mês e e larà indenant par dut l'Istât. In program apontaments musicâi, aprofondiments, visitis vuidadis e tant ancjemò par un lûc unic intal so gjenar, no dome in Friûl-Vignesie Julie.
19 min
31 Lug 2024

Buinore dal 01/08/2024 - Il libri: "Aldo Bernardis. Architetture a Lignano 1953-2003"

Miercus che al ven, ai 07 di Avost, si presente a Lignan il libri: "Aldo Bernardis. Architetture a Lignano 1953-2003" di Giulio Avon. Si trate di une opare che e spieghe cemût che Bernardis al sedi di fat l'architet che al à metût adun une schirie di lûcs simbul di Lignan, ancje come rapresentance turistiche. Struturis tant che il yachting club, la aziende turistiche, la terace mâr, che a son pardabon la vetrine de citadine di mâr dal Friûl, soredut pai turiscj.
11 min
01 Ago 2024

Daspò misdì dal 01/08/2024 - La edizion numar 33 di Avostanis

Avostanis e presente il program de sô edizion numar 33. Lis temperaduris altis dal mês di Avost si sopuartin miôr cun chest esperiment di resistence culturâl, che al cjate il so spazi naturâl e la sô sfogade plui autentiche intal curtîl dal ambient dai Colonos di Vilecjaze di Listize. Tancj i moments di alt nivel che la manifestazion e à ospitât, ma dute la organizazion dal festival – sot de direzion artistiche di Federico Rossi – no si strache mai di pensâ.
19 min
31 Lug 2024

Buinore dal 31/07/2024 - La certificazion PEFC pal grup pe gjestion forestâl sostignibile dal F-VJ

Impuartant risultât dal grup pe gjestion forestâl sostignibile dal F-VJ che al à a pene otignût la conferme de certificazion PEFC dai boscs par ducj i 61 ents che al rapresente. In totâl a vegnin cjapâts dentri 93 mil etars, che a posizionin il teritori de mont furlane al tierç puest a nivel talian, daûr des provinciis di Trent e Bolzan e devant di Ligurie, Venit, Lombardie e Piemont.
11 min
31 Lug 2024

Daspò misdì dal 31/07/2024 - Il libro dei cocai

"Il libro dei cocai" al è une racuelte di storiis che e à come ambientazion la lagune di Maran, i siei cjanêts, lis sôs personis, lis sôs stradis e lis sôs pieris. E ven fûr la infanzie dal autôr traviers i siei ricuarts de tradizion rurâl intal cûr des risultivis furlanis. No je dome une descrizion di ambients che si stan pierdint, ma ancje un colegament continui e scambi di rûi e posizions fra lis parts. Tra oms e bestiis, barcjis e aiars, pieris e siums.
19 min
30 Lug 2024

Buinore dal 30/07/2024 - La gnove cantine sperimentâl de aziende agrarie universitarie

Ai 24 di Lui a pene passât, a Udin si è screade la gnove cantine sperimentâl pe vinificazion in piçul de aziende agrarie universitarie "Antonio Servadei". La cantine, metude adun ancje cul jutori de Fondazione Friuli, e je indreçade propit a fâ vin doprant lis uis in maniere sperimentâl, compagnant il dut ancje cu la didatiche e zontant studis e ricercjis in colaborazion cun ents publics e aziendis.
11 min
30 Lug 2024

Daspò misdì dal 30/07/2024 - L'Istât di Sudri e je siore di events

Sudri al è intal canâl de Bût, in Cjargne, su la drete dal flum che al da il non a chel teritori. In plui dal cjâf lûc, il comun al conte ancje lis frazions di Neariis, Priôle e Çoncolan. Sudri al è un dai insediaments umans plui vecjos di dute la Cjargne, e al jere za cognossût te Ete di Mieç pe presince di un cjistiel sul cuel dai Sants. L'Istât di Sudri e je siore di events, che a laran indenant fin ae fin dal mês di Avost.
19 min
29 Lug 2024

Buinore dal 29/07/2024 - Il campionât mondiâl di softball a Cjasteons di Strade

Cu la finâl tra Gjapon e USA, domenie ai 21 di Lui si è sierât in F-VJ, a Cjasteons di Strade, il campionât mondiâl di softball. A vinci il trofeu a son stadis lis gjaponesis, ma a fâ fieste e je stade dute la organizazion, cul Friûl tant che suaze di chest impuartant event. Grande la sodisfazion duncje pe federazion taliane di baseball e softball dal president furlan Andrea Marcon, che cumò e cjale cussì cun otimisim e fiducie al futûr.
11 min
29 Lug 2024

Daspò misdì dal 29/07/2024 - Une scuele di scriture a Lignan

Di vuê al prossim vinars al Hotel President, des 10 a misdì e mieç, Lignan e da acet a une scuele di scriture par aprofondî lis propriis competencis in cjamp leterari e afinâ lis capacitâts di narazion traviers lezions e seminaris tignûts di gjornaliscj e scritôrs: Elisabetta Pozzetto, Martina Delpiccolo, Roberto Cescon, Alberto Garlini e Tullio Avoledo. Vuê Elisabetta Pozzetto nus à spiegât ce che nus insegne Catarine Percude.
17 min
26 Lug 2024

Buinore dal 26/07/2024 - I 250 agns dal formadi Montâs

Cuntune grande fieste li de Malghe Montâs ai 06 di Lui, ancje cu la scree de gnove fabriche casearie metude adun in graciis dai fonts regjonâi de direzion des risorsis, il formadi furlan plui cognossût, il Montâs, al à celebrât i doi secui e mieç di vite. 250 agns par cheste ecelence di origjin protete, che e salte fûr di un dai teritoris plui biei dal Friûl.
11 min
26 Lug 2024

Daspò misdì dal 26/07/2024 - La gnot zale dal mangjâ

"La gnot zale dal mangjâ" al è il prin event a Gurize dedicât ae scuvierte des specialitâts di enogastronomie firmadis des aziendis di Campagna Amica Gurize. Coldiretti Gurize, in colaborazion cui ristoradôrs di Confocommercio Gurizie, e interpretin i prodots dal teritori de rêt di Campagna Amica voltantju in cinc esperiencis rafinadis: Cuei, Cjars, Lagune e Gurize, completadis di un dolç firmât di Slow Food e acompagnadis des cantinis dal teritori.
18 min
25 Lug 2024

Buinore dal 25/07/2024 - La convenzion tra Fondazione Friuli e la Universitât dal Friûl

Fondazione Friuli e la Universitât dal Friûl setemane stade a àn rinovât la convenzion che in graciis di 800 mil euros di contribût e à l'obietîf di dâ un sburt ae Universitât par chel che al inten la didatiche soredut a pro dal teritori. L'acuardi par dut chest an, al è stât firmât de bande dal president de Fondazione Friuli Giuseppe Morandini e dal retôr de Universitât dal Friûl Roberto Pinton, inte suaze de aziende agrarie universitarie "Antonio Servadei".
11 min
25 Lug 2024

Daspò misdì dal 25/07/2024-"Ce crodistu di fâ?!" al sta finint la so tournée in Friûl

"Ce crodistu di fâ?!" al sta finint la so tournée in Friûl. Il spetacul, trasposizion in furlan de pièce in lenghe frisone "Wat Soesto!" (chest il titul origjinâl), daspò di un sucès cjapât al teatri Luigi Bon di Culugne, dulà che e je lade in sene la prime, al è tornât par une rie di replichis ospitadis di realtâts imprenditoriâls dal teritori. Domenie 28 di lui, aes 7 di sere, il ultin apontament al Spaccio Cospalat di Ipplis di Premariâs..
18 min
24 Lug 2024

Buinore dal 24/07/2024 - Cibo giusto

Ai 18 di Lui a son tornadis a tacâ di Lignan, par finì a Triest, passant par Barcis, Grau e Sapade. O stin fevelant des tapis dal "cibo giusto", la seconde edizion dal zîr ator pe regjon metût adun di Coldiretti FVG Campagna Amica. In dut a saran cinc i apontaments, in program fin ai 29 di Setembar.
11 min
24 Lug 2024

Daspò misdì dal 24/07/2024 - La mostre dedicade al artist Francesco Prestento

Il passât 5 di lui il intîr paîs di Cuar di Rosacis si è strent in te memorie di un so artist in tal centenari de nassude e a un an esat de so muart. Francesco Prestento al è sparît il an passât a 99 agns. Al è stât celebrât cun une grande mostre des sôs oparis metude su a vile Nanchini Cabassi, che si podarà viodi fin a dicembar. La mostre di piture e je curade dal artist Renato Paoluzzi e dal critic di art Vito Sutto.
18 min
23 Lug 2024

Buinore dal 23/07/2024 - La partence dal prossim zîr di Italie tal 2025

Pe partence dal prossim zîr di Italie tal 2025, si fevele simpri plui de Albanie tant che candidade a dâ il bon acet ai cicliscj tai prins trê dîs de corse "in rose". In chest câs però, i organizadôrs de "rcs" a varan di tornâ a pensâ a dut il percors che fin cumò al podeve sei chel in program, comprendude la scree previodude in F-VJ e a Triest.
11 min
23 Lug 2024

Daspò misdì dal 23/07/2024 - "Pôre di nuie", la prime opare in viers di Matteo Bellotto

La prime opare in viers di Matteo Bellotto e je une racuelte poetiche bilengâl furlan e talian, cun test in bande, dividude in cuatri sezions: Blanc, Neri, Tocai, Refosc. Paolo Patui, che al à curât la prefazion, al fâs un sunt di ton e caratar in cheste maniere: "Tra i colôrs di grande intensitât e i savôrs piâts di tais di vin sanghins un incjant vitalistic al travierse di vibrazions intensis ogni peraule e ogni viers inte cognossince precise che "La vite si cerce/E no si spude".
19 min
22 Lug 2024

Buinore dal 22/07/2024 - Il Friûl vincidôr de Europeada 2024

Il mont dal balon ai 05 di Lui a pene passât al à fat fieste pal Il mont dal balon ai 05 di Lui a pene passât al à fat fieste pal Friûl tant che vincidôr de Europeada 2024, il campionât european pes minorancis che si è davuelt te regjon dal Schleswig tra Gjermanie e Danimarcje. Un percors perfet chel de scuadre furlane che vincint in finâl a Flensburg par 2-0 cuintri dai Ocitans de minorance de France meridionâl a àn alçât il trofeu te lôr prime storiche partecipazion., il campionât european pes minorancis che si è davuelt te regjon dal Schleswig tra Gjermanie e Danimarcje. Un percors perfet chel de scuadre furlane che vincint in finâl a Flensburg par 2-0 cuintri dai Ocitans de minorance de France meridionâl a àn alçât il trofeu te lôr prime storiche partecipazion.
12 min
19 Lug 2024

Buinore dal 19/07/2024 - Il progjet "Interreg Italie e Cravuazie Brigantine"

Al è indreçât ae conservazion e ae difese de biodiversitât dal mâr Adriatic, in gracie dal control des alighis e de flore marine, ecosistemis une vore delicâts ma tant impuartants. O fevelìn dal progjet "Interreg Italie e Cravuazie Brigantine", inviât ai 19 di Jugn a Udin cul prin incuintri tra ducj i membris, ven a stâi cinc universitâts e centris di ricercje di Italie e Cravuazie.
11 min
17 Lug 2024

Daspò misdì dal 19/07/2024 - Alfabeto friulano delle rimozioni al è deventât un spetacul pal teatri

Di program radiofonic Rai a libri, di riduzion teatrâl a spetacul. Ve ca il meretât destin di "Alfabeto friulano delle rimozioni", di Paolo Patui, publicât di Bottega Errante, che al è deventât un spetacul pal teatri cul non di "Il Novecento delle rimozioni" e il sottitul "Arbitrario peregrinaggio teatrale tra donne e uomini che il Friuli non deve dimenticare", par cure di prospettivaT/teatrino del Rifo.
18 min
19 Lug 2024

Buinore dal 18/07/2024 - Guido De Michielis al è stât elet coordenadôr di "Cupla FVG"

Il furlan Guido De Michielis al è stât elet che nol è tant coordenadôr di "Cupla FVG", ven a stâi il coordenament unitari dai pensionâts dal lavôr autonom regjonâl che in F-VJ al à otante mil socis. De Michielis, za president regjonâl e provinciâl di Udin de associazion "50&Più" dai comerciants, al è stât nomenât dai coleghis des sezions cumierç, artesanât e agriculture.
11 min
22 Lug 2024

Daspò misdì dal 18/07/2024 - La edizion numar 28 di Onde Mediterranee

Euritmica si prepare ae edizion numar 28 di Onde Mediterranee, che e varà il so centri nevralgjic ae arene dal Cjistiel di Gradiscje dal Lusinç, ma e sarà presinte ancje in altris lûcs dal teritori. Il festival al ospitarà diviers dai plui ricercjâts e inovatîfs cjantautôrs de sene indipendente taliane. Jenfri di lôr Motta il 25 di lui. La dì dopo e sarà la volte di Colapesce Dimartino, che a presentaran i tocs dal gnûf album Lux Eterna Beach.
22 min
19 Lug 2024

Buinore dal 17/07/2024 - Il progjet "Uniud E-Racing"

Ai 25 di Jugn stât, la Universitât di Udin e a presentât al public le gnove machine metude adun dai students dal progjet "Uniud E-Racing" e al cent par cent eletriche. Le machine, che e je stade batiade tant che "Serena II", e à une velocitât massime di 120 km a la ore in gracie di un motôr di 80 Kw e di un pês di 310 Kg.
11 min
17 Lug 2024

Daspò misdì dal 17/07/2024 - Calexico

Usgnot in cjistiel a Udin Folkest al ospite i Calexico, il grup alternative country american fondât in Arizone di Joey Burns e John Convertino e deventât famôs pes tantis influencis: folk, country, tex-mex, blues, cjançon di autôr, indie. "O sin pardabon contents di podê meti dentri tal cartelon di Folkest 2024 – al precise il diretôr artistic Andrea Del Favero – chest progjet che al fâs viodi une impuartante vocazion ae contaminazion culturâl.
18 min
19 Lug 2024

Buinore dal 16/07/2024 - L'incuintri "Finanziare la crescita", li de Cjamare di Cumierç di Udin

Dâ un sburt ae incressite des impresis artesanis a nivel locâl tant che societâts di capital, dant un sburt ancje a chest lôr percors, parcè che al conven a dut il sisteme. Un messaç clâr, che la Confartesanât Impresis di Udin e à volût pandi a ducj i coleghis, ai 27 di Jugn stât, vie pal incuintri che al à vût par teme "Finanziare la crescita: credito agevolato e strumenti finanziari per sostenere la crescita e l'innovazione delle società di capitali", li de Cjamare di Cumierç di Udin.
11 min
17 Lug 2024

Daspò misdì dal 16/07/2024 - Il Blanc European Festival

Ativitâts e events musicâi, culturâi e multiartistics a dan vite al Blanc European Festival, manifestazion che dai 20 di Lui e par dut l'Istât, cuntun spazi dedicât ancje intal cors de sierade, e cree un leam tra la pedemontane di Pordenon e il cjâf lûc de provincie, passant par Spilimberc. Concierts, riflessions, incuintris e spetacui a formin une manifestazion uniche intal so gjenar.
19 min
19 Lug 2024

Buinore dal 15/07/2024 - Tree talker

Misurâ par ordin lis dinamichis di incressite, stabilitât e vitalitât dai arbui par dopo rivâ ancje a capî ben e par timp la rispueste rispiet al cambiament dal clime. Chest, in buine sostance, al è l'obietîf de universitât dal Friûl tant che membri de rêt taliane dai "tree talker", ven a stâi une schirie di puescj sperimentâi dulinvie il "troi Italie" che di fat al rapresente la infrastruture plui impuartante a nivel nazionâl.
11 min
17 Lug 2024

Daspò misdì dal 15/07/2024 - Cinc rassegnis dal folclôr mondiâl in regjon

Cinc grandis rassegnis a daran vite cun colôrs e ritmis dal folclôr mondiâl al Istât dal Friûl-Vignesie Julie, animant lis seradis tra i 11 di Lui e i 25 di Avost: di Folklorama al Festival Mondiâl dal folclôr zovin, dal storic Festival Internazionâl dal folclôr di Davian e Plan dal Cjaval al cetant inlidrisât Festival dai Cûrs di Tarcint, fin al Festival mondiâl dal folclôr Cjistiel di Gurize.
19 min
11 Lug 2024

Buinore dal 12/07/2024 - La edizion numar 35 dal incuintri di atletiche "sport e solidarietât"

Al è dut pront pe edizion numar 35 dal incuintri internazionâl di atletiche lizere, "sport e solidarietât" in program cheste domenie ai 14 di Lui tal stadi "Teghil" di Lignan. La " Nuova Atletica dal Friûl " cul president Giorgio Dannisi, ancje par cheste edizion e à lavorât une vore par puartâ in Friûl i miôrs atletis che a rivin di dut il mont. Cun di plui, a pocjis setemanis des olimpiadis di Parîs.
11 min
12 Lug 2024

Daspò misdì dal 12/07/2024 - La cuinte edizion di TreeArt Festival

Divulgazion sientifiche, culture, art, spetacui dal vîf, danze, musiche e cine a saran di gnûf in dialic a Buri, te vile dal Sietcent di Toppo Florio e intal so parc secolâr, pe cuinte edizion di TreeArt Festival, che di joibe ai 11 fin domenie ai 14 di Lui e metarà dongje artiscj, sienziâts e divulgadôrs di nivel nazionâl e internazionâl, ator ator di un cartelon siôr di dibatits, incuintris e performance.
18 min
11 Lug 2024

Buinore dal 11/07/2024 - Franco Iacop, il gnûf president dal ent "Friûl tal mont"

Ai 19 di Jugn a pene passat a Udin le assemblee dal ent "Friûl tal mont" e a elet Franco Iacop tant che gnûf president. Cun lui, sielt ancje il orghin diretîf in gracie dai vôts a pro dal comun di Udin, da fondazion Friûl, di confartesanât e confindustrie Udin, de cjamare di cumierç di Pordenon e Udin, de societât filologjiche furlane, universitât dal Friûl e comun di Cividât, in rapresentance duncje di 1047 des 1250 cuotis sociâls in totâl. Iacop al cjape cussì il puest di Loris Basso, president che a le stât in cjarie dal Març 2020.
12 min
11 Lug 2024

Daspò misdì dal 11/07/2024 - I Concierts in Basiliche 2024

L'Istât musicâl tal senari de Basiliche Patriarcjâl di Aquilee, sît e patrimoni Unesco, al met in sene vot grancj apontaments pai Concierts in Basiliche 2024: un puint di musiche a cjaval tra i confins che ancje chest an al tocjarà la Slovenie, intal Santuari dal Mont Sacri, cul event conclusîf di Esagramma Symphony In_Orchestra, protagoniste la prime Orchestre Sinfoniche inclusive de Europe, par evidenziâ e pandi la mission de "Basiliche par ducj".
18 min
10 Lug 2024

Buinore dal 10/07/2024 - Cemût compuartâsi in câs di incidents cun machinis eletrichis

Il teme des machinis eletrichis o ibridis e soredut di cemût compuartâsi cun chest gjenar di motôrs in câs di incidents stradâi.
12 min
10 Lug 2024

Daspò misdì dal 10/07/2024 - La cuarte edizion dal Festival Darte

Ae sô cuarte edizion, il Festival Darte, la rassegne che tal titul e met dongje la art cul non in lenghe furlane dal Comun cjargnel cjâf file de manifestazion, al torne cul trat distintîf che lu rint unic. Dai 11 ai 21 di Lui, par un totâl di disesiet apontaments intai siet comuns che a àn dât adesion: Darte, Çurçuvint, Paulâr, Zui, Tumieç, Verzegnis e la gnove adesion di Sudri.
18 min
09 Lug 2024

Buinore dal 09/07/2024 - L'incuintri inmaneât di Confagricoltura dal F-VJ e Agrisolutions srl

Confagricoltura dal F-VJ e Agrisolutions srl, la setemane stade a àn inmaneât l'incuintri: "Le soluzioni finanziarie per le aziende vitivinicole: il pegno rotativo e il fondo di rotazione". Tai varis intervents dai relatôrs e je saltade fûr la grande preocupazion dai roncârs, soredut dal moment che par cumò – e stant ai prins sîs mês dal 2024 - si previôt une stagjon une vore dificile.
11 min
09 Lug 2024

Daspò misdì dal 09/07/2024 - Il dotorât in Linguistiche in colaborazion cu l'ARLeF

Al è timp fin ai 11 di Lui par presentâ la candidature di amission al cors di dotorât di ricercje in Linguistiche, promovût de Universitât Libare di Bolzan adun cu la Universitât dai studis di Verone e in colaborazion cu la ARLeF - Agjenzie regjonâl pe lenghe furlane. Tra lis siet borsis di studi metudis a disposizion par frecuence, une e je risiervade al progjet su la analisi comparative des politichis di tutele dal rumanç, dal ladin e dal furlan.
17 min
08 Lug 2024

Buinore dal 08/07/2024 - Il grant lavôr a pro de lenghe furlane de bande de ARLeF

Daspò che un mês fa il istitût IRES a la burît fûr il scandai sul bon acêt da lenghe furlane sedi capide che fevelade, al cjape simpri plui mani il grant lavôr a pro de lenghe e da so promozion de bande de agjenzie regjonâl ARLeF. Tancj i progjets metûts in vore sedi par il presint che par il prossim futûr, in tant che adiriture la inteligjence artificiâl si sta interessant simpri plui a le marilenghe. Un esempli "fresc fresc": il furlan presint dentri dal tradutôr automatic di Google.
11 min
08 Lug 2024

Daspò misdì dal 08/07/2024 - Luci Celesti Radici Terrestri

Luci Celesti Radici Terrestri al è un festival di divulgazion sientifiche a teme astronomic, il prin de Cjargne: intal Comun di Darte, lant a spas tes localitâts di Val e Rualp fin al vicin Comun di Zui, par indagâ il rapuart che o vin vût cul cîl stelât dai mîts de antichitât fin aes scuviertis dai nestris dîs. Fin a Otubar a son in prevision conferencis, osservazions astronomichis, instalazions e dibatits.
19 min
05 Lug 2024

Buinore dal 05/07/2024 - La iniziative "In rifugio c'è più gusto"

Ai 22 di Jugn a pene passât a son tornâts i apontaments de iniziative "In rifugio c'è più gusto", progjet inviât za l'an passât de bande di Assorifugi FVG adun cun Promoturismo FVG e la fondazion Agrifood&Bioeconomy FVG. La iniziative si sierarà ai 27 di Lui e in dut a saran protagoniscj 10 ripârs cun 10 aziendis di chenti cjapadis dentri te marche "Io sono FVG". Clâr al è che l'obietîf principâl de rassegne al è chel di scuvierzi i prodots tipics cerçant plats fats cun ingredients locâi e peant il dut cun cjaminadis par scuvierzi lis nestris bielis tieris altis. Prossim apontaments: doman ai 06 di Lui tal ripâr Tolazzi di For Davôtri.
11 min
05 Lug 2024

Daspò misdì dal 05/07/2024 - Vento d'Estate

E va indenant fin ai 24 di Avost "Vento d'Estate", la rassegne culturâl e sociâl che dal 2010 e jemple e e anime il parc Martars de Foibis, te zone di viâl Ongjarie, cul coordenament dal Circul Arci MissKappa. Incuintris, musiche, laboratoris pai plui piçui: al è tant ce fâ in cheste manifestazion che e je un vêr presidi civîl intune zone delicade de citât.
17 min
04 Lug 2024

Buinore dal 04/07/2024 - Pape Francesc in visite a Triest

Cheste domenie ai 07 di Lui, Pape Francesc al sarà in visite a Triest, a conclusion des setemanis sociâls dai catolics in Italie. Tancj i puescj e i apontaments che lu viodaran presint: dal cjâf lûc de regjon, tal centri congrès "Generali", ai incuintris cui migrants, ai rapresentants de glesie di chenti, academics, disabii, par rivâ fin ae messe in place Unitât. Tra lis delegazions presintis, ancje une rapresentance de arcidiocesi di Udin, cul gnûf vescul Bons. Riccardo Lamba.
11 min
04 Lug 2024

Daspò misdì dal 04/07/2024 - La gnove edizion di "Estensioni. Dentro le letterature di confine"

Paolo Rumiz, Angelo Floramo, Paolo Patui. A son dome trê dai nons che chest an a parteciparan ae gnove edizion di "Estensioni. Dentro le letterature di confine", in program in val Pesarine. Intun mont dulà che si tirin sù gnûfs mûrs, i organizadôrs a àn struturât un program che midiant di incuintris cul autôr, cjaminadis, musiche, leturis e laboratoris al cirarà di rispuindi ae domande: "Cuant colial un confin?".
21 min
03 Lug 2024

Buinore dal 03/07/2024 - Lis misuris di prevenzion par protezisi des cecjis

Di cualchi setemane incà ancje la nestre regjon e je in vuaite par vie de presince di cecjis. Plui tal detai, i esperts a son une vore preocupâts de cecje "marginata", parassite une vore grant cognossût ancje tant che "cecje zigante" che - a diference des cecjis comuns che a spietin passivis prime di tacâsi su la lôr prede – al è invezit une vore atîf. Duncje denant di cheste menace e stant a ce che a consein i esperts des aziendis sanitariis di chenti, al è fondamentâl meti in vore lis misuris di prevenzion justis par protezisi e evitâ soredut di cjapâ malatiis.
11 min
03 Lug 2024

Daspò misdì dal 03/07/2024 - Seconde edizion di "Esplorando"

Come che e diseve Rachel Carson "chei che a vivin tra bielece e i misteris de tiere no saran mai di bessôi o stracs de vite". "Esplorando" al promôf azions e riflessions che a sostegnin adults, frutis e fruts inte relazion cul difûr, dant fuarce al plasê di stâ tal viert, la curiositât tai confronts di ce che al è ator di nô, il sens de bielece, il sintiment di partecipazion e amirazion pai vivents.
18 min
02 Lug 2024

Buinore dal 02/07/2024 - Un acuardi par meti adun lis comunitâts energjetichis in forme cooperative

Ai 05 di Jugn a Udin al è stât firmât un impuartant acuardi di intese tra Anci FVG e Legacoop FVG cun chê di informâ, sensibilizâ e dâ une man ai comuns par cirî di meti adun lis comunitâts energjetichis in forme cooperative. Si tabaie dal tierç esempli di chest gjenar in Italie dopo dal Lazi e de Umbrie par pandi tai teritoris de nestre regjon azions di difusion dal model cooperatîf di produzion e condivision da energjie nete come che apont a fasin lis comunitâts energjetichis rinovabilis.
11 min
02 Lug 2024

Daspò misdì dal 02/07/2024 - La otave edizion di "Piccolo Violino Magico"

A son 16 i violiniscj fin ai 13 agns di etât che si contindin i premis de otave edizion di "Piccolo Violino Magico", un dai concors internazionâi pui desiderâts e prestigjôs par zovins talents dal strument, ecelence dal Friûl-Vignesie Julie, zaromai cognossude e preseade in dut il mont. La competizion, cence limits di divignince e di nazionalitât, e finìs ai 7 di Lui a San Vît dal Tiliment.
18 min
01 Lug 2024

Buinore dal 01/07/2024 - A Glemone il titul di "citât dal formadi"

L'Onaf, la organizazion taliane dai cerçadôrs di formadis, e à assegnât a Glemone il titul di "citât dal formadi". Prin comun in regjon che lu ricêf, chest premi al met in lûs il rûl economic e culturâl che Glemone e à vût intal timp tant che sede di produzion di prodots casearis e identitaris pal contest sociâl, cun trê aziendis di riferiment: la latarie turnarie di Cjamp Lessi, la latarie di Moseanda e la Malghe Cuarnan, dongje de manifestazion che si fâs di 23 agns incà "Gemona formaggio e...dintorni" e al progjet su lis latariis turnaris pandût dal ecomuseu.
11 min
01 Lug 2024

Daspò misdì dal 01/07/2024 - "Di tiara e aga", une racuelte di poesiis di Lussia di Uanis

"Di tiara e aga" e je une racuelte di poesiis di Lussia di Uanis, publicade di Kappa Vu. E rivuarde il sens profont dal leam de autore cu la tiere di dulà che e ven e là che e vîf. Al è un leam spirituâl che al moreste la durece de vite, che e cjarece il lâ e al confuarte.
19 min
25 Giu 2024

Buinore dal 28/06/2024 - Al sarà un grum dificil cjatâ un boç di mîl furlane cu la etichete 2024

Al sarà un grum dificil cjatâ un boç di mîl cu la etichete 2024, almancul di mîl furlane. Cun di fat, il Consorzi dai apicultôrs de provincie di Udin al è stât clâr: «Une anade cussì no si veve mai vivude». Masse ploie e lis âfs no cjatin di ce mangjâ e adiriture si mangjin tra di lôr, di tante fam che a àn. E po a slontanin i mascjos dal boç, par cirî di sorevivi. Par chest i apicultôrs a àn fat un apel ae regjon che ju judi, cjatant subit atenzion. Dut câs la situazion e reste grivie, tant plui che, za chel altri an, a jerin stâts problemons par vie dal grant sut.
11 min
25 Giu 2024

Daspò misdì dal 28/06/2024 - E nas a Feagne la Cjase di Catine, la Cjase des culturis frutis

E nas a Feagne la Cjase di Catine, ven a stâi la Cjase des culturis frutis, par iniziative di Damatrà: un spazi culturâl permanent par sostignî i dirits des plui piçulis e dai plui piçui: il dirit al timp, ae bielece des diversitâts, ae creativitât, ae libertât di espression. E sarà screade a Novembar.
18 min
25 Giu 2024

Buinore dal 27/06/2024 - Lenghe furlane e sport

Lenghe furlane e sport: un leam strent e che cumò si cîr di valorizâ simpri di plui par fâ rivâ la lenghe furlane ai plui zovins. Juste in chescj dîs, dai 28 di Jugn ai 7 di lui, la scuadre di balon dal Friûl e sarà pe prime volte tal campionât european des minorancis. Il sport al è stât ancje il teme che il president dal Ent Friûl tal Mont al à sielzût pal ultin congrès dai Fogolârs furlans tal mont fat di pôc a Secuals, propit te patrie di un grant sportîf, Primo Carnera.
12 min
25 Giu 2024

Daspò misdì dal 27/06/2024 - Il gnûf spazi di art contemporanie "The Circle" a Gurize

La associazion culturâl QuiAltrove e à viert che nol è tant, sot dai puartis di vie Rastello a Gurize, il gnûf spazi di art contemporanie "The Circle", cûr di "Arte per la città", program di iniziativis che al cjape dentri la Academie di Bielis Arts di Vignesie e artiscj di innomine internazionâl.
18 min
25 Giu 2024

Buinore dal 26/06/2024 - Un centri par fâ sports di aghe a Claut

Un centri par fâ sports di aghe… a Claut, sì a Claut intal mieç des monts e dai crets. La iniziative e je stade screade juste in chescj dîs, par valorizâ plui che si pues la pussibilitât di fâ kayak e canyoning tes aghis de Ciline che chest an, par altri, e pues gjoldi di une stagjon cetant buine in cont de aghe. La associazion che è à metût in pîts cheste realtât e à trê istrutôrs di canoe che a fasin cors par ogni nivel di preparazion, ancje pai principiants. Une iniziative, al à dit il sindic di Claut, che e intint di tirâ dongje simpri plui turiscj e condividi la passion pai sports di aghe cui zovins dal lûc. La mont, duncje, si organize par valorizâ pal miôr dutis lis risorsis che e à.
11 min
25 Giu 2024

Daspò misdì dal 26/06/2024 - La cuintriculture in Friûl tai agns Sessante e Setante

Cemût ise stade vivude la cuintriculture in Friûl tai agns Sessante e Setante? Ce impat aie vût su la societât e sui moviments culturâi furlans? Ce ereditât aie lassât? Di chest si à fevelât dilunc di une cunvigne a S. Denêl.
18 min
25 Giu 2024

Buinore dal 25/06/2024 - La Zornade internazionâl di Yoga

Dute une setemane di Yoga a Udin tai zardins de citât, ma ancje tes aulis universitariis, par capî cemût che cheste pratiche e pues meti dongje meditazion e neurosiencis. Al è ce che al è sucedût in chescj dîs a Udin, in ocasion de Zornade internazionâl di Yoga, continuant cussì la iniziative de associazion Flor de Vida, che e à vût il patrocini dal Comun, de Universitât e ancje de Fondazione Friuli. In struc, une pussibilitât par miorâ i mûts di vite.
11 min
25 Giu 2024

Daspò misdì dal 25/06/2024 - La 45e edizion dal premi "San Simon"

Al è timp fin ai 15 di Lui par partecipâ ae 45e edizion dal prestigjôs premi leterari in lenghe furlane "San Simon", promovût de citât di Codroip e intitulât ae memorie di Agnul Pittana. Dôs lis sezions in concors: romanç e conte cu la tecniche dal fumet.
18 min
25 Giu 2024

Buinore dal 24/06/2024 - La gjeriatrie teritoriâl

Lu disin lis istituzions, lu domandin i vecjos: i servizis sanitaris pes malatiis, tantis cronichis, e par dutis lis necessitâts di chei che a comencin a jessi indevant cu la etât a àn di jessi sparniçâts sul teritori, scuasit a puartade di man e, dut câs, bogns di dâ rispueste a int fragjile e simpri plui di bessole. Par chest si è cjalât cun grade atenzion ae gnove che e je rivade in chescj dîs de Aziende sanitarie dal Friûl Centrâl, la Asufc, che e à nomenât il gnûf diretôr, Debora Donnini, de struture operative complesse di «Gjeriatrie teritoriâl», evidenziant che «E cjape simpri plui forme l'implant de assistence teritoriâl» di cheste aziende.
11 min
25 Giu 2024

Daspò misdì dal 24/06/2024 - La cjase de justizie pierdude

"La cjase de justizie pierdude" al è un libri di Donata Milazzi, un viaç sui segns dal amiant, des sôs vitimis, de justizie domandade a dute vôs e dineade masse dispès. La publicazion e je stade voltade par furlan e presentade al Istitût Malignani di Udin dilunc di un seminari didatic.
19 min
17 Giu 2024

Buinore dal 21/06/2024 - La CVC, la Cantine sociâl plui grande dal Nordest

Ai prins di Lui e devente realtât operative la Cantine sociâl plui grande dal Nordest e un dai pilastris e je la cooperative La Delizia di Cjasarse, che si è fondude cu la Cantine sociâl di Conean e Cenede (Vittorio Veneto) par creâ la Cvc. Une realtât cetant grande ancje a nivel talian e un tra i sogjets dal Prosec plui impuartants a nivel mondiâl, cun 1.600 socis, 5 mil e 500 etars di teren a vignâl, 900 mil cuintâi di ue e 26 milions di butiliis. Numars grancj par rivâ adore a grampâ cuâi obietîfs?
11 min
17 Giu 2024

Daspò misdì dal 21/06/2024 - "Breve storia sentimentale dei Balcani", il gnûf libri di Agnul Floramo

Agnul Floramo al è tornât in librarie cun "Breve storia sentimentale dei Balcani". Une narazion intime, di ce che a son e ce che a rapresentin i Balcans, che al regale a letoris e letôrs sugjestions e passions. Cun chest libri, publicât di Bottega Errante, il storic e scritôr furlan, premi Nonino Risit d'Aur 2024, al fâs un viaç intune part di Europe complesse, stratificade, tra popui, frontieris e utopiis.
19 min
17 Giu 2024

Buinore dal 20/06/2024 - Il marcjât des cjasis tal Friûl-Vignesie Julie

La riduzion dai tas di interès decidude de Bce a Jugn e met benzine tal motôr dal marcjât des cjasis dal Friûl-Vignesie Julie, che al à za dât segnâi positîfs te prime part dal an. Lu conferme l'Osservatori Fiaip F-VJ, la federazion che e met adun i agjents imobiliârs de regjon. Tra i fenomens gnûfs che si confermin cun cheste indagjin al è chel di comprâ la seconde cjase in regjon simpri plui dispès par dâle a fit cun scjadince curte.
11 min
17 Giu 2024

Buinore dal 20/06/2024 - Il Piccolo Opera Festival

Dai 21 di Jugn ai 7 di Lui al torne il Piccolo Opera Festival cuntun calendari siôr di iniziativis dedicadis al teme de fantasie. Oparis e concierts si fasaran tai lûcs plui sugjestîfs dal Cuei talian e sloven. In program 20 apontaments pe 17e edizion dal festival che si caraterize pe vocazion transfrontaliere, multiculturâl e multilinguistiche, pe atenzion pe sostignibilitât.
16 min
17 Giu 2024

Buinore dal 19/06/2024 - Une mission dai zovins imprenditôrs de Confindustria di Udin a Singapor

Al è il secont puart tal mont par movimentazion di containers, la tierce economie plui competitive, il cuart Paîs par atrazion di invistiments dal forest, il secont par facilitât di fâ imprese, il cuint espuartadôr globâl di prodots di alte tecnologjie e al è ancje il prin paîs asiatic par mobilitât tes citâts. A son chestis lis resons che a àn puartât il grup dai zovins imprenditôrs de Confindustria di Udin a sielzi Singapor tant che lûc dulà lâ in mission internazionâl tal 2024, cul intindiment di fâ cressi la manifature furlane.
11 min
17 Giu 2024

Daspò misdì dal 19/06/2024 - "Gotes", il tierç album di inedits dal cjantautôr furlan Alvise Nodale

"Gotes" al è il tierç album di inedits dal cjantautôr furlan Alvise Nodale. La racuelte e je componude di dîs tocs intims, proponûts cun sonoritâts acustichis, che a contin fragjilitât, dubis, amôrs e torments essenziâi par frontâ il cambiament, fîl ros che al lee tra di lôr lis cjançons. E sarà presentade ai 21 di Jugn a Prât.
17 min
17 Giu 2024

Buinore dal 18/06/2024 - La scuadre Baskin-Udin Zio Pino e je deventade campionesse di Italie

Za cinc agns indaûr al è nassût il Baskin a Udin e in regjon e ae fin di Mai la scuadre Baskin-Udin Zio Pino e je deventade campionesse di Italie, alenade di Alberto Andriola. E je cheste la grandiose afermazion dal basket inclusîf furlan, che al à sul cjamp di zûc atletis che a àn un impediment e chei che no lu an. Ognidun di lôr al è fondamentâl par fâ la partide e, si spere, par vincile. Scomençât tal cidin, al à cjapât in curt la atenzion di varis sogjets dal teritori, tant che si sono formadis plui scuadris e la esperience e je stade puartade ancje tal forest.
11 min
04 Giu 2024

Daspò misdì dal 18/06/2024 - Il percors formatîf "Tal non di Lea, tal cûr di Denise"

Si è sierât il percors formatîf intitulât "Tal non di Lea, tal cûr di Denise". Nassût de colaborazion dal Liceu Percoto cun Libera, al à ricostruît la storie di Lea Garofalo, testemonie di justizie e vitime de 'ndrangheta, e di sô fie Denise, che par un an a àn vivût a Udin. Par memoreâ la lôr storie e je stade screade une instalazion realizade di studentessis e students dal Liceu artistic Sello.
19 min
17 Giu 2024

Buinore dal 17/06/2024 - Il forograf des liparis

Lis cjale di cuant che al jere frutut e cumò, che di agns a 'nd à 33, lis fotografe ancje di dongje e al cognòs ogni lôr carateristiche e abitudin. Lui al è Josef Dereani, artesan dal len di Paulâr, lôr a son lis liparis in dutis lis cumbinazions. Se il so messaç al è clâr: «La atenzion e à di jessi massime cuant che si va pai lûcs dulà che si puedin cjatâlis», il so sugjeriment al è ancjetant puntuâl par prevignî malans: «Bisugne cognossilis, no dome vê pôre».
11 min
17 Giu 2024

Daspò misdì dal 17/06/2024 - Palchi nei parchi

Cun "Palchi nei parchi" la nature e fâs di senografie a concierts e spetacui. E je in cors la cuinte edizion de rassegne di musiche e teatri ideade dal Servizi boscs e Cuarp forestâl de Regjon, cu la direzion artistiche de Fondazion Luigi Bon, in program fin al prin di Setembar, tra ambients za cognossûts e novitâts assoludis.
16 min
11 Giu 2024

Buinore dal 14/06/2024 - La motosee e il falcet

Doi imprescj un grum distants fra di lôr, ma dut câs ducj i doi impuartants pai lavôrs in campagne e ancje tal zardin e tal ort: a son la motosee e il falcet. Propit il falcet al è lât in dismentie man man che a rivavin dongje i tratoruts e lis machinis a motôr par seâ la jerbe tai prâts, ma cumò al torne a jessi doprât e ancje cun sodisfazion. Ben si intint, no su lis grandis superficiis, ma tai piçui tocs di tiere il falcet al met dongje un biel lavôr cu la pussibilitât di fâ un pocje di ativitât fisiche e di tornâ a doprâ la manualitât. Dut câs, par ducj i doi i imprescj e je une biele domande di cors di formazion, ancje a nivel amatoriâl.
12 min
11 Giu 2024

Daspò misdì dal 14/06/2024 - La sielte di Eline

"La sielte di Eline", oparete inedite in cuatri ats ispirade di une storie vere sucedude in Friûl, al è l'event che al vierzarà, ai 16 di Jugn, il festival "Come l'acqua de' fiumi", promovût dal Istitût "Fano" di Spilimberc e rivât ae sô seste edizion.
19 min
11 Giu 2024

Buinore dal 13/06/2024 - L'Atlant dai svuarbevoi dal Friûl-Vignesie Julie

Il svuarbevoi, o svuarbecjavai, al è une sentinele dal teritori. No si disarès, e pûr chest inset al pues mostrâ il stât di salût dal ambient, come che a àn spiegât te risierve dal lât di Curnin, vierzint il calendari un grum siôr di apontaments, che ancje chest an a rindaran interessant rivâ su chestis aghis par scuvierzi i aspiets particolârs peâts a chest lûc e al ambient dulintor. E a proposit di svuarbevoi, il lôr valôr al è cussì fuart che a Curnin si è presentât ancje un libri dut su di lôr, cul Atlant dai svuarbevoi dal Friûl-Vignesie Julie.
12 min
11 Giu 2024

Daspò misdì dal 13/06/2024 - La Fieste de solidarietât / Il risveglio del piccolo lettore

Ai 15 e ai 16 di Jugn a Nimis si fasarà la "Fieste de solidarietât" par celebrâ l'imbutiliament di un vin solidari, risultât di une grande gare di gjenerositât a pro dai progjets dal missionari Dario Laurencig, in Afriche di 50 agns. Tes stessis zornadis, Pasian di Prât al darà acet a "Il risveglio del piccolo lettore", festival de leterature pe infanzie e par fantatis e fantats.
19 min
11 Giu 2024

Buinore dal 12/06/2024 - La sezion di chei che a àn sessante e plui agns dal CAI regjonâl

La mont e je une passion che e dure un vite. Lu dimostre la vivarositât de sezion di chei che a àn sessante e plui agns dal Cai Friûl-Vignesie Julie che, in plui che vê une vore di aderents, e je ancje un grum impegnade cun ativitâts che a son pensadis di pueste pe etât. Cun di plui, si crein aleancis tra grups compagns dal Nordest, tant che si è a pene tignût a Meran, in Sud Tirôl, il diesim secont incuintri dal Trivenit dai seniores, cun cuatri tipologjiis di percors.
11 min
11 Giu 2024

Daspò misdì dal 12/06/2024 - Il festival Terminal

Dai 14 ai 23 di Jugn, il festival Terminal al animarà il Parc Moretti di Udin. Artiscj di dut il mont a varan a ce fâ cu la citât e i siei abitants fasint sperimentâ l'incjant e la maravee dal circ contemporani, des arts visivis e performativis.
18 min
11 Giu 2024

Buinore dal 11/06/2024 - Students a àn studiât il patrimoni architetonic e ambientâl di Sudri

Vincjetrê students e studentessis dal cors di lauree in architeture de Universitât dal Friûl par une setemane a àn studiât il patrimoni architetonic e ambientâl di Sudri e, in particolâr, chel des frazions di Neariis e Priôle, e a àn provât a imagjinâ e dissegnâ un paîs rinovât. Obietîf: creâ gnûf spazis di incuintri e rindi di gnûf atratîfs chestis cjasis e fabricâts cuntun aleât che a Sudri si cjate in abondance, ven a stâi il len.
11 min
11 Giu 2024

Daspò misdì dal 11/06/2024 - L'isola di Stavoli

Cuatri dîs dedicâts a spetacui di art, musiche e teatri che si alternaran a esperiencis e laboratoris te nature, cun artiscj e creatîfs di dute Italie. Dai 13 ai 16 di Jugn al torne L'isola di Stavoli, il festival che al da gnove linfe al borc dal comun di Mueç.
18 min
11 Giu 2024

Buinore dal 10/06/2024 - Lis zornadis di reclutament organizadis dai servizis regjonâi pal lavôr

Cjatâ lavoranzie e continue a jessi une sfide pes impresis dal Friûl-Vignesie Julie, parcè che la ocupazion e à nivei alts rispiet ae popolazion ative e parcè che nol è facil cjatâ i profîi tecnics che lis aziendis a domandin. In cheste suaze par nuie semplice, al pâr che a vedin sucès lis zornadis di reclutament che grups di aziendis a organizin cu la colaborazion dai servizis regjonâi pal lavôr, che a davuelzin un rûl di facilitazion tal incuintri tra domande e ufierte. Cuâl isal il pont de situazion?
11 min
11 Giu 2024

Daspò misdì dal 10/06/2024 - Folkest

Al à slargjât i siei orizonts gjeografics e temporâls Folkest, il festival internazionâl rivât ae 46^ edizion, che fin ai 17 di Avost al puartarà ancjemò une volte in dute la regjon passât, presint e futûr de musiche etniche, folk e world. Tantis lis novitâts.
18 min
04 Giu 2024

Buinore dal 07/06/2024 - Il "Paolino di Aquileia" di Cividât, l'istitût agrari plui vecjo de regjon

Al è l'istitût agrari plui vecjo dal Friûl-Vignesie Julie: il "Paolino di Aquileia" di Cividât, cun di fat, al è nassût tal 1924 tant che Scuele pratiche di agriculture e po al è deventât Scuele tecniche agrarie. Dal 1960 al 2023 a son passe 4mil i students che a àn cjapât il diplome alì e plui di 500 i specializâts in viticulture e enologjie. Presentade in ocasion dal centenari la publicazion «Viaggio lungo un secolo", 160 pagjinis e 500 fotografiis che a contin une storie di passion e di inovazion.
12 min
04 Giu 2024

Daspò misdì dal 07/06/2024 - La Fondazion Attilio Maseri

Un progjet che al sviluparà risorsis a pro di ativitâts di studi, ricercje e formazion di zovinis e zovins de Universitât dal Friûl par sostignî la lôr cariere scolastiche, sientifiche e di vore. Al è l'obietîf de Fondazion Attilio Maseri, costituide dal Ateneu di Udin par realizâ lis ultimis volontâts dal cardiolic furlan di innomine internazionâl.
18 min
04 Giu 2024

Buinore dal 06/06/2024 - Scur di Luna Lab

Scur di Luna Lab al è un progjet sperimentâl di scaletarie secje inviât di cualchi an a San Zuan di Cjasarse e che cumò, in graciis dal gnûf laboratori metût sù de socie te zone polifunzionâl, al devente une realtât struturade e produtive, che e permetarà l'inseriment tal mont dal lavôr di personis cun disabilitât. La associazion LaLuna lu à ideât metint dentri dutis lis machinis che a coventin, cul jutori de Fondazione Friuli, par dâ lavôr, za dal prin an di produzion, a almancul cinc personis cun disabilitât, par garantîur chê autonomie economiche che e je fondamentâl par autosostignîsi.
11 min
04 Giu 2024

Daspò misdì dal 06/06/2024 - Il festival Flux Judri

Un mês di iniziativis par celebrâ il flum Judri e il so teritori. Il festival Flux Judri, inmaneât de Associazion Judrio, al met in dialic nature e culture. Cûr de rassegne al è la mostre di art che si pues visitâ a Vile Nachini Cabassi a Cuar di Rosacis fin ai 25 di Jugn. In program ancje incuintris, cjaminadis e concierts.
19 min
04 Giu 2024

Buinore dal 05/06/2024 - Cuâl isal l'impat de inteligjence artificiâl tal lavôr artesan?

Cuâl isal l'impat de inteligjence artificiâl tal lavôr artesan? Cemût si stano indreçant ator di cheste tecnologjie lis impresis dal Friûl-Vignesie Julie e cuâi sono i ambits dulà che al è plui facil fâ jentrâ cheste inteligjence? A son domandis che za di timp a son scrutinadis des organizazions di categorie dai artesans, tant che a nivel nazionâl e je stade fate une ricercje aprofondide par fotografâ il stât de situazion e cjapâ sù ducj i elements che a identifichin il timp che al vignarà.
11 min
04 Giu 2024

Daspò misdì dal 05/06/2024 - La mostre "Giulio Candussio. Rappresentazione di una visione"

La Caserme Napoleoniche Montesanto di Palme e darà acet fin ai 29 di Setembar ae mostre "Giulio Candussio. Rappresentazione di una visione", la prime grande antologjiche dedicade a un dai artiscj contemporanis plui ecletics, mestri dal mosaic e de sperimentazion: 300 oparis sudividudis tra mosaic, sculture, dissen, piture, fotografie e design.
19 min
04 Giu 2024

Buinore dal 04/06/2024 - Un centri par fâ deventâ i fisioterapiscj bogns di fâ lis ecografiis

Un centri di formazion in Friûl Vignesie Julie par fâ deventâ i fisioterapiscj bogns di fâ lis ecografiis, stant che cumò al è stât proviodût che ancje chescj professioniscj a puedin doprâ l'imprest par fâ chest esam. Al è chest un dai obietîfs che a son stât pandûts juste cualchi zornade za fa biel de assemblee anuâl dal ordin di chest profession, un Ordin che al è nassût di pôc e che al à dât ancjemò plui valôr a une vore che e je un grum ambide, come che a dimostrin i tancj zovins che ogni an a provin a fâ il test par jentrâ tal cors universitari trienâl, che in regjon al è une sessantine di puescj tra Udin e Triest.
11 min
04 Giu 2024

Daspò misdì dal 04/06/2024 - Fila a teatro

Il teatri vie pal Istât nol va in feriis, ma si fâs tal viert judant la socialitât, creant agregazion e valorizant il teritori. Cussì, ancje chest an, la prime part di "Fila a teatro", progjet de Associazion Molino Rosenkranz rivât ae decime edizion, si fasarà tai zardins e tai parcs sot dal non di "A teatro sotto gli alberi": 9 spetacui, tra Jugn e Lui, tacant de leture seniche "Approdi".
19 min
03 Giu 2024

Buinore dal 03/06/2024 - Cemût si staie preparant ae A1 la CDA Volley di Talmassons?

Une scuadre fuarte, une tecniche invidiabil e une tradizion impuartant: a son un pâr di ingredients fondamentâi par rivâ ae massime serie nazionâl di Pallavolo. Al è chest ce che al à fat di fonde ae scuadre des fantatis di Talmassons, che a an sierât l'an cu la promozion in A1. Un travuart straordenari par lôr e pe tiere che a rapresentin. Cumò, però, si à di organizâ la vite par vivi al miôr in gnûf ambient che de prossime stagjon la scuadre e varà di vivi. Cemût si staie preparant?
11 min
29 Mag 2024

Buinore dal 31/05/2024 - La Motostafete furlane

Lôr le àn fate su lis motos, ma simpri une imprese e je stade, stant la adrenaline che si à fasint di scorte al Zîr di Italie cuant che al passe su lis stradis di cjase, chest an di Mortean a Sapade. A son i volontaris de Motostafete furlane, aromai une presince abituâl e ben organizade in tantis manifestazions sportivis che si davuelzin in regjon. E je la prove il calendari di cheste stagjon, che si è vierte a Mai e che e larà indevant dilunc dal Istât dentri e fûr dai confins regjonâi.
11 min
29 Mag 2024

Daspò misdì dal 31/05/2024 - Risonanze, il festival "dal len che al sune"

E cambie la impostazion di Risonanze, il festival "dal len che al sune". Par cheste edizion, il Comun di Malborghet Valbrune al à decidût di distribuî i events dilunc dut il mês di Jugn. Si tacarà ai 2 cu la mostre "GO! Into the forest" e il conciert de Fvg Orchestra. Daspò, tantis iniziativis, repertoris e gjenars diferents: ativitâts tal viert, par fruts, storiis dal len, incuintris cui artiscj, la sapience dai liutârs.
18 min
29 Mag 2024

Buinore dal 30/05/2024 - Agesci, i scouts che a metin adun fantats e fantatis dai 8 ai 21 agns

Un troi di cressite e di formazion, dulà meti in zûc la creativitât e lis competencis che si àn man man che si devente grancj, cun ativitâts, peraulis, propuestis, obietîfs che a cressin adun cui fruts e cui fantacins. Al è ce che al previôt il mont Agesci, i scouts di ispirazion catoliche che a metin adun fantats e fantatis dai 8 ai 21 agns. Cun bregons curts di vilût, cjamese celeste e il façolet ator dal cuel, si ricognossin a colp e ai prins di Mai i plui piçui si son cjatâts in passe mil di lôr a Palme. A son rivâts di dute la regjon par condividi la esperience che ognidun al vîf ogni setemane ator pai paîs dal Friûl-Vignesie Julie.
11 min
29 Mag 2024

Daspò misdì dal 30/05/2024 - Il Festival Costituzione di San Denêl

Al torne il Festival Costituzione inmaneât de Associazion "Per la Costituzione" di S. Denêl par pandi la cognossince dai articui fondamentâi de Cjarte, prin di dut fra i zovins, ma a pro di ogni fasse di etât, te logjiche di une formazion continue di citadinis e citadins. In program 11 incuintris, fra impuestis e dirits.
19 min
29 Mag 2024

Buinore dal 29/05/2024 - L'esordi uficiâl de scuadre di balon dal Friûl

Esordi uficiâl de scuadre di balon dal Friûl usgnot a lis vot sore sere alì dal centri polisportîf comunâl di Martignà. La scuadre e zuiarà cuintri de rapresentative F-VG 19. Cheste e je dome une anteprime dal spetacul che si podarà vivi dai 30 di Jugn ai 7 di Lui, cuant che la formazion e sarà protagoniste dal Campionât Europeade, l'apontament dulà che si sfidaran lis scuadris di balon che a son espression des minorancis europeanis. A confrontâsi a saran 36 formazions, 27 di oms e 9 di feminis e la scuadre furlane e parteciparà pe prime volte.
11 min
29 Mag 2024

Daspò misdì dal 29/05/2024 - "Aer", il lavôr di Elsa Martin cun Flavio Zanuttini ae trombe

Al è vignût fûr di pôcs dîs su lis principâls plateformis digjitâls "Aer", il lavôr di Elsa Martin cun Flavio Zanuttini ae trombe: une ricercje che e cjape ispirazion dal element dal aiar. A van indevant intant in diviersis localitâts de regjon i laboratoris de cjantante e compositore furlane che a permetin di tornâ a metisi in contat cu la proprie vôs e il so potenziâl unic.
17 min
28 Mag 2024

Buinore dal 28/05/2024 - I gnûfs bants Inest

A son 22,4 milions di finanziaments disponibii pes impresis dal Nordest che a intindin sostignî la aplicazion des tecnologjiis digjitâi plui inzornadis pai principâi ambits di specializazion, par creâ une rêt un grum largje di competencis inovativis tai setôrs industriâl de manifature, agriculture, mont, edilizie, turisim, culture, salût e mangjâ. E je cheste la sostance dai gnûfs bants Inest, il consorzi fra universitâts, ents teritoriâi e sogjets publics e privâts dal Nordest, presentâts in chescj dîs e gjestîts dal ateneu furlan.
12 min
28 Mag 2024

Daspò misdì dal 28/05/2024 - La Cjase des feminis di Udin

Un lûc di incuintri e scambi di competencis, un laboratori di propuestis, un pont dulà disvilupâ iniziativis e progjets condividûts cun chê di promovi la partecipazion des feminis a la vite coletive, superâ ogni forme di discriminazion, la culture de integrazion e de solidarietât sociâl. E je la Cjase des feminis di Udin, che chest an e taie il travuart dai 10 agns di ativitât.
19 min
27 Mag 2024

Buinore dal 27/05/2024 - Il rapuart «Piçui Comuns e arbui monumentâi di Italie»

Su 4.285 arbui monumentâi che a son stâts cjatâts sul teritori talian tal Avrîl stât, 2.107 si cjatin tai piçui Comuns. A son plui di 1.500 i Comuns talians che a àn un arbul monumentâl tal lôr teritori e di chescj, 963 a son piçui paîs. ll Friûl-Vignesie Julie al à il primât dai arbui monumentâi, 454, e di chescj scuasit la metât, 209, a son tai piçui sîts. A son numars che si ju cjate tal rapuart «Piçui Comuns e arbui monumentâi di Italie», curât de Fondazion Symbola e dal ministeri competent.
11 min
27 Mag 2024

Daspò misdì dal 27/05/2024 - La ricercje sociolinguistiche "Tire fûr la lenghe"

In dì di vuê la lenghe furlane e je fevelade in maniere ative di 444 mil personis; a deventin plui o mancul 700 mil calcolant ancje chei che dome le capissin. Al è chel che al ven fûr de ricercje sociolinguistiche "Tire fûr la lenghe", puartade indevant in Friûl-Vignesie Julie e Venit orientâl di Ires FVG e ARLeF. Une persone su 4 e podarès tornâ a ativâ la sô competence par furlan se sbtiçade a doprâlu.
19 min
20 Mag 2024

Buinore dal 24/05/2024 - "Adoc" di Pordenon, associazion pe difese e l'orientament dai consumadôrs

"Adoc" di Pordenon, la associazion pe difese e l'orientament dai consumadôrs, e podarès scrivi un libri che, se nol fos provât cun dutis lis testemoneancis che e cjape sù ogni dì, al podarès someâ di fantasience, par tropis che a son lis trufis che si fasin ancje in Friûl-Vignesie Julie e dulà che e cole int di ogni etât. L'Adoc lis cjape sù par vie che i malcapitâts a van a tucâ te sô puarte. Nol è simpri facil vê un rimbors dopo che o vin subît un trufe, e al è par chest che, e dîs la associazion, al è fondamentâl continuâ a prevignî cuntune informazion continue.
12 min
24 Mag 2024

Daspò misdì dal 24/05/2024 - Une serade tal segn de opare di Franco Marchetta

Une serade tal segn de opare di Franco Marchetta, a dîs agns di cuant che al è mancjât. Martars ai 28 di Mai, al Ottagono di Codroip, si fasarà la leture seniche "La fumate", che e torne a cjapâ atmosferis e personaçs di un romanç inedit, che il so finâl al è stât ogjet di une sfide creative origjinâl.
18 min
23 Mag 2024

Buinore dal 23/05/2024 - L'Asu, la associazion sportive udinese

L'Asu, la associazion sportive udinese, la plui storiche tra lis associazions sportivis furlanis, e je ancje un risultive di talents straordenaris che, za di zovins, a dan lustri al teritori dulà che si alenin e ae societât che a rapresentin. Al è stât cussì in chestis setemanis, par chel che al à fat Tiziano Sartogo, deventât campion talian di scherme te categorie "Giovanissimi", sot dai 14 agns, un travuart che la Asu e mancjave di 30 agns. Sodisfazion ache par une altre atlete, Tara Dragas, che, par gjinastiche artistiche e je lade a lis garis di cope dal mont. Sport diferents, ma une stesse filosofie: fâ saltâ fûr i talents. Cemût si fasial?
11 min
23 Mag 2024

Daspò misdì dal 23/05/2024 - Salvìn lis âfs e la biodiversitât

"Salvìn lis âfs e la biodiversitât" e je une iniziative par slargjâ e valorizâ la part fondamentâl des âfs te tutele de biodiversitât e vê cure di un capitâl naturâl di valôr straordenari pal ambient. Le inmanein, domenie ai 26 di Mai a Vençon, i Lions Club di Vençon, Glemone, S. Denêl, Cividât/Manzan, Tarcint/Tresesin, Tumieç cul Parc naturâl des Prealps Juliis.
18 min
22 Mag 2024

Buinore dal 22/05/2024 - La manifestazion Parks.it

I Parcs e lis Areis protezudis a costituissin un patrimoni unic e impuartant di vivi e prudelâ. Ogni an ai 24 di Mai si celebre la Zornade europeane dai parcs e si rinove la iniziative de Federazion europeane par ricuardâ il dì che, tal 1909, al vignì creât in Svezie il prin parc nazionâl de Europe. I prins Parcs in Italie a rivarin tal 1922. In Friûl-Vignesie Julie e à un significât particolâr cheste Zornade, par vie che a Vençon si cjataran i Parcs confinants de regjon, de Slovenie e de Carinzie. Te suaze de manifestazion Parks.it a mostraran dutis lis carateristichis che ju rindin unics e preziôs pal teritori che a rapresentin. Il teme de Zornade al è «Insiemi pe Nature».
12 min
22 Mag 2024

Daspò misdì dal 22/05/2024 - La storie de orloiarie di Pesariis

La storie de orloiarie di Pesariis intun progjet di ricercje de Associazion Amici dell'Orologeria Pesarina, impegnade a promovi il disvilup dal Museu di Pesariis tant che museu de tecniche e de sience, pussibil pôl formatîf par zovinis e zovins in sinergjie cui museus etnografics de regjon e de fasse transfrontaliere.
19 min
20 Mag 2024

Buinore dal 21/05/2024 - Il gnûf coordenadôr dal Cupla

In pension ma un grum atîfs: a son i ex lavoradôrs autonoms di diferentis categoriis, dai comerciants ai artesans. A àn un coordenament, il Cupla, che ju rapresente e che al è une vore atîf su variis cuistions sociâls, des campagnis di informazion cuintri des trufis ae sensibilizazion de opinion publiche sui temis peâts ae tierce etât. No bandonin nancje il setôr professionâl, pensant a iniziativis pal "passaç des consegnis", ven a stâi des cognossincis e des abilitâts che a àn madressût dilunc de lôr ativitât. Il Cupla cumò al à elet il so gnûf coordenadôr cul so program.
12 min
20 Mag 2024

Daspò misdì dal 21/05/2024 - "Cose dell'altro mondo" il gnûf libri di Gian Paolo Gri

"Cose dell'altro mondo" al è il titul dal gnûf libri dal antropolic Gian Paolo Gri. Il volum, publicât di Forum, al met dongje dodis tescj che che si ispirin a tocs de culture materiâl che e tignive sù il mont contadin furlan. A sgjavin tal mont di un fâ lassât daûr, movintsi tra imprescj e furniments.
19 min
20 Mag 2024

Buinore dal 20/05/2024 - Un cjamp dulà che si concentrin lis varietâts di pomis plui adatis pe mont

Tantis varietâts autoctonis di miluçs, piruçs, ciespis e cjariesis che a riscjin di lâ pierdudis a son pupiladis, coltivadis e studiadis par miorâ tes lôr carateristichis plui interessantis tai cjamps catalic promovûts de Ersa, l'Ent regjonâl pal svilup rurâl, che propit in cheste Vierte a 'nd à screât un gnûf a Avons di Verzegnis. Dodis mil metris cuadris di teren dulà che si concentrin lis varietâts di pomis plui adatis pe mont e che a puedin contribuî a dâi ancje une prospetive economiche. Ta chescj cjamps, la tutele si unìs ae ricercje, in colaborazion cu la Universitât dal Friûl e il Cuarp forestâl regjonâl.
11 min
20 Mag 2024

Daspò misdì dal 20/05/2024 - Diversimili

Diversimili, il Festival de Biodiversitât, inmaneât de associazion Kaleidoscienza, al torne a Udin dai 24 ai 26 di Mai, cuntun program siôr di apontaments gratuits dedicâts a dute la famee, che a invidin a esplorâ il mont de sience cuntune impostazion ludiche e creative.
18 min
13 Mag 2024

Buinore dal 17/05/2024 - «Mai Sience», incuintris a Cividât inmaneâts de Universitât dal Friûl

Inteligjence artificiâl in cubie cu la medisine, il dirit e la sigurece, tra sfidis e grandis oportunitâts: a son i temis che si stan frontant tal «Mai Sience», la rieste di incuintris a Cividât inmaneade de Universitât dal Friûl cu la Storiche societât operarie. Potenzialitâts veris e pericui concrets di cheste gnove frontiere des siencis aplicadis a son frontâts di ricercjadôrs e docents dal ateneu cul coordenament de professore Maria Cristina Novelli Quadrifoglio e e dal professôr Gianluca Tell, docent di biologjie molecolâr e vicediretôr dal Dipartiment di Medisine.
11 min
14 Mag 2024

Daspò misdì dal 17/05/2024 - Giardini aperti

Une zornade ae scuvierte di 50 zardins privâts dal Friûl-Vignesie Julie: di cret, ae taliane, antîcs, gjaponês, cun plantis acuatichis e zardins/vignâl. Domenie ai 19 di Mai al torne l'apontament cun "Giardini aperti", l'event inmaneât dal Circul di zardinarie "Amici in giardino" par slargjâ la culture e il rispiet dal vert.
18 min
13 Mag 2024

Buinore dal 16/05/2024 - La inteligjence artificiâl tal contrat di lavôr nazionâl dai metalmecanics

E je finide, pe prime volte, ancje tal contrat di lavôr nazionâl dai metalmecanics: la inteligjence artificiâl e je stade nomenade par vie che aromai e je la compagne di vore dal om e parcè che e svilupe gnûfs mistîrs come il tecnic che al è bon di fâi lis domandis justis par vê lis miôr rispuestis de bande de machine. In sumis, il mont dal lavôr al è bielzà cambiât, cu la preocupazion di continuâ a mantignî l'om al centri dal so procès.
11 min
14 Mag 2024

Daspò misdì dal 16/05/2024 - La tierce edizion dal Festival des Filandis

La tierce edizion dal Festival des Filandis, che si fasarà dai 17 ai 19 di Mai a Cjarpât e che e je promovude de Associazion Heritage in Friûl-Vignesie Julie, chest an e propon un incuintri tra lis gjenerazions cun chê di valorizâ il patrimoni culturâl, materiâl e imateriâl di filandis e filanderis tal ambient dal Tiliment.
19 min
13 Mag 2024

Buinore dal 15/05/2024 - Il Comitât imprenditoriâl feminin de Cjamare di Cumierç di Pordenon e Udin

A son scuasit 22mil lis impresis vuidadis di feminis in Friûl-Vignesie Julie ae fin dal an passât e la percentuâl sul totâl des impresis ativis e je dal 22,4%, plui alte de medie taliane, che e rive al 22,2%. Lis feminis che a lavorin a son in dut 231 mil, cuntune percentuâl di ocupazion che e rive al 62,1%, un grum plui impuartante de medie taliane – il 53,4% -, ma plui basse di chê europeane che e je parsore dal 66%. A chest mont al cjale il Comitât imprenditoriâl feminin de Cjamare di Cumierç di Pordenon e Udin, nassût par pupilâ la imprese feminine.
11 min
14 Mag 2024

Daspò misdì dal 15/05/2024 - Il Festival dell'Acqua di Staranzan

Al torne il Festival dell'Acqua di Staranzan. Dai 16 ai 19 di Mai une trentine di apontaments – tra incuintris, spetacui teatrâi, laboratoris, events espositîfs, apontaments dedicâts a frutis e fruts – a contaran la aghe in dutis lis sôs declinazions, cun contignûts di caratar storic, sientific, ambientâl, gjeopolitic e artistic.
18 min
13 Mag 2024

Buinore dal 14/05/2024 - La Scuele de Mont de Universitât dal Friûl

«Smire adalt cuntune didatiche sperimentâl e inovative par une gnove imprenditorialitât»: al è chest il sproc de Scuele de Mont de Universitât dal Friûl che e à vût implenâts ducj i puescj metûts a disposizion a Barcis tra Avrîl e Mai pal prin cors di sîs dîs e che cumò e larà indevant a Jugn e Setembar sui temis de agriculture e dal arlevament, de salût e dal ben stâ, dal turisim e de valorizazion dai lûcs. Ma cui sono chescj vincj partecipants che a son stâts a scuele cu la idee di fâ de mont il lûc dulà vivi e lavorâ?
11 min
14 Mag 2024

Daspò misdì dal 14/05/2024 - La mostre "Il mondo agricolo ieri e oggi"

Si pues visitâ a Feagne, fin ai 23 di Jugn, la mostre cul titul "Il mondo agricolo ieri e oggi". Curade dal Circul fotografic f/64 di Cjasarse, e conte il mont agricul de societât contadine dai agns Vincj al dì di vuê. E da acet ancje a une sezion dedicade aes fotos di Elio Ciol.
15 min
13 Mag 2024

Buinore dal 13/05/2024 - Otante agns di Coldiretti

Otante agns di une associazion che e à zuiât di protagoniste te storie agricule dal dopovuere al dì di vuê ancje in Friûl-Vignesie Julie. Si podarès, in curt, contâ cussì il complean de Coldiretti, che lu à a pene festezât, par ricuardâ l'an de fondazion dal 1944. In chê volte, e je nassude adun cu lis normis che a permeterin ai contadins di deventâ parons de tiere, gjavantju de servitût de metadie. E vuê, cualis sono lis sfidis che si metin dongje dal non Coldiretti? E di chest osservatori, cuale ise la agriculture di chi a dîs agns in Friûl?
11 min
14 Mag 2024

Daspò misdì dal 13/05/2024 - "Il timp de meditazion", il gnûf libri di Franc Fari

A esistin tancj mûts par cjalâsi dentri e cirî un ecuilibri pai nestris sintiments, ma une des stradis plui siguris e je chê de meditazion di cussience. Tal gnûf libri di Franc Fari "Il timp de meditazion" publicât di Kappa Vu, pe prime volte, si presentin ai furlans lis lidrîs storichis des pratichis meditativis e cemût che a son rivadis fin in Friûl.
18 min
08 Mag 2024

Buinore dal 10/05/2024 - Inteligjence artificiâl e sapience dal cûr

«Inteligjence artificiâl e sapience dal cûr» al è il teme che la Arcidiocesi di Udin e à dât al apontament inmaneât ai 11 di Mai alì dal Seminari di Cjistilîr, par rifleti sul rûl de tecnologjie te vite di ducj. Un impegn che al anticipe chel che Pape Francesc si è cjapât in prime persone decidint di partecipâ tal mês di Jugn al G7 che si fasarà in Pulie propit su chest teme. E je la prime volte che un Pape al cjape part a une riunion di cheste fate. Une olme de rivoluzion che cheste tecnologjie e puarte cun se e de necessitât di veglâ par che l'om al resti il centri di chest procès.
12 min
14 Mag 2024

Daspò misdì dal 10/05/2024 - Ciclocanto

Al tache il progjet "Ciclocanto": trê apontaments, dai 12 di Mai, dedicâts ae scuvierte des bielecis naturâls, storichis e paisagjistichis dal Cuei/Brda, pensâts pai passionâts de biciclete e de musiche di cjamare. Ju inmanee la Associazion culturâl Piccolo Opera Festival in colaborazion cun Collio Bike Team.
18 min
08 Mag 2024

Buinore dal 09/05/2024 - Cemût isal il vin metût a invecjâ sot tiere? Il progjet "Vinum Terrae"

Cemût isal il vin metût a invecjâ pal so prin an sot tiere, dongje dal vignâl dulà che e je maduride la ue che lu à fat? Te gnove pratiche di afinament dal vin in butilie a son tecnichis, sostignibilitât, storie e poesie. Une tecniche che la Cantine di Ramussiel e à inviade propit un an fa, vierzint la prime butilie juste in chescj dîs. Ma par continuâ il progjet inviât, "Vinum Terrae" a son stadis subit taponadis sot tiere altris butiliis di Refosc.
11 min
14 Mag 2024

Daspò misdì dal 09/05/2024 - Timavo, Natisone, Isonzo - Fiumi, uomini e confini

Trê flums di frontiere a invidin a fâ ancjetancj itineraris ae scuvierte des regjons che a traviersin. Passant lis lôr spuindis a vegnin fûr storiis di incuintris, scambis e tramis che a contin cemût che l'om e il flum si influencin in maniere vicendevule. Lis conte Cristina Noacco tal libri "Timavo, Natisone, Isonzo - Fiumi, uomini e confini", publicât di Ribis.
19 min
08 Mag 2024

Buinore dal 08/05/2024 - L'agrifotovoltaic isal une oportunitât pe agriculture dal F-VJ?

L'agrifotovoltaic isal une oportunitât pe agriculture dal Friûl-Vignesie Julie? La domande e je il cûr di une riflession inviade des associazions Riviera friulana e Italia Nostra-sezion di Udin. Intune ete dulà che la energjie fate cul soreli e je considerade indispensabil par dâi cuintri al mudament climatic e a son ancje lis crisis energjetichis che si formin par motîfs gjeopolitics, la ocasion e intint capî i pro e i cuintri di cheste novitât in agriculture, cui siei risultâts economics e ancje sul paisaç furlan.
12 min
14 Mag 2024

Daspò misdì dal 08/05/2024 - La Setemane de culture furlane

Dai 9 ai 19 di Mai, la Setemane de culture furlane, inmaneade de Societât filologjiche furlane, e propon un calendari siôr di iniziativis par promovi il patrimoni storic, linguistic e culturâl dal Friûl. In calendari, tra chei altris apontaments, il spetacul teatrâl "L'arloi dal còur", une conte di e cun Carlo Tolazzi in sene ai 11 di Mai a Prât di Cjargne.
18 min
08 Mag 2024

Buinore dal 07/05/2024 - Mortean-Sapade, la tape dal Zîr di Italie ai 24 di Mai

Ai 24 di Mai: Mortean-Sapade e une gjonde che si ripet in Friûl, par vie che il Zîr di Italie in biciclete al torne su lis stradis de regjon e al piture ogni cjanton di colôr di rose. Si partìs di Mortean, scjassât de tampiestade tal Istât passât, par dî che si torne simpri a alçâsi, e si rive - pe prime volte di cuant che e je in Friûl- a Sapade. Tal mieç, un passaç cetant significatîf tra i tancj: chel a Peonis, li che al murì ai 3 di Jugn dal 1917 Otavi Bottecchia, il prin talian a vinci, juste cent agns indaûr, il Tour de France. Un docufilm lu ricuarde, scrit e direzût di Franco Bortuzzo di RaiSport , di Spilimberc.
12 min
14 Mag 2024

Daspò misdì dal 07/05/2024 - Piazza Novecento, gnûf progjet de associazion culturâl Bottega Errante

Lûcs di incuintri, ponts di partence, di cjatâsi. Testemonis cidinis dal timp che al passe, de vite che e cor. Lis placis a son custodiis cidinis de storie e ancje lis protagonistis di un gnûf progjet de associazion culturâl Bottega Errante, "Piazza Novecento", che al cjape dentri storics, gjornaliscj e scritôrs, vuidis di ecezion ae scuvierte di lûcs significatîfs de regjon.
19 min
08 Mag 2024

Buinore dal 06/05/2024 - Essicatoio Fvg

In rêt 2.100 di lôr che a conferissin e a lavorin suntun teritori di 60 mil etars sparniçâts in 90 Comuns tra lis provinciis di Pordenon, Udin e Gurize e un faturât di 60 milions E je cheste la gnove realtât dal "Essicatoio Fvg", che al nas pe volontât di cuatri struturis de regjon che a àn decidût di metisi adun intune uniche realtât cooperative: la stue Bozzoli di Palme, Torricella di San Vît dal Tiliment, Nadison di Remanzâs, Granâr di Feagne. A son clârs i intindiments di cheste gnove realtât.
11 min
14 Mag 2024

Daspò misdì dal 06/05/2024 - "Al torne dut", il gnûf lavôr dal grup musicâl Bakan

Al ven fûr dopo dîs agns dal ultin disc "Viôt", il gnûf lavôr dal grup musicâl Bakan: "Al torne dut". Cuindis tocs nassûts tal zîr di cualchi an, ma cuntune anime comune, metûts adun tal disc che al sarà presentât ai 18 di Mai a Ospedâl di Glemone, tal trentenâl di ativitât de formazion.
16 min
08 Mag 2024

Buinore dal 03/05/2024 - Disturps alimentârs tai zovins che a àn mancul di 18 agns

Disturps alimentârs tai zovins che a àn mancul di 18 agns? In Friûl-Vignesie Julie te ete post Covid a son cressûts dal 30%, mancul dal 50% che si è vût in Slovenie, di plui dal 15% di medie che si è vût in Italie. A cheste realtât si zontin i problemis psicopatologjics, cun fruts e fatats che a decidin di stâ in cjase e di no lâ a scuele o a àn i atacs di pôre. Situazions che si puedin risolvi? «Sì», a disin i esperts, ma si à di cjatâju e judâju par timp. E chest nol è simpri facil.
11 min
14 Mag 2024

Daspò misdì dal 03/05/2024 - I ragazzi di Piazza I Maggio

La golaine dai "Quaderni stelliniani" si è insiorade di un volum gnûf, "I ragazzi di Piazza I Maggio", publicât di Gaspari. Al met dongje lis storiis di dodis stelinians che, cu lis lôr ideis e lis lôr oparis, si son fats cognossi in cjamps diferents: de medisine al gjornalisim, de ricercje sientifiche al impegn civîl. Lis contin ancjetancj stelinians.
18 min
08 Mag 2024

Buinore dal 02/05/2024 - Un acuardi tra imprenditôrs e Tierç setôr par formâ e impleâ i imigrâts

Il Friûl Vignesie Julie al è la prime regjon in Italie dulà che al è stât promovût un acuardi tra realtâts di imprenditôrs e Tierç setôr par cirî di formâ e po di impleâ tal teritori i imigrâts. Protagoniscj di chest progjet a son Confcooperative Alpe Adria e la Caritas di Udin. Firmât a Fevrâr, il progjet cumò al è jentrât tal vîf, cul interessament des cooperativis che a cirin personâl, soredut te logjistiche, tai servizis ae persone, te edilizie. La Caritas e fâs la formazion che e covente e lis cooperativis a sigurin il lavôr.
11 min
14 Mag 2024

Daspò misdì dal 02/05/2024 - 76 imagjins in mostre a Cjasarse par celebrâ i 95 agns di Elio Ciol

No dome mestri dal paisaç, ma ancje fotograf bon di interpretâ lis oparis dai grancj artiscj. Elio Ciol al à fissât su pelicule il patrimoni artistic european e no dome. 76 imagjins a son in mostre a Cjasarse fin ai 30 di Jugn par celebrâ i 95 agns di un dai mestris plui impuartants de fotografie contemporanie.
15 min
08 Mag 2024

Buinore dal 30/04/2024 - RoBee, il prin robot cul aspiet uman, certificât par lavorâ in fabriche

Robot che a somein umans in fabriche par alçâ il nivel di sigurece, di doprâ in ativitâts ripetitivis ma ancje pericolosis: al è un dai motîfs pal grup dal Terziari avanzât di Confindustria di Udin, che al promôf la cognossince di RoBee, il prin robot cul aspiet uman, certificât par lavorâ in fabriche. «Il gno compit al è chel di colaborâ cui oms, no di sostituîju», al à dit. Dut câs, cemût saraial pussibil convivi cuntun compagn di vore alt doi metris e plen di telecjamaris? E, stant che al è bon di imparâ, cui garantissial che si compuartarà simpri ben tai confronts dal om?
11 min
14 Mag 2024

Daspò misdì dal 30/04/2024 - Lis Anutis

A tornin cuntune schirie di concierts, in Friûl e no dome, lis Anutis, ven a stâi Laura Giavon, Juliana Azevedo, Caterina De Biaggio e Alba Nacinovich, protagonistis dal progjet internazionâl nassût in gracie dal incuintri speciâl cun Giovanna Marini. In agjende, pe Sierade, une gnove colaborazion cul Teatri stabil furlan par une produzion suntun test di Alviero Negro.
15 min
08 Mag 2024

Buinore dal 29/04/2024 - 16 progjets par rinovâ i implants di irigazion

«O vin volût cjapâ cheste oportunitât cun dutis lis nestris fuarcis, convints che o cumò o mai plui». Cussì la presidente dal Consorzi bonifiche planure furlane e à presentât i 133 milions che a rivin dal Pnrr e statâi che il Consorzi al sta tramudant in 16 progjets par rinovâ i implants di irigazion sul so teritori e doprâ simpri mancul aghe. A son ducj bêçs che a son rivâts in graciis di progjets presentâts. Il sisteme di irigazion a scoriment al è cuasi dut sostituît e cumò si poche par chel a ploie.
11 min
14 Mag 2024

Daspò misdì dal 29/04/2024 - Il progjet "Leadership al futûr"

Si è concludût il progjet "Leadership al futûr" che al à viodût 30 studentessis di 5 scuelis superiôrs di Udin impegnadis in laboratoris e incuintris cun esperts sui temis dal rûl de femine, des politichis di gjenar, dal probleme de denatalitât. Dilunc dal event finâl a son stâts presentâts i risultâts di un cuistionari sul rapuart tra ocupazion feminine e maternitât e i contignûts de "Cjarte des studentessis".
18 min
08 Mag 2024

Buinore dal 26/04/2024 - La farmacie dai servizis

La farmacie dai servizis: ce cjapije dentri cheste definizion e, in dì di vuê, a ce pont sino rivâts? Cuâi servizis si stano zontant a chei solits e cuâi si zontarano te suaze dal acuardi fra la Regjon e la associazion di categorie des farmaciis? Soredut, là che e jentre, ce domandie e ce si spietie di cjatâ in chestis realtâts ancjemò un grum presintis sul teritori?
12 min
14 Mag 2024

Daspò misdì dal 26/04/2024 - Suns Europe / Plaidarts

Al è timp fin ai 30 di Avrîl par candidâsi par Suns Europe. Il festival des arts tes lenghis minorizadis de Europe, che chest an al finìs 10 agns, al cîr musiciscj pe edizion gnove. Te seconde part de trasmission o fevelarìn di "Plaidarts", racuelte di contis di Gianluca Franco, in onde ogni sabide in "Conte che ti conti" su la Rai dal Friul-Vignesie Julie.
19 min
08 Mag 2024

Buinore dal 24/04/2024 - La iniziative Economicamente – Met in cont il to doman

Furnî ai zovins imprescj par cognossi il mont dal sparagn, par spiegâ par mieç des lôr esperiencis la forme miôr par doprâ i bêçs che a varan a disposizion dilunc de lôr vite. Al è stât chest l'intindiment che al à vuidât l'istitût scolastic Zanon di Udin te ativitât di formazion finanziarie che e à cjapât dentri 15 classis e 200 arlêfs. A son stâts premiâts de associazion Anasf, chê dai consulents finanziaris, che e à promovude la iniziative «Economicamente – Met in cont il to doman».
11 min
14 Mag 2024

Daspò misdì dal 24/04/2024 - La graphic novel "Quel pane nascosto"

La vite di Anna Ragusa Venuti, gardiscjane, sorevivude al orôr di Auschwitz, e je contade te graphic novel "Quel pane nascosto", che e nas de colaborazion tra il scritôr Maurizio Mattiuzza e il fumetist Fabio Babich. Un lavôr preziôs che al vûl stimolâ une memorie cussiente tes gjenerazions plui zovinis.
19 min
08 Mag 2024

Buinore dal 23/04/2024 - Il simuladôr di un tratôr agricul al Cefap di Codroip

Cemût insegnâ a un zovin a vuidâ il tratôr agricul intun cors di scuele se l'arlêf non al à ancjemò la etât pe patente? Comprant un simuladôr di 70 mil euros, come che al à fat di resint il Cefap di Codroip, il Centri professionâl dal setôr agricul che, atîf in regjon dal 1969, al à ancjemò vuê un grum di lavôr tal preparâ profîi tecnics che a coventin a lis aziendis agriculis par lâ indevant.
12 min
14 Mag 2024

Daspò misdì dal 23/04/2024 - La cunvigne dedicade al re langobart Grimualt

Al re langobart Grimualt e je dedicade la cunvigne internazionâl che si fasarà dai 24 ai 28 di Avrîl a Cividât e a Butinins di Muimans. Si analizarà i agns centrâi dal VII secul e la figure di Grimualt, vuerîr, ma ancje legjislatôr savi e mecenat; lis sôs impresis a son stadis contadis di Paolo Diacono te sô "Historia Langobardorum".
19 min
08 Mag 2024

Buinore dal 22/04/2024 - Prenotarifugi

"Prenotarifugi.cai.it" al è il gnûf lûc in linie dulà podê prenotâ un puest par durmî tai ripârs in mont. Lu à metût adun il Cai nazionâl cul jutori dal ministeri dal Turisim. Al segne une gnove tape de concuiste dal Web: ancje i lûcs dulà che dispès si rive dome cjaminant, no scjampin a Internet. Par cualchidun e je une oportunitât, par altris no.
12 min
14 Mag 2024

Daspò misdì dal 22/04/2024 - Tutto Nuovo 5

"Tutto Nuovo 5" e je une opare che e vûl onorâ Claudia Grimaz, artiste furlane di talent fin, mancjade masse adore tal 2021, a 51 agns. E sarà presentade ai 24 di Avrîl a Udin e si compon di un libri e doi cd: une conte biografiche corâl componude di tantis testemoneancis e une racuelte di tocs dal grant repertori musicâl interpretât di Claudia tai siei trente agns di cariere.
17 min
15 Apr 2024

Buinore dal 19/04/2024 - Oikos: insiemi par educâ

«Oikos: insiemi par educâ» al è il fîl che al ten adun i Comuns de Culinâr dal Friûl cun progjets fin ae fin dal an, tacant de cussience che si pues «educâ in comun» e che cheste ativitât e permet di tignî dentri. Il progjet al è stât pensât de associazion Aspic e dal Comun di Murùs. La iniziative e à previodût di misurâ i risultâts di ogni progjet.
11 min
16 Apr 2024

Daspò misdì dal 19/04/2024 - Inquisizione e dissenso nel Friuli del primo Cinquecento

Al fevele di incuisizion e di dissidie tal Friûl dal prin Cinccent il gnûf libri di Andrea Del Col, publicât di Forum. Un contribût impuartant ae cognossince dai moviments eretics che a son vignûts daûr de Riforme, che al analize ancje il câs emblematic di un grup di artesans dissidents di Purcie.
19 min
15 Apr 2024

Buinore dal 18/04/2024 - La manifature dal Friûl-Vignesie Julie e cîr lavoranzie

La manifature dal Friûl-Vignesie Julie e cîr lavoranzie: e à bisugne che i zovins a tornin a passionâsi dal lavôr in fabriche, un ambient che al è cambiât un grum. E je une fabriche 4.0, digjitalizade, cun fuarts aspiets inovatîfs. Cun di plui, ogni lavôr vuê al domande une formazion continue e, duncje, ancje in chest ambient al ufrìs la pussibilitât di cressi. Cemût si fasial, però, a convinciju? Il coordenament di Tumieç di Confindustria Udin al à decidût di cjalâ ai students, ma ancje ai gjenitôrs, pensant par lôr une iniziative clamade Orientegjenitôrs.
11 min
16 Apr 2024

Daspò misdì dal 18/04/2024 - Il Museu Luigi Garzoni

Al è stât screât a Cjassà il Museu Luigi Garzoni, la prime esposizion permanente dedicade al "Cjantôr dal Friûl". In mostre manuscrits, manifescj, dedichis e altris ogjets di grant valôr, tant che il so piano, che a contin la vite e lis oparis dal compositôr furlan.
20 min
15 Apr 2024

Buinore dal 17/04/2024 - Economie circolâr, une cuistion etiche, economiche e ambientâl

«Economie circolâr, une cuistion etiche, economiche e ambientâl»: al è il teme che il Centri racuelte des medisinis, cul contribût dal Comun di Udin, al fasarà ai 12 di Otubar cu ven, fasint deventâ cheste citât un dai centris che a frontin il teme de sostignibilitât ancje peade a un prodot particolâr tant che la medisine. Usâts a cjalâ simpri la date di scjadince, cun di fat, ai plui ur pues someâ dificil judâ une economie circolâr in chest setôr. Miedis, docents universitaris e imprenditôrs a saran a confront su chest teme.
11 min
16 Apr 2024

Daspò misdì dal 17/04/2024 - La mostre documentarie "Lat Mleko Milk" al Museu Etnografic dal Friûl

Al Museu Etnografic dal Friûl, a Udin, la mostre documentarie "Lat Mleko Milk" e conte, cu lis fotos di Graziano Soravito e i tescj scrits des latariis cjapadis dentri, ce che al vûl dî lavorâ il lat in maniere coletive, in mont e in planure, in Italie e in Slovenie.
19 min
15 Apr 2024

Buinore dal 16/04/2024 - «Govre de Liège», il gust european 2024 di gjelât artesanâl

Ducj cjapâts di «Govre de Liège», il gust european 2024 di gjelât artesanâl, realizât pe Zornade volude dal Parlament european, e rivade ae diesime seconde edizion, par esaltâ il prodot e meti dongje intune tradizion condividude i gjelatârs dai Paîs de Europe. A son siet par cumò chei che a àn aderît a cheste Zornade che e invie la stagjon dal gjelât.
11 min
15 Apr 2024

Daspò misdì dal 16/04/2024 - La iniziative "Cjanive e premie il futûr"

Cu la iniziative "Cjanive e premie il futûr", rivade ae tierce edizion, la Associazion Caneva e continue a vê cure de comunitât, incoragjant la sô vitalitât e la sô coesion. Chest an il sodalizi al à premiât l'impegn scolastic e la maternitât.
17 min
15 Apr 2024

Buinore dal 15/04/2024 - A Vinitaly a son 450 lis etichetis dal Friûl-Vignesie Julie

A Vinitaly a son 450 etichetis dal Friûl-Vignesie Julie, che al cjape il primât des regjons cuntune grande rapresentance dai siei prodots. Al è chest un dai numars che a cualifichin la edizion 2024 de fiere dal setôr plui impuartante a nivel mondiâl, che si fâs a Verone, di domenie e fin a miercus. A sono novante lis aziendis tal spazi metût adun de Regjon. A chestis si zontin altris 28 aziendis che si presentin di bessolis ma simpri dentri te suaze dal Friûl-Vignesie Julie.
11 min
15 Apr 2024

Daspò misdì dal 15/04/2024 - Il Prin di Avrîl stât al è mancjât a Barcelone Aureli Argemí

Il Prin di Avrîl stât al è mancjât a Barcelone Aureli Argemí, pilastri dal dirit ae autodeterminazion dai popui. O ricuardìn il so impegn straordenari a pro des nazions cence stât, dal ricognossiment e dal progrès dai dirits linguistics, de tutele des minorancis.
18 min
08 Apr 2024

Buinore dal 12/04/2024 - La tartufule furlane

La tartufule furlane, chê nere che e je clamade Mesenteric, ven a stâi che e je come l'intestin par vie de sô forme, e sta vivint une gnove stagjon di interès in regjon, dopo che la prime volte che e je stade nomenade al è stât tal 1831. In cheste opare di gnûf interès, une part le zuie la associazion dal tartufârs dal Friûl-Vignesie Julie, une associazion ricognossude de Regjon, ative di vincj agns e che e sburte par fâ cognossi i teritoris de tartufule e par valorizâle tai plats. Cumò si pense a une filiere curte in mont.
11 min
09 Apr 2024

Daspò misdì dal 12/04/2024 - Cjargnelas

Storiis di feminis cuintri corint, che a àn fat ribaltons, feminis resistentis, bastiancontrariis. Feminis di Cjargne, "cjargnelas". Lis puartin in sene, ai 15 di Avrîl a Udin, il scritôr Agnul Floramo e la cjantautore Nicole Coceancig.
18 min
08 Apr 2024

Buinore dal 11/04/2024 - Un progjet european par meti adun i prâts stabii in regjon

Prât stabil in Friûl-Vignesie Julie: une miniere di biodiversitât e di valôr che si zonte ai prodots che a puedin nassi su chestis tieris o midiant di ce che chescj prâts a produsin. Cumò un progjet european al cîr di metiju adun, in cubie cun istituzions e aziendis, par che a nassin filieris curtis che a puedin valorizâ chestis realtâts e rindi convenient cjapâlis in gjestion. Sul finî di Març, a Buie, si è davuelt il prin incuintri public par cjapâ sù l'interès des aziendis a impegnâsi in cheste prospetive.
11 min
09 Apr 2024

Daspò misdì dal 11/04/2024 - La gnove edizion des "Letaris ai furlans" di Bepo Marchet

A tornin ae lûs intune gnove edizion lis "Letaris ai furlans" di Bepo Marchet. A publicâlis a son stâts il Comun di Glemone e "La Patrie dal Friûl". Tes "Letaris", Marchet al stiçave i furlans a no dineâ lôr stes e a no colâ tal podê dal conformisim e de culture dominante.
18 min
08 Apr 2024

Buinore dal 10/04/2024 - La associazion «Doi Pistons» di San Denêl

Une realtât buine di intiessi aleancis tra teritori, volontariât e istituzions, in chest câs chês che si ocupin di salût. Al è il ricognossiment che al è stât dât ta chescj dîs a San Denêl ae associazion «Doi Pistons» par vê donât al ospedâl di San Denêl e al Istitût Gervasutta di Udin imprescj un grum sofisticâts pes curis in cardiologjie e urologjie. Dome tal 2023 e à cjapât su 260mil euros.
11 min
09 Apr 2024

Daspò misdì dal 10/04/2024 - Lis prospetivis dal insegnament de lenghe furlane a scuele

Cualis sono lis prospetivis dal insegnament de lenghe furlane a scuele? Ce covential par dâ al furlan un puest plui rilevant te ufierte formative? La rispueste e rive dal dossier regjonâl Mercator su la lenghe furlane tal sisteme educatîf talian, che al sarà presentât doman a Udin.
19 min
08 Apr 2024

Buinore dal 09/04/2024 - I problemis dai autotraspuartadôrs

Tai dîs passâts, la assemblee dai autotraspuartadôrs di Confartigianato dal F-VJ e à puartât in Friûl-Vignesie Julie lis personis cu la plui alte incarghe te organizazion artesanâl par frontâ propit achì i grancj problemis dal setôr, come chel dal stop che la Austrie e à metût par mês su lis sôs autostradis. Une decision che e à fat vignî al mancul un biel pôc di lavôr pes aziendis. Dut câs chestis no si fermin e a frontin l'avignî ancje cun camions e imprescj un grum atents al ambient.
11 min
09 Apr 2024

Daspò misdì dal 09/04/2024 - Un confront par analizâ il stât dal teatri pe infanzie par furlan

Un confront a plui vôs par analizâ il stât de art dal teatri pe infanzie par furlan e ta chês altris lenghis minorizadis, e individuâ strategjiis comunis par lavorâ cui plui piçui tal futûr. Al è stât fat ai 3 di Avrîl, Fieste de Patrie dal Friûl, a Tarcint, su iniziative dal Teatri Stabil Furlan.
19 min
08 Apr 2024

Buinore dal 08/04/2024 - La fabriche 5.0

La fabriche 4.0 e rapresente la digjitalizazion des impresis e dai procès produtîfs che aromai a àn dutis lis realtâts, ma la manifature in dì di vuê e cjale ae fabriche 5.0, chê che e previôt un rapuart – a strent di comedon – fra machine e persone umane. La inteligjence artificiâl e à acelerât chest svilup. Cuâi sono, duncje, i vantaçs di cheste corse viers la trasformazion dal lavôr e cuâi i pericui che a son di tignî di voli?
12 min
09 Apr 2024

Daspò misdì dal 08/04/2024 - Une sfide par completâ la opare "La Nebbia" di Franco Marchetta

Une sfide creative indreçade ai dramaturcs par completâ la opare no finide "La Nebbia" di Franco Marchetta. E je la propueste di MateâriuM, Teatri Stabil Furlan, Societât Filologjiche Furlane e Comitât Amîs di Franco Marchetta, a 10 agns de muart dal inteletuâl furlan.
18 min
08 Apr 2024

Buinore dal 05/04/2024 - One Welfare, tra mondo rurale, verde urbano e foreste

Si clame "One Welfare, tra mondo rurale, verde urbano e foreste" la cunvigne che e je stade inmaneade, intal mês di Fevrâr, intal Auditorium de biblioteche dai Rizzi, a Udin, di bande dal Ordin dai dotôrs forestâi dal Friûl-Vignesie Julie. La cunvigne, vierte a ducj, e je stade une ocasion par evidenziâ il rûl clâf dal agronom forestâl rispiet a un gnûf mût di fâ agriculture e in gjenerâl di operativitât intai setôrs di interès dai iscrits al Ordin.
11 min
09 Apr 2024

Daspò misdì dal 05/04/2024 - La Prime Adunade dai Furlans

Si davuelzarà a Teôr la "Prime Adunade dai Furlans". La Pro Loco e à dât il vie a un progjet par une manifestazion dal caratar une vore identitari, destinade a ducj i furlans. Cu la volontât di dâ plui fuarce e di rinovâ la apartignince storiche, culturâl e linguistiche dai furlans ae Patrie dal Friûl. La sperance e je chê di creâ lis fondamentis par une ricorence anuâl, dongje ae date storiche dai 3 di Avrîl.
18 min
08 Apr 2024

Buinore dal 04/04/2024 - Une riforme de nautiche

Une riforme de nautiche buine di meti in cjamp regulis claris e gnûfs invistiments e progjets, soredut par potenziâ lis infrastruturis intai puarts turistics e aumentâ i servizis ufierts, la acessibilitât, la velocitât e la flessibilitât di gjestion, la sigurece e ancje il fat di doprâ lis gnovis tecnologjiis a tacâ des postazions di ricjarie pes barcjis cul motôr eletric. Si fevele za di timp di cheste riforme e il 2024 al podarès sei l'an just.
11 min
09 Apr 2024

Daspò misdì dal 04/04/2024 - La edizion numar 26 dal Far East Film Festival

E tache ai 26 di Avrîl e e finis ai 2 di Mai la edizion numar 26 dal Far East Film Festival, la manifestazion dedicade al cine de Asie che e met Udin e il sô teritori al centri dal mont. No son dome i films in programe, che a restin la colone puartante de manifestazion, ma ancje dute une schirie di events e incuintris che a caraterizaran la citât in maniere origjinâl.
19 min
08 Apr 2024

Buinore dal 03/04/2024 - La associazion Settembre inVITA

La associazion Settembre inVITA, fondade dal personâl dai carabinîrs in servizi e in congjêt, e à tant che principi di fonde la solidarietât e il jutori intai confronts dal prossim e e ponte a ufrî il so supuart a lis realtâts dal puest midiant di sport, spetacul, informazion e culture, clamant dongje intai progjets la comunitât regjonâl e lis istituzions. Intal 2021 la associazion e à modificât il non e alore e je nassude la associazion Solidarietà è Vita Odv.
11 min
09 Apr 2024

Daspò misdì dal 03/04/2024 - Asparagus 2024

Lu si cjatarà in vert o blanc, in imbinaments plui tradizionâi e in versions origjinâls e che a maravein, ma il protagonist al sarà simpri lui, il sparc. E je pronte a scomençâ – vinars ai 5 di Avrîl a Tavagnà – Asparagus 2024, edizion numar 24 de fortunade manifestazion che e met dongje cualchidun dai miôr ristorants di dut il Friûl Vignesie Julie, pronts a valorizâ cu la creativitât dai lôr cogos un dai prodots stagjonai plui amâts.
17 min
08 Apr 2024

Buinore dal 02/04/2024 - Lis celebrazions pe Fieste de Patrie dal Friûl

Tai 946 agns de costituzion dal Stât patriarcjâl furlan, fondât ai 3 di Avrîl dal 1077, a son in vore i preparatîfs pe Fieste de Patrie dal Friûl. Lis celebrazions uficiâls a son in program par domenie ai 7 di Avrîl a Tarcint. La ricorince, ricognossude in maniere uficiâl de Regjon dal 2015, e gjolt de poie de Regjon stesse e de Arlef e de colaborazion dal Istitût Ladin Furlan "Pre Checo Placerean", e si figure tant che la ocasion par celebrâ in comunitât i valôrs culturâi, linguistics e identitaris dal popul furlan. Tarcint al cjape il testemoni dal Comun di Caprive, dulà che si veve celebrade la Fieste tal 2023.
11 min
09 Apr 2024

Daspò misdì dal 02/04/2024 - Il Festival de aghe di Staranzan

Il Festival de aghe di Staranzan al sta metint su la sô seconde edizion, che e varà lûc dai 16 ai 19 di Mai. La manifestazion no pues che scomençâ che des gnovis gjenerazions, par resonâ e sensibilizâ su la impuartance dal aur blu, al centri dal simpri plui larc dibatit sientific, gjeografic, ambientâl e culturâl.
18 min
25 Mar 2024

Buinore dal 29/03/2024 - Rifletìn sul significât plui profont de Pasche

La vuere in Ucraine, la cuistion dai migrants e la dificoltât di tantis fameis, ancje inte nestre regjon, a rivâ ae fin dal mês. Rifletìn sul significât plui profont de Pasche.
11 min
25 Mar 2024

Daspò misdì dal 29/03/2024 - I concerts in regjon

Zucchero e i Negramaro a son i grancj nons che a tornin a puartâ i concierts estîfs tal stadi di Udin, dopo di une assence durade masse timp. Intal lavôr de agjenzie che e je rivade a chest risultât a son tancj altris nons di artiscj individuâi e di grups che a caraterizin dut l'Istât dal Friûl-Vignesie Julie: di Alice Cooper a Willy Peyote, passant par Elio e le Storie Tese e tancj altris. Te biele stagjon, no sarà però dome la musiche organizade di Azalea. A son in program ancje incuintris cun inteletuâi di alt nivel, come Umberto Galimberti e Paolo Crepet.
19 min
25 Mar 2024

Buinore dal 28/03/2024 - Il cors "Responsabile Accoglienza e Offerta nei servizi ristorativi"

Al Civiform di Cividât a son viertis lis iscrizions al cors "Responsabile Accoglienza e Offerta nei servizi ristorativi", progjetât in colaborazion cul Consorzi Friûl-Vignesie Julie Vie dai Savôrs. Lis personis selezionadis a fasaran la formazion in 13 ristorants aderents par disvilupâ gnovis figuris di racuardi tra la cusine e la sale. Il cors si davuelzarà dal mês di Març fin in Lui, te sede di Cividât dal Civiform.
12 min
25 Mar 2024

Daspò misdì dal 28/03/2024 - La Fieste di Pasche di Pignan di Ruvigne

Pignan di Ruvigne, un piçul borc infondât te curnîs sugjestive des culinis furlanis, si prepare a dâ acet ae Fieste di Pasche, tant spietade, organizade de Associazion Amîs di Pignan, un event che di plui di setante agns al anime lis zornadis di Pasche e dal Lunis di Pasche cuntun program siôr di events, divertiment e finecis di mangjâ e di bevi. Dai 30 di Març al 1n di Avrîl, Pignan si trasformarà intune crosere vivarose di fiestis.
19 min
25 Mar 2024

Buinore dal 27/03/2024 - I lavôrs di sistemazion de splaze di Lignan

I timps a son une vore strets, Pasche ae fin di març e po dopo, intal mês di mai, varin la Pentecoste. E je tacade, duncje, la corse cuintri il timp par finî ducj i lavôrs di sistemazion de splaze di Lignan, daspò il brut timp dal an passât. Intal complès ocorin 180 mîl metrons cubis di savalon par meti a puest dut in mût di podê scomençâ la stagjon balneâr.
11 min
25 Mar 2024

Daspò misdì dal 27/03/2024 - Europa a domicilio (Home Visit Europe)

A son i ultins dîs par cjatâ a Udin Europa a domicilio (Home Visit Europe). Si trate di un spetacul di taule ideât dai Rimini Protokoll di Berlin, vincidôrs dal Leon di arint pe inovazion ae bienâl Teatri di Vignesie e condusût di Invasioni Creative. In dutis lis cjasis, a son stadis e a saran ospitadis cuindis personis cul rûl di protagoniscj de serade, a scomençâ di storiis personâls e dal fat di doprâ gnovis tecnologjiis come imprescj di zûc di narazion.
17 min
25 Mar 2024

Buinore dal 26/03/2024 - Lis violencis ai dams dai operadôrs dal traspuart public

Lis violencis ai dams dai operadôrs dal traspuart public a son un fenomen preocupant. A son tantis, ancje inte nestre regjon, lis agressions parsore dai autobus e dai trens. I sindacâts a dan l'alarme e domandin un intervent imediât.
11 min
25 Mar 2024

Daspò misdì dal 26/03/2024 - La cuarte edizion dal festival dedicât a Giambattista Tiepolo

Udin e ospite la cuarte edizion dal festival dedicât a un dai pitôrs pui grancj dal Sietcent, Giambattista Tiepolo, e ai siei doi fîs che i jerin lâts daûr pe Europe, ancje in Friûl, dulà che l'artist al à lavorât un grum. Al siere la edizion 2024 dal Festival un moment di riflession tra spiritualitât, musiche e cjant par ricuardâ la sô muart ai 27 di Març dal 1770, cuant che Giambattista Tiepolo al veve lassât chest mont teren, lassant une ereditât une vore grande, culturâl ma ancje etiche e morâl.
19 min
25 Mar 2024

Buinore dal 25/03/2024 - Cui che al cjape sot une besteute pe strade al à il dovê di prestâ socors

Cui che al cjape sot une besteute pe strade al à il dovê di prestâ socors. Passe par un dovê civic e par une cuestion di bon sens, l'oblic di fermâsi e clamâ daurman jutori al val par ducj i animâi.
11 min
25 Mar 2024

Daspò misdì dal 25/03/2024 - Si è sierade la tierce stagjon dal Teatri Stabil Furlan

Si è sierade la tierce stagjon dal Teatri Stabil Furlan. Un calendari cuntune grande varietât di propuestis artistichis. Une ativitât, chê dal Teatri Stabil Furlan, che no si esaurìs cu lis produzions e lis stagjons teatrâls ma che e va indenant cun numerosis ativitâts "colaterâls", tant che publicazions e cunvignis. La prossime e je in program pai 3 di Avrîl, in ocasion de Fieste de Patrie dal Friûl, e si intitularà "Fantats, infants e zovenutis - Teatri pes gnovis gjenerazions e lenghis minorizadis".
19 min
18 Mar 2024

Buinore dal 22/03/2024 - 8 defibriladôrs a son stâts instalâts intai lûcs dal sît Unesco di Aquilee

E je operative la rêt di 8 defibriladôrs che a son stâts instalâts intai lûcs strategjics e inte jentrade des areis archeologjichis dal sît Unesco di Aquilee midiant di une iniziative de Fondazione Aquileia cu la poie de Cassa Rurale Fvg. Il progjet al è stât condividût di bande dal Comun e de Sorintendence Archeologjie bielis arts e paisaç dal Friûl-Vignesie Julie.
12 min
20 Mar 2024

Daspò misdì dal 22/03/2024 - 90 IS MAGIC

"90 IS MAGIC" il prin grant event agns '90 in Italie, al nas tal Zenâr dal 2004 di une idee di Alex B. e Max Zuleger DJ che a àn volût tornâ a proponi intun unic event 10 agns de lôr passion musicâl, dome cui discs di vinîl origjinâi. La prime fieste e nas intal Mai dal 2004 intun piçul club clamât "Moijto" cun 800 personis. I events po a à vût une afluence di public simpri plui grande. Cumò al è il moment di fâ fieste pai 20 agns.
17 min
18 Mar 2024

Buinore dal 21/03/2024 - Il comun di Mortean al è ancjemò cjapât cui dams de tampieste

Il comun di Mortean, che par altri si prepare a dâ acet al Zîr de Italie, al è ancjemò cjapât cui dams de tampieste. La restaurazion dal Domo al è un dai intervents plui impuartants. A chest si zonte la sistemazion dal tet de glesie de Santissime Trinitât ma, in plui dai edificis sacris, e reste une vore dificile la situazion di tantis cjasis dal paîs.
11 min
21 Mar 2024

Daspò misdì dal 21/03/2024 - "Io ti pettino e tu bevi", l'ultin libri di Athos Bernardis

"Io ti pettino e tu bevi" al è l'ultin libri di Athos Bernardis. Al dîs l'autôr che "si trate di une conte di formazion astrate, che e conte i erôrs de vite". Ma nol è noiôs par chest, anzit, traviers di une scriture inovative, Bernardis al va a cirî une ridade, dentri di une storie di amôr, scomençant dai erôrs. Al sarà, cence dubis, un studi curiôs e inmagant che l'autôr al propon in trê cjapitui, "parcè che cul timp a cambiin lis resons par ridi".
18 min
18 Mar 2024

Buinore dal 20/03/2024 - Un protocol di intese sul lavôr debil

Confcooperative Alpe Adria e Caritas a àn firmât un protocol di intese, il prin cuntune organizazion datoriâl, sul lavôr debil. Il lavôr, duncje, tant che fatôr di inclusion. L'obietîf al è valorizâ lis competencis di personis che a vivin un moment di fragjilitât ma ancje dâ rispuestis a un tiessût produtîf che al à bisugne di lavoradôrs.
11 min
18 Mar 2024

Daspò misdì dal 20/03/2024 - "Una parte di me" il gnûf EP di Michele Poletto

Si clame "Una parte di me" il gnûf EP che al à dentri lis primis sîs cjançons di Michele Poletto, jessût su dutis lis plateformis digjitâls e in formât CD in edizion limitade e numerade. Masterizât di Riccardo Carioti al One Eyed Jack Studio di Triest e realizât cul contribût de collecting NuovoImaie, "Una Parte Di Me" al è une opare che e svante la colaborazion di nons di ponte dal panorame dal pop talian.
15 min
19 Mar 2024

Buinore dal 19/03/2024 - L'Albierc Sparniçât Borc Soandri di Sudri

Il 2023 al è stât un an di meti in suaze pal Albierc Sparniçât Borc Soandri di Sudri, che al à regjistrât un increment dal 27 par cent des presincis. Al vinç il model di paîs albierc là che il turist al ven ospitât tant che amì di bande di une comunitât ospitâl.
12 min
19 Mar 2024

Daspò misdì dal 19/03/2024 - La prime edizion dal "Festival dal frico"

Vivâr al da acet ai apassionâts di gastronomie locâl pe prime edizion dal "Festival dal frico", un event di cusine che al rint onôr al plat tipic furlan intes sôs tantis sfumaduris. La rassegne, scomençade ai 14 di Març, e finarà ai 24 di Març, cjapant dentri il miôr artesanât dal gust de regjon intune esperience gastronomiche di no podê smenteâ. Il Festival dal Frico nol sarà dome une ocasion par cerçâ scuisitecis unichis, ma al ufrirà ancje une serie di events colaterâi.
15 min
18 Mar 2024

Buinore dal 18/03/2024 - A son simpri plui frecuents i brois ai dams dai anzians

Cun dut des azions puartadis indenant di bande des fuarcis dal ordin, a son simpri plui frecuents i brois ai dams dai anzians. L'Auser, associazion di volontariât impegnade di vincj agns inte tutele e te promozion dai dirits dai anzians, e dâ fûr l'alarme e e met in vuardie i citadins e ancje ducj i iscrits.
11 min
18 Mar 2024

Daspò misdì dal 18/03/2024 - Vicino/lontano mont

In Istât al tornarà "vicino/lontano mont", il spazi di riflession sul teme de mont par cure di Claudio Pellizzari, estension di vicino/lontano. A scomençâ di chest an, simpri in sinergjie e cjapant dentri atôrs cualificâts che si ocupin in maniere istituzionâl di svilup e di valorizazion des areis di mont, la intenzion e je chê di trasformâ vicino/lontano mont intun progjet anuâl, che al continuarà a movisi in diferentis localitâts montanis dal Friûl-Vignesie Julie.
19 min
11 Mar 2024

Buinore dal 15/03/2024 - Il comitât "Amici di Federico"

Il comitât "Amici di Federico", nassût intal 2008 par judâ il piçul Federico, che par colpe di un tumôr intal cjâf al à scugnût frontâ une vore di operazions e curis specifichis ancje tal forest, al va indenant za di tancj agns a fâ dal ben. Di cuant che al è nassût al è rivât a cjapâ sù plui di 700 mil euros, judant 53 fameis (45 a son a stâ in Friûl-Vignesie Julie e 2 tal forest), e al da une man a 9 associazions.
12 min
12 Mar 2024

Daspò misdì dal 15/03/2024 - Ospitalitât inte zone di Codroip tra locandis, ostariis e ospedâi

"Ospitalitât inte zone di Codroip tra locandis, ostariis e ospedâi" al torne a percori la storie secolâr dai hospitai, puartant il letôr a scuvierzi lis ostariis e i ambients publics che une volte a jerin a Codroip e intes sôs frazions; al ricuarde lis gjestions che si son alternadis, al conte di ostîrs e di osteris, al ricuarde storiis sepulidis e moments dramatics dismenteâts. Une ricognizion su la vite e sul acet dai paisuts che a fasin di corone a Codroip.
19 min
11 Mar 2024

Buinore dal 14/03/2024 - A Zenâr un strât di glace al à cuviert la aghe devant di Miramar

Intal mês di Zenâr un strât lizêr di glace al à cuviert il pêl de aghe dal mâr devant dal cjistiel di Miramar, a Triest. Chest al è sucedût ancje se la temperadure dal aiar no jere lade sot zero e no jerin stadis bugadis di Buere.
12 min
12 Mar 2024

Daspò misdì dal 14/03/2024 - Barlums – Canti d'inchiostro, il gnûf album dai Braul

I Braul a son nassûts tal 1993 te zone de pedemontane furlane di Soreli a mont cu la intenzion di puartâ une inovazion personâl inte musiche tradizionâl dal Friûl-Vignesie Julie. Tal timp a àn cirût une lôr strade tal folk furlan, disvilupant une cifre artistiche di fuarte personalitât. Dal 1997 a àn publicât cuatri albums: La corte di Lunas, Ciaràndis, La farina dal diaul. Intal 2024 al è jessût il lôr ultin lavôr: Barlums – Canti d'inchiostro, che par realizâlu i àn lavorât tai ultins trê agns.
17 min
11 Mar 2024

Buinore dal 13/03/2024 - Vieste dute gnove par lis termis di Darte

Vieste dute gnove par lis termis di Darte. Une gnove aree pissine e larà a insiorâ la ufierte dal stabiliment termâl. La ricualificazion dal complès, di proprietât dal Comun e gjestît di bande di Terme Fvg, e je scomençade pôc prin de pandemie e e à interessât une vore di ambients.
12 min
12 Mar 2024

Daspò misdì dal 13/03/2024 - La grande fiere di Sant Josef a Percût

Dal zîr cun cjavai e carocis ai torneus di briscule, dal radun di motos ae fieste de Vierte, cence smenteâ la musiche, il mangjâ, la pescje che no pues mai mancjâ e tant di plui. A Percût e je la grande fiere di Sant Josef. Un apontament, rivât ae edizion numar 72, che al à il so cûr a Vile Caiselli e che al segne che la Vierte e je daûr a tornâ e al ricuarde la gnove stagjon des sagris in dut il Friûl.
18 min
11 Mar 2024

Buinore dal 12/03/2024 - L'ex caserme Francescatto di Cividât e passe al Comun

L'ex caserme Francescatto di Cividât, par tancj agns sede dai Alpins de Brigade Julia, e passe al Comun. L'edifici e la grande aree là che al è stât inserît a fasin part dai bens che a son apartignûts al Demani militâr che, cu la ultime Comission paritetiche Stât Regjon, in funzion dal Statût de nestre autonomie, al à decidût di trasferî ducj i bens ae aministrazion regjonâl, che ancje jê e fasarà in mût di trasferî dut ai comuns.
12 min
11 Mar 2024

Daspò misdì dal 12/03/2024 - Balkan Football Club

"Balkan Football Club" di Gianni Galleri al rapresente dîs agns di viaçs tra Bulgarie, Romanie, Albanie e vecje Jugoslavie, su lis olmis di storiis di chestis tieris. Dal Marakana di Belgrât al Maksismir di Zagabrie, lant in mieç de int, jentrant tes ostariis, tes stradis, sui scjalins di tancj stadis. Un viaç dal Adriatic al mâr Neri, dilunc dal Danau e de Drina, tra vecjos amîs e tifôs ruspiôs, biris e cjants, cjâr ae grilie e sgnape fate in cjase, par provâ a capî i Balcans midiant de lint di ingrandiment dal balon.
19 min
11 Mar 2024

Buinore dal 11/03/2024 - Lis domandis di citadinance dai dissendents di emigrants in Sudameriche

I Comuns dal Friûl a son cjapâts des tantis domandis di citadinance taliane di bande dai dissendents di emigrants partîts dal Friûl tra la fin dal '800 e la prime metât dal '900 pal Sudameriche. Argjentins, uruguayans e brasilians a indrecin la domande ai uficis de anagrafe dai Comuns parcè che intes ambassadis e intai consolâts la convocazion par otignî il passepuart talian e rive dopo agns.
11 min
11 Mar 2024

Daspò misdì dal 11/03/2024 - Feminis furlanis fuartis

Feminis furlanis fuartis al è un libri che al conte storiis di feminis furlanis dal presint, impegnadis in plui mûts te vite economiche, sociâl e culturâl, leadis de "fuarce" esprimude inte maniere che a àn cirût di vê par realizâsi. Lis ten dongje la passion pes lidrîs e il leam cu la lôr tiere, pont salt di dulà partî e dulà tornâ, ancje cuant che lis prospetivis dal lôr lavôr e dal lôr impegn a deventin il mont.
19 min
04 Mar 2024

Buinore dal 08/03/2024 - Une comunitât energjetiche a Rude

Il Comun di Rude al à decidût di scomençâ a lavorâ par meti adun une comunitât energjetiche locâl, che e viodarà la lûs prime dal Istât. In chest percors e je fondamentâl la condivision cun dute la popolazion, sedi cui citadins sedi cu lis impresis.
11 min
05 Mar 2024

Daspò misdì dal 08/03/2024 - Sot un cîl di stofe

"Sot un cîl di stofe", in sene doman di sere aes 9 a Bagnarie, al è un reading scenic basât su storiis di feminis afghanis, vitimis di violencis e prepotencis, gjavât dal omonim libri di Cristiana Cella. Il spetacul al nas par supuartâ un progjet di istruzion e vite pes feminis in teritori dal Afghanistan, dulà che scuele, culture e dirits fondamentâi ur vegnin dineâts. Al è un dai apontaments organizâts dal Comun di Bagnarie pe Zornade internazionâl de femine.
18 min
04 Mar 2024

Buinore dal 07/03/2024 - La sigurece idrauliche dal bacin idrografic dal Tiliment

La Regjon Friûl-Vignesie Julie e à frontat il teme delicât de sigurece idrauliche dal bacin idrografic dal flum Tiliment. L'obietîf al è chel di cjatâ une sintesi buine di meti dongje lis sensibilitâts diferentis dai teritoris là che al passe il flum.
11 min
05 Mar 2024

Daspò misdì dal 07/03/2024 - Il gnûf apontament dal Ceghedaccio

Divertiment, rispiet, sigurece, plasê di stâ insiemi e, par fuarce la grande passion che e ten dongje ducj e dutis, chê pe musiche agns '70, '80 e '90. A saran propit lis notis che a àn fat balâ tantis gjenerazions, a colorâ, ancjemò une volte, il capanon numar 6 de Fiere di Udin par un gnûf apontament dal Ceghedaccio. Pal tradizionâl apontament de Vierte, la date di segnâsi sul calendari e je chê di vinars ai di 19 avrîl dal 2024 e, come simpri, rigorôs i oraris de fieste: des 8 di sere ae une e mieze.
18 min
05 Mar 2024

Daspò misdì dal 06/03/2024 - Udin&Jazz 2024

Daspò dal straordenari anunzi come anteprime dal conciert dai Dogstar, il tercet californian formât di Bret Domrose, Robert Mailhouse e dal atôr e musicist di fame mondiâl Keanu Reeves, live al cjistiel di Udin il prossim 24 di Jugn, il festival Udin&Jazz, promovût di Euritmica, al rint uficiâl gnovis ancitipazions impuartantis par chê che e sarà une edizion 2024 une vore siore, la 34e pe rassegne jazz tra lis plui impuartantis e di vite lungje dal nestri paîs.
19 min
04 Mar 2024

Buinore dal 06/03/2024 - Il vin dal Friûl-Vignesie Julie al cîr marcjâts gnûfs

Il vin dal Friûl-Vignesie Julie al cîr marcjâts gnûfs. Il 2023, in fat di export ma ancje di venditis in Italie, nol è stât un bon an par vie de stagnazion, di une disponibilitât plui bassis di risorsis economichis des fameis e di une domande di vins plui lizêrs e frescs. Une tindince che no rivuarde dome i vignâi dal Friûl ma di dutis lis regjons e che e preocupe operadôrs, aziendis, cooperativis e Consorzis. Par provâ a cambiâ la rote, la Regjon e prove a lâ viers gnûfs marcjâts.
11 min
04 Mar 2024

Buinore dal 05/03/2024 - Un gnûf ricovar pai gjats intal spazi de ex caserme Piave a Udin

Il Comun di Udin al à inmaneât un gnûf ricovar pai gjats intal spazi de ex caserme Piave, dongje vie Lumignà, a Udin. La Zonte e à decidût di rispuindi a une esigjence inte gjestion dai animâi in citât e, ae lûs di chest, e à decidût di proponi la ricualificazion dai doi lots de Caserme Piave, une zone de citât isolade ma dongje dal centri, che e à bisugne di jessi metude a puest.
11 min
04 Mar 2024

Daspò misdì dal 05/03/2024 - Isola di Stavoli. Cuatri dîs di art, musiche e teatri

Dal dopomisdì di joibe ai 13 fin la sere di domenie ai 16 di Jugn "I Stai" al devente il breâr par un vêr e propit "eremitaggio di riconnessione". Cuatri dîs dedicâts a spetacui di art, musiche e teatri che si alternaran a esperiencis e laboratoris di imersion inte nature. Lis ativitâts in program a son leadis dal bon stâ: I Stai al vûl ufrî une propueste culturâl che ognidun al podedi cusî su lis sôs disposizions e i siei interès, costruintsi un vêr e propit percors di esperiencis.
18 min
04 Mar 2024

Buinore dal 04/03/2024 - La gnove riforme dal zûc di azart

Te gnove riforme dal zûc di azart 2024 si previôt di inserî misuris tecnichis e normativis par garantî une tutele plene dai sogjets plui debii e par prevignî il fenomen dal disturp leât al zûc di azart e al zûc che al cjape dentri i minôrs.
11 min
04 Mar 2024

Daspò misdì dal 04/03/2024 - Il laboratori "Knit&code"

Dopo dal sucès dal laboratori "Knit&code" di vinars ai 16 di Fevrâr, Kaleidoscienza e propon la repliche par vuê, des 16.45 aes 18.30. Il laboratori, cheste volte fat pai fruts e pes frutis dai 8 ai 13 agns, al à l'obietîf di svicinâju al coding offline (cence doprâ il computer) midiant di ativitâts manuâls complicadis, come la tiessidure di un telâr. Lis frutis a varan la maniere di sei dongje a une ativitât considerade di oms come il coding, invezit i fruts a saran cjapâts cuntun ogjet considerât di feminis come il telâr.
19 min
26 Feb 2024

Buinore dal 01/03/2024 - I incidents mortâi tal puest di vore in Friûl-Vignesie Julie

Daspò dal Abruç, il Friûl-Vignesie Julie e je la regjon taliane là che, intal 2023, al è stât regjistrât l'increment plui alt di incidents mortâi tal puest di vore. A son stâts 12 in plui a pet dal 2022. Un dât, pandût dal Inail, in cuintritindince rispiet al Nordest e al rest dal Paîs, che a àn fat regjistrâ, invezit, un câl dai muarts sul lavôr.
11 min
29 Feb 2024

Daspò misdì dal 01/03/2024 - Une sfilade di vistîts di nuvice donâts de ANDOS

SPOSESabide ai 24 di Fevrâr la galarie dal prin plan dal Città Fiera si è trasformade intune passarele par une sfilade di vistîts di nuvice straordenaris. Vincj zovinis a àn metût su i vistîts donâts de associazion Donne Operate al Seno ODV – Comitât di Udin, metintju a disposizion di chês che no puedin permetis di comprâ il vistît pes gnocis. L'Andos, di fat, si impegne a regalâ il vistît di nuvice a feminis che, ancje se lu desiderin une vore, no puedin permetisi di realizâ il lôr sium.
18 min
26 Feb 2024

Buinore dal 29/02/2024 - Cene dai cjargnei

Si clame "Cene dai cjargnei" e e je une associazion nassude par clamâ dongje ducj i cjargnei che a son a stâ in tancj comuns de regjon. La finalitât e je chê di tignî vivis lis lidrîs dal teritori. Intal mês di Dicembar i partecipants, une cincuantine di personis in dut, si son son dâts apontament a Cjassà.
12 min
29 Feb 2024

Daspò misdì dal 29/02/2024 - Il museu de civiltât contadine dal Friûl imperiâl

Il museu de civiltât contadine dal Friûl imperiâl al è stât viert al public tal 1992. La racuelte e met dongje 20.000 tocs catalogâts che a contin de vite contadine dal 1500 al 1918 tal timp dulà che la Contee di Gurize e je stade dominade de cjase reâl austriache. Il materiâl metût dongje al è stât dividût in trê grancj palaçs: une struture dal '700 dulà che une volte a a jerin la cantine e il granâr, une costruzion dal '800 cu lis stalis e i toblâts, e une linde de metât dal '900.
18 min
26 Feb 2024

Buinore dal 28/02/2024 - Il 2024 di Pordenone Fiere

Pordenone Fiere e à tacât il 2024 cun tancj events e tantis buinis gnovis. Il 2024 al è un an che al viodarà l'esordi di NovelFarm, la mostre cunvigne internazionâl su lis inovazions in agritech, fûr tiere e vertical farming, in program ai 20 e 21 di Març. Intal calendari pal 2024 a tornin ancje i apontaments tradizionâi dedicâts al public tant che Ortogiardino, dai 2 al 10 di Març e, inte stesse date chest an, ancje Cucinare, il Salon de enogastronomie di cualitât.
12 min
29 Feb 2024

Daspò misdì dal 28/02/2024 - Poesiis par une piçule storie dal Friûl

PATUIE à cjapât il vie sabide stade la trasmission in cuatri pontadis "Poesiis par une piçule storie dal Friûl", un program radio ideât e condot dal scritôr Paolo Patui e volût cun fuarce de sede regjonâl de Rai. In chest spazi, poetis e poesiis a contin la evoluzion storiche des tieris furlanis de Republiche di Vignesie fin al secont mileni. A saran ancje lis incursions musicâls di cuatri musiciscj furlans.
18 min
26 Feb 2024

Buinore dal 27/02/2024 - Gianluca Madriz, il gnûf president regjonâl di Confcumierç

Gianluca Madriz, president dal 2012 di Confcumierç Gurize, al à assunt la cjarie di president regjonâl di Confcumierç. La nomine, intal rispiet de rotazion des realtâts provinciâls, e je stade decidude di bande de assemblee des Confcumierç dal teritori.
11 min
28 Feb 2024

Daspò misdì dal 27/02/2024 - Giovanni Patat di Dartigne

Imburît e tegnadiç, cuntune grande passion pe art, pe sculture, pe mont e pal svolâ. Giovanni Patat di Dartigne al amave firmâsi come un mestri de Ete di Mieç, dal non dal paîs dulà che al jere nassût intal 1928. Al è muart ai12 Fevrâr. Za di frut al jere stât instradât ae art intal laboratori dal barbe Pietro Rizzotti, dulà che al veve imparât a lavorâ la arzile, il zes e la piere, metint dongje une tecniche tradizionâl e cence imperfezions.
17 min
26 Feb 2024

Buinore dal 26/02/2024 - La culture dal sparagn energjetic a Çarvignan

Ancje pai Comuns de nestre regjon la culture dal sparagn energjetic e dai stîi di vite sostignibii e je un element fondamentâl, parcè che e permet di disvilupâ azions concretis pal teritori. Inte Basse furlane, a Çarvignan, a son tantis lis iniziativis metudis in vore ancje de bande de aministrazion comunâl.
11 min
26 Feb 2024

Daspò misdì dal 26/02/2024 - La gnove vuide "Tarcint", de colezion "Terre da raccontare"

E je jessude la gnove vuide "Tarcint", de colezion "Terre da raccontare", volum publicât de ZeL Edizioni, curât di Francesco Antonini. La publicazion e je stade realizade cul supuart dal Comun di Tarcint e di PromoturismoFvg. La vuide e je atualizade sul teritori dal comun di Tarcint dopo dal ultin volum di chest gjenar, che al jere stât fat 24 agns indaûr: dividude in cuatri sezions, e fronte cuntun grant repertori fotografic storiis e personaçs, robis di viodi e robis di fâ.
18 min
22 Feb 2024

Daspò misdì dal 23/02/2024 - Il Coro Artemìa di Tor di Zuin a Sanremo

Al è stât un pôc di Friûl sul palc dal teatri Ariston di Sanremo pal Festival de cjançon taliane: il Coro Artemìa di Tor di Zuin, direzût dal mestri Denis Monte e fat di vincjevot coristis e coriscj dai 17 ai 29 agns, al à compagnât, inte serade di vinars, il duet di Annalisa cu La Rappresentante di Lista, te cover "Sweet dreams" dai Eurythmics. Dut al è nassût di bande di une segnalazion di Elisa, che e colabore cu la formazion musicâl dal 2004.
17 min
21 Feb 2024

Buinore dal 23/02/2024 - Ce an isal stât il 2023 pes machinis?

Ce an isal stât il 2023 pes machinis? Ancje cu la frenade dal mês di Dicembar, la prime dopo 16 mês di venditis in aument, il marcjât european des machinis al met vie il 2023 cuntun salt positîf (+13,7%) e 12.847.481 imatricolazions, 1,55 milions di plui dal 2022, ma ancjemò 1,5 milions di machinis di mancul dal 2019.
11 min
21 Feb 2024

Buinore dal 22/02/2024 - Il tas di sorevivence ai tumôrs al pet, in vincj agns, al è miorât une vore

Il Friûl-Vignesie Julie al è tai prins puescj par numar di tumôrs al pet. La buine gnove e je che in regjon il tas di sorevivence, in vincj agns, al è miorât une vore. Fondamentâl e je la prevenzion.
11 min
22 Feb 2024

Daspò misdì dal 22/02/2024 - Il Grop Tradizionâl Furlan

Silvio Pontelli – 90 agns ai 21 di Març cu ven – e Franco Giacomuzzi – 87 agns ai 26 di Zenâr stât – a son dôs colonis puartantis dal grup musicâl Grop Tradizionâl Furlan. Testemoneance di une maniere di presentâ la culture popolâr, inte semplicitât dal mesaç e de esecuzion e cuntune grande fuarce comunicative, il Grop al rapresente une scuadre di amîs che a condividin la passion pe musiche e lis tradizions popolârs.
17 min
21 Feb 2024

Buinore dal 21/02/2024 - La Cooperative Pescjadôrs San Vît e va indenant viers il risanament

La O.P. Cooperative Pescjadôrs San Vît di Maran e va indenant spedide viers il risanament e il rilanç. Ai 31 di Dicembar dal 2023, di fat, e je stade onorade la ultime rate dal debit previodût dal Plan concuardatari completant cussì, cun sucès, la complesse procedure ativade intal 2019.
11 min
22 Feb 2024

Daspò misdì dal 21/02/2024 - In Friûl al vîf il plui grant colezionist di robe dedicade ai The Who

The Who al è un grup musicâl rock britanic di Londre, considerât tra lis miôr band rock di ducj i timps, cun plui di 100 milions di discs vendûts. Lis primis aparizions dal vîf dal complès a van indaûr fin al 1964, cu la formazion storiche dal grup: Pete Townshend (ghitarist e autôr di buine part des cjançons), Roger Daltrey (vôs), John Entwistle (bas eletric) e Keith Moon (batarie). In Friûl al vîf il plui grant colezionist di robe dedicade al grup.
19 min
21 Feb 2024

Buinore dal 20/02/2024 - A cressin i reâts fats dai plui zovins

A cressin une vore i reâts fats dai plui zovins. Lis bandis di fantats e i episodis di prevaricazion a cressin simpri di plui sedi intal Nord che intal Sud Italie e chest al preocupe. Ce isal che al sburte i zovins a jentrâ intune spirâl di violence?
11 min
22 Feb 2024

Daspò misdì dal 20/02/2024 - Il guardiano dei sigilli, il gnûf libri di Claudio Aita

Cui isal bon di vierzi il libri rompint i siei siet sigjîi? Cheste e je la domande che Geremia Solaris al à di rispuindi par scuvierzi l'autôr dai delits salvadis che a maglin di sanc une Firenze plui maledete, plui sporcje che mai e che a àn par ogjet zovinis feminis copadis cun incredibile, ma ecuilibrade, tristerie. Geremia Solaris al sa che nol pues fidâsi di nissun e che la sô vite e je metude in pericul ogni moment di bande di un sassin.
18 min
21 Feb 2024

Buinore dal 19/02/2024 - Bonus animâi di cjase

Bonus animâi di cjase: a stan par rivâ jutoris pes spesis veterinariis dai proprietaris des besteutis di cjase. Chest jutori al sarà destinât a personis cun plui di 65 agns e un ISEE che nol varà di superâ i 16.215 euro. La novitât e je previodude de Leç di belanç 2024.
10 min
22 Feb 2024

Daspò misdì dal 19/02/2024 - Rosada!

Dopo di "I turcs tal Friûl" di Elio De Capitani (al jere il 1997), une altre opare di Pasolini e je jessude dai confins de Patrie par rivâ fin a Milan. "Rosada!", produzion dal Teatri Stabil Furlan, realizât in colaborazion cu la ARLeF - Agjenzie regjonâl pe lenghe furlane e cun Mittelfest 2022, al è stât ospitât tal Teatro dell'Elfo, inte capitâl lombarde. Il spetacul, la prime opare di Pier Paolo Pasolini, al cîr di indagâ il leam intrinsic che al è tra la peraule e la sô dibisugne di jessi tramandade, scrite, ricuardade.
18 min
05 Feb 2024

Buinore dal 16/02/2024 - Un an de muart di Enzo Cainero

Ai 28 di Zenâr di chest an al jere un an de muart di Enzo Cainero, il manager furlan mancjât a 78 agns che al à lassât un segn impuartant te storie dal Friûl. Un inovâl che la famee Cainero e à volût memoreâ, in particolâr cu lis peraulis dal fi Andrea e chês di Paolo Urbani, ex sindic di Glemone che al à ereditât di Enzo il testemoni par organizâ lis tapis furlanis dal zîr di Italie di bicicletis. Ducj i dôi a àn confermade la volontât di lâ indenant e pandi dut ce che di bon, impuartant e visionari al à fat Enzo.
12 min
12 Feb 2024

Daspò misdì dal 16/02/2024 - Per un pugno di terra

Un afresc de Basse furlane in tai agns des lotis contadinis, un teritori che in tal secont daspò de vuere al sofrive une cundizion economiche disastrose. Al ere soredut in tes campagnis che i contrascj politics e sociâi si trasformavin in siopars, manifestazions e protestis pui o mancul spandudis. I agraris no vevin intenzion di lassà i privilegjius concuistâts durant il timp dal fasio, i contadins e volevin miôr cundizions di vite. Lu conte in tal so "Per un pugno di terra" Pier Paolo Gratton
18 min
12 Feb 2024

Buinore dal 15/02/2024 - I cambiaments dal timp a imponin une gnove sfide pes impresis agriculis

I cambiaments dal timp a imponin une gnove sfide pes impresis agriculis, che a àn di interpretâ lis gnovis segnaladis de meteorologjie e i efiets sui ciclis des culturis, su la gjestion des aghis e ancje su la sigurece dal teritori.
11 min
12 Feb 2024

Daspò misdì dal 15/02/2024 - Lussarissimo

La mont dal Friûl Vignesie Julie si prepare a un grant apontament. Al è di gnûf timp di Lussarissimo, il slalom paralêl pui lunc di dute Europe, cun un percors di cuatri chilometrots, un disnivel di mil metrots e cent puartis su le piste Di Prampero de mont Lussari. La regje dai trê dîs e je ancjemò une volte de Smilevents Apssd di Gurize, insiemet al Sci Club Monte Canin, cun il supuart di Promoturismo FVG, Regjon Friûl Vignesie Julie e Comun di Tarvis.
18 min
12 Feb 2024

Daspò misdì dal 14/02/2024 - Dopo de ploie

Cuale storie podevino frontâ? O vin pensât a une storie di amôr tra dôs feminis, no par fuarce tra dôs amantis, ma al podeve jessi ancje tra dôs amiis, tra mari e fie, tra dôs sûrs. E e je tornade iniment une imagjin dal passât: dôs feminis, dôs sûrs, che sul finî de lôr vite a cjaminavin niçulantsi a braçut pes stradis de nestre citât, vistidis compagnis, intune maniere di altris timps.
18 min
12 Feb 2024

Buinore dal 14/02/2024 - La introduzion des plantis intes aulis e intai spazis de scuele

A Udin al è un progjet finalizât a miorâ la cualitât de vite dai students e al rivuarde la introduzion des plantis intes aulis e intai spazis de scuele. Si trate di une ativitât dal fuart impat educatîf e didatic.
12 min
12 Feb 2024

Buinore dal 13/02/2024 - Il Carnevâl di Sapade

Une des tradizions plui carateristichis di Sapade e je la zornade dedicade al Carnevâl, là che e tornin a vivi lis tradizions dal puest, la culture popolâr e là che si instrecin ritualitât e folclôr, ocasions di zûc, divertiment e trasgression.
12 min
12 Feb 2024

Daspò misdì dal 13/02/2024 - Il mulin di Basandiele

Il mulin di Basandiele, atîf dal 1300 fin al 1982, al è vuê di proprietât dal Comun di Cjampfuarmit. Dentri us spiete une vuide, che us fâs viodi come lis ruedis, azionadis de aghe de roie di Udin, e fasin movi i imprescj par masanà, che une volte e produsevin diferentis cualitâts di farine e che e permetevin numerosis ativitâts, come le garzadure de lane e il mai par ucâ i imprescj. Il mulin al fâs di centri visitis dal parc dal Cormôr di Cjampfuarmit.
19 min
12 Feb 2024

Buinore dal 12/02/2024 - La assemblee de associazion dai comuns dal taramot

Di resint a Vençon si è davuelte la assemblee ordenarie de associazion dai comuns dal taramot par inzornâ lis cjariis dal consei e ricuardâ la figure dal comissari straordenari pal taramot Zamberletti a cinc agns de sô muart. Une ocasion, ancje cu la presince de assessore regjonâl al belanç Barbara Zilli, par continuâ a resonâ e a lavorâ in prospetive dal inovâl dai 50 agns dal "Orcolat" dal 1976.
11 min
12 Feb 2024

Daspò misdì dal 12/02/2024 - "L'isola infelice" di Aldevis Tibaldi

E je une leture di fats articolade, cheste che nus ufrìs Aldevis Tibaldi, che e rive de so esperience e dal so impegn personâl in tes lotis dai ultimi dissens a difese dal ambient e dai dirits sociâi. Si fevele di incuinament, di distruzion dal teritori e dal paisaç, de Cjargne ae Base furlane, dal Cjars ae lagune di Maran, ma ancje de solidarietât dimostrade ae lote in atris regjons, come chês cuintri le Tav in Val di Suse.
19 min
06 Feb 2024

Daspò misdì dal 09/02/2024 - Trê laboratoris creatîfs te biblioteche di Palaçûl

L'assessorât ae culture dal Comun di Palaçûl al à organizât te biblioteche comunâl trê laboratoris creatîfs, curâts di Serena Comar. A son dedicâts ai fruts dai 6 ai 10 agns. Il prin si è davuelt lunis ai 15 di Zenâr. Lunis ai 19 di Fevrâr al sarà il secont, intitulât "Une storie dute mê". Par finî, joibe ai 14 di Març, si sierarà la secuence dai laboratoris cun "Blanc e neri".
17 min
05 Feb 2024

Daspò misdì dal 08/02/2024 - Il Carnevâl di Tierç di Aquilee

E torne a vivi la tradizion dal Carnevâl di Tierç di Aquilee. I doi moments fondamentâi des celebrazions si davuelzin vuê e domenie ai 10. Des 7 sot sere si fâs fieste pe joibe grasse. Invezit domenie – scomençant aes 2 daspò misdì – e sarà la ocasion juste par partecipâ ae grande sfilade. Si cjatisi in vie Giuseppe Verdi.
18 min
05 Feb 2024

Buinore dal 08/02/2024 - La ore di religjon a scuele

A son ancjemò viertis lis iscrizions pal prossim an scolastic 2024/2025 cu lis fameis e i students che a son clamâts ancje a decidi se fâ o mancul la ore di religjon catoliche. Secont l'ufici scolastic de Arcidiocesi di Udin, cheste sielte e rapresente une risorse scolastiche une vore strategjiche, soredut par insegnâ ai fantats a trasformâ lis pôris in siums. Ma cuale ise in dì di vuê la situazion e i numars che a àn de sielte de ore di religjon te arcidiocesi di Udin?
12 min
05 Feb 2024

Buinore dal 07/02/2024 - Lis protestis dai agricoltôrs

In riferiment aes protestis dai agricoltôrs di chest ultin periodi, di resint e à cjapât posizion ancje la CIA dal F-VJ par pandi ancjemò di plui il concet che la agriculture no je il probleme ma le soluzion, che e à di vê obietîfs clârs e une rapresentance plui grande. Concet che par altri la CIA e veve ancje marcât te manifestazion che si jere davuelte za a Rome ai 26 di Otubar passât, adun cu la domande di une taule unitarie di riflession e decision. Parcè che lis filis di tratôrs ator pe Italie e pe Europe a son segn di un probleme reâl.
12 min
05 Feb 2024

Daspò misdì dal 07/02/2024 - Carnevâl in ostarie

Il Comitât Furlan Difese Ostariis, la Pro Loco Citât di Udin e Confesercenti a inviin cun ligrie la cuarte edizion di Carnevâl in ostarie. Di joibe ai 8 fin martars ai 13 di Fevrâr, 16 ostariis dal teritori a proponaran un plat furlan de tradizion, dongje di un bon tai di vin a un presit controlât. L'event si sierarà miercus ai 14 cu lis cinisis e Sant Valentin, caraterizâts di renghe, polente e bon vin.
17 min
05 Feb 2024

Buinore dal 06/02/2024 - Un troi di un vecjo percors militâr par pedalâ inte storie

Tra i progjets di ambient, inovazion sociâl, art, culture e turisim, sielzûts de regjon pal disvilup di diviersis oparis di meti in vore, ancje tal rispiet di ce che e dîs la Europe, di resint al è stât presentât ancje chel che al rivuarde i comuns di Taipane, Atimis e Faedis, che al previôt di meti a gnûf un troi di un vecjo percors militâr metût adun ai timps de prime vuere mondial, par puartâ i turiscj in biciclete a pedalâ inte storie. Invistiment previodût: sîs milions di euros.
11 min
05 Feb 2024

Daspò misdì dal 06/02/2024 - Opus Loci, il podcast dedicât ai sîts patrimoni de Umanitât dal F-VJ

I sîts Unesco dal Friûl-Vignesie Julie, cumò si puedin ancje scoltâ. Al è di fat rivât Opus Loci, il prin podcast de Cjamare di Cumierç Pordenon-Udin, ispirât e dedicât ai cinc sîts patrimoni de Umanitât ospitâts sul teritori regjonâl. Opus Loci al è stât scomençât cualchi an indaûr de Cciaa Pn-Ud par meti in rêt lis ecelencis produtivis des localitâts Unesco (Aquilee, Cividât, Palme, Dolomitis furlanis e Palù de Livence) cui tesaurs storics, culturai e naturalistics che le caraterizin.
17 min
05 Feb 2024

Buinore dal 05/02/2024 - Il bant par celebrâ la Fieste de Patrie dal Friûl

In spiete de 47me edizion de "Fieste de Patrie dal Friûl", ai 03 di Avrîl prossim, la Agjenzie regjonâl pe lenghe furlane ARLeF e à publicât il bant par judâ lis manifestazions culturâls dai ents locâi par celebrâ la date di costituzion dal stât patriarcjâl furlan tal 1077. Ai 57.500 euros metûts a disposizion a podaran acedi i comuns dai teritoris des ex provinciis di Gurize, Udin e Pordenon e i siet comuns furlans da regjon Venit, ven a stâi: Cint, Concuardie, Fossalte, Gruâr, Puart, S. Michêl e Tei.
11 min
05 Feb 2024

Daspò misdì dal 05/02/2024 - "Udine con il basket nel cuore", l'ultin libri di Roberto Meroi

In 140 pagjinis, l'autôr, traviers risultâts, classifichis e contis, al conte la storie de bale tal zei di Udin dal 1968 in dì di vuê, dedicant un spazi centrâl ae associazion Amici Pallacanestro Udinese. Un test che nol pues mancjâ te librarie dai furlans apassionâts. Cu lis prefazions di Alessandro Pedone, Edi Snaidero, Enzo Cainero e Mauro Ferrari.
18 min
02 Feb 2024

Buinore dal 02/02/2024 - I temis dal incuintri dal CAI dal FVJ cul assessôr Bini

Une taule di confront par burî fûr strategjiis e prioritâts di intervent cun chê di meti a puest trois e ripârs dal FVJ ancje in clâf turistiche. A son stâts chescj, in buine sostance, i temis principâi dal resint incuintri che la delegazion dal centri alpin dal CAI dal FVJ e à vût cul assessôr regjonâl al turisim Bini. Ducj dacuardi duncje, soredut su la volontât di valutâ un plan di intervent concret, che al podedi cjapâ dentri ancje plui agns. Ospits: Giovanni Duratti Pres. CAI Fulvio e Elvio Antoniacomi Vice Pres. CAI FVG
11 min
02 Feb 2024

Daspò misdì dal 02/02/2024 - Anutis

Anutis al è un progjet internazionâl nassût tal Istât dal 2022 in graciis dal incuintri speciâl cun Giovanna Marini, che cun grande gjenerositât e à vuidât cuatri musicistis a scuvierzi la sô musiche e la tradizion popolâr dal teritori talian. La lôr ricercje vocâl, considerant lis estrazions musicâls diferentis des componentis (de classiche al jazz, passant pal fado, la cjançon napoletane, la improvisazion libare e la musiche antighe) no dîs di no a nissune sielte di stîl. Ospite Laura Giavon
18 min
01 Feb 2024

Buinore dal 01/02/2024 - Il bant 2024 de Fondazione Friuli

La Fondazione Friuli e à confermât di resint il so impegn par judâ i progjets sociâi indreçâts aes fameis, presentant la gnove edizion dal bant che ancje par chest 2024 al met a disposizion 600 mil euros par iniziativis di benstâ de comunitât. Cheste pussibilitât e ven dade come simpri sedi aes aziendis publichis che privadis, che a varan timp fin ai 29 di Fevrâr par presentâ progjets indreçâts a la cure dai minôrs, dai anzians e dai disabii. Ospit: Giuseppe Morandini pres. Fondazione Friuli
11 min
01 Feb 2024

Daspò misdì dal 01/02/2024 - I apontaments di Aspettando Pordenone Docs Fest

Dîs films par dîs apontaments che no si puedin pierdi di Aspettando Pordenone Docs Fest: al torne ogni joibe di sere, fin ai 28 di Març, il program di anteprime dal festival dal documentari di Cinemazero, ae edizion numar 17, dai 10 ai 14 di Avrîl. Il secont apontament al è in program usgnot, in colaborazion cu la Associazion Tutori Volontari di Minori Stranieri Non Accompagnati, cu la proiezion di "The Mind Game" di Sajid Khan Nasir, Eefje Blankevoort, Els van Driel. Ospit Marco Fortunato
20 min
31 Gen 2024

Buinore dal 31/01/2024 - Lis ativitât 2023 dal centri regjonâl traplant

Tant che confermât te conference stampe che si è davuelte di resint tal ospedâl di Udin, in riferiment ae ativitât 2023 dal centri regjonâl traplants, l'an passât a son stâts 116 i traplants fats tal cjâf lûc furlan, ven a stâi 97 par milion di personis. La medie taliane si ferme a 62 par milion. In Europe dome la Spagne e fâs miôr dal F-VJ cun 99 traplants ogni milion di abitants. Cheste situazion positive e puarte di conseguence i pazients a vê di spietâ mancul timp e duncje a vê une cualitât di vite miorade. Ospit: il prof. Roberto Peressutti dir. centri traplants ospedâl di Udin
11 min
31 Gen 2024

Daspò misdì dal 31/01/2024 - Un ricuart di bonsignôr Duilio Corgnali

La muse di une Glesie che si fâs compagnie de umanitât par tornâ a costruî un gnûf mont tacant des ruvinis e che e à il coraç di fâ sintî di ogni bande la sô vôs: bonsignôr Duilio Corgnali, predi de arcidiocesi di Udin, al è muart ae etât di 77 agns, intant che al jere ricoverât tal ospedâl dal cjâf lûc furlan di plui di un mês par vie des complicazions di une malatie scuvierte cuant che e jere zaromai indenant.
18 min
30 Gen 2024

Buinore dal 30/01/2024 - Lis prospetivis dal setôr dal len in FVJ

Il setôr dal len in FVJ al è jentrât in chest 2024 cun buinis gnovis e prospetivis une vore impuartantis soredut di cressite. A tacâ par esempli de societât di Tumieç "Legno Servizi" che e sta inviant ben 4 progjets di nivel: 3 europeans e un in graciis dai fonts dal PNRR. Cence dismenteâ la nassite dal grup PEFC pe gjestion forestâl sostignibile des impresis dal setôr, par cure dal "cluster legno arredo" dal F-VJ. Ma no dome... Ospits: Mirco Cigliani pres. Legno Servizi e Carlo Piemonte diretôr Cluster Legno Arredo FVG
11 min
30 Gen 2024

Daspò misdì dal 30/01/2024 - L'Ecomuseu de int di culine "Il Cavalîr"

L'Ecomuseu de int di culine "Il Cavalîr", che si scjate tal contest des culinis morenichis, al tramande la testemoneance de culture materiâl, des usancis di vite e di lavôr de popolazion dal teritori di culine, metint dongje la comunitât tal valorizâ e tal cognossi il patrimoni materiâl e no materiâl che al ven tramandât di gjenerazion in gjenerazion. La associazion "Il Cavalîr - Ecomuseo della gente di collina" e nas tal 2015 e e cure la ativitât del Ecomuseu. Ospite Carmen Metus
19 min
29 Gen 2024

Buinore dal 29/01/2024 - Il progjet "Ipaw You - Pet Theraphy in ASUFC"

Si clame "Ipaw You - Pet Theraphy in ASUFC" e al è un gnûf progjet fat de aziende sanitarie dal Friûl di Mieç in colaborazion cu la fondazion Pittini. La iniziative e previôt la partecipazion di un centenâr di pazients: dai reparts di pediatrie di Udin, Tisane, San Denêl e Tumieç, ai fruts cun disturps alimentârs e a chei presints tal centri diurni dai adolessents "Colorado". Al sarà metût adun cussì un grup di lavôr tra operadôrs di neuropsichiatrie dai fruts e dai adolessents e i mestris dai cjans, lis besteutis protagonistis di chest progjet. Ospit: David Turello dir. sanitari ASUFC
11 min
29 Gen 2024

Daspò misdì dal 29/01/2024 - Il progjet VinArte

Il progjet VinArte, realizât cu la colaborazion de associazion culturâl QuiAltrove, al met dongje la passion pe tiere e pe produzion agricule di une antighe famee di produtôrs di vin cun che pe art e pe culture. Il lavôr milenari dal om intal cjamp si fronte ben cu la opare dal artist che plui di ducj al è rivât a dâ une forme e visibilitât ae aghe, cundizion fluide classiche, Serse Roma. Ospit Alvaro Pecorari
18 min
21 Gen 2024

Buinore dal 26/01/2024 - La incressite dai agriturisims dal F-VJ

Il 2022, secont l'Istat, al conferme la incressite dai agriturisims dal F-VJ. Di fat, il lôr numar al è passât di 703 dal 2021 ai 711 di cumò, cul 1,1% di plui. A àn viert 28 gnovis ativitâts e a àn sierât in 20 di lôr, cun 8 ativitâts di plui di salt positîf. La ospitalitât dai agriturisims in regjon, in dì di vuê e ufrìs 65.800 puescj in taule e cuasi 12.000 puescj par durmì, puartant il F-VJ al sest puest tra lis regjons talianis par densitât di struturis cun 9 aziendis ogni 100 km2.
11 min
21 Gen 2024

Daspò misdì dal 26/01/2024 - Lis iniziativis che si davuelzaran a Udin pe zornade de memorie

La zornade de memorie e je une ricorence internazionâl celebrade ai 27 di Zenâr di ogni an come zornade in ricuart des vitimis dal Olocaust. Al è stât decidût cussì dal Onu. Si è decidût di celebrâ le zornade ogni 27 di Zenâr parcè che in che dì dal 1945 lis trupis de Armade Rosse a vevin liberât il cjamp di concentrament di Auschwitz. Us presentìn lis iniziativis che si davuelzaran a Udin, organizadis de bande de Anpi.
18 min
21 Gen 2024

Buinore dal 25/01/2024 - Della pena che non sia solo pena: qualcosa di nuovo sul fronte carcere?

"Della pena che non sia solo pena: qualcosa di nuovo sul fronte carcere?" al è il titul dal cicli di conferencis che si fasaran tra Zenâr e Avrîl te scuele superiôr universitarie "di Toppo Wassermann" a Udin. Metudis adun cu la scuele di studis superiôrs "Ferdinando Rossi", la universitât di Turin, e in colaborazion cu la associazion "Sisifo" e la cjamare penâl furlane, cul patrocini dal ordin dai avocâts di Udin, a son tacade ai 11 di Zenâr. Usgnot il secont apontament.
11 min
21 Gen 2024

Daspò misdì dal 25/01/2024 - La conte "Il sogno di una cima" di Renzo Brollo

Renzo Brollo al è nassût a Glemone tal 1971, dulà che al vîf e al lavore. Si definìs un letôr compulsîf. La sô conte "Il sogno di una cima", tierç classificât a Leggimontagna 2022, al à fat part dal numar 103 de riviste In Alto, presentât tal Dicembar stât a Udin. La conte e je stade dedicade a Giovanni Anziutti. "Al sarès stât content – al à declarât il stes Brollo –. Come che i vevi dit ta che dì de premiazion: une promesse e je une promesse".
18 min
21 Gen 2024

Buinore dal 24/01/2024 - Lis previsions in merit al setôr dal arlevament dai purcits

Daûr di ce che a àn declarât di resint i esperts di Confagricoltura dal F-VJ, par chest 2024 lis previsions in merit al setôr dal arlevament dai purcits a saressin avonde positivis. Dut câs, no mancjin lis problematichis, come par esempli la riduzion di cirche il 9% dal numar di bestiis intai arlevaments, la cuistion de presince de malatie de peste suine e, no ultime, la inciertece sui consums finâi.
11 min
21 Gen 2024

Daspò misdì dal 24/01/2024 - Il premi leterari nazionâl "Salve la tô lenghe locâl"

Dizionaris, composizions musicâls, tescj di teatri, tesis di lauree, contis, poesiis: e je une vore largje e svariade, come par tradizion, la vetrine sul univiers des lenghis minoritariis ufierte dal premi leterari nazionâl "Salve la tô lenghe locâl". Tra lis oparis premiadis, inte edizion numar 11 dal concors, composizions che a contin liendis, tocs di vite di ogni dì, storiis di amôr, temis de solitudin e de vecjaie. Tra chescj lavôrs al è ancje chel dal furlan Giacomo Vit.
19 min
21 Gen 2024

Buinore dal 23/01/2024 - Un progjet sui ripârs ANA

Ai 15 di Zenâr a pene passât, li dal palaç de regjon a Udin, al è stât presentât un progjet impuartant sui ripârs ANA. In buine sostance, al previôt il stanziament de bande de aministrazion regjonâl di 300.000 euros aes sezions provinciâls dai alpins dal F-VJ che a àn in gjestion i ripârs e lis baitis, pe lôr manutenzion e par realizâ percors e trois, soredut chei in ricuart des vicendis storichis de prime vuere mondiâl.
11 min
21 Gen 2024

Daspò misdì dal 23/01/2024 - "Gotes" il gnûf album di Alvise Nodale

Si intitule "Gotes" il gnûf album di Alvise Nodale. A son dîs di lavôr penç pal artist. Si trate dal tierç album di inedits di Alvise, erêt de cjançon di autôr che in Cjargne e à lidrîs fuartis. Cjantant ad in plen in lenghe furlane, si zove dai contribûts musicâi di Stefano Cabrera al violoncel e de vôs di Flavia Barbacetto. Dîs tocs intims, che a contin di torments, amôrs, fragjilitâts e dubis esistenziâi par frontâ il cambiament, atri teme fondamentâl dal disc.
17 min
21 Gen 2024

Buinore dal 22/01/2024 - La ativitât des pro loco

Il president dal comitât regjonâl de Unpli dal F-VJ Valter Pezzarini, profitant de visite fate di resint al diretîf des pro loco a Vile Manin di Codroip de bande de parlamentâr europeane Elena Lizzi, al à regalât ae deputade une copie di "Volontari perchè - quarant'anni di impegno e passione", ven a stâi il libri metût adun in ocasion dal inovâl dai cuarante agns di ativitât des pro loco. Une notizie cheste che e à une dople valence par une sinergjie strategjiche tra teritoris furlans e istituzions europeanis, tant che la stesse Lizzi cumò e a proponût al diretîf de Unpli une visite a Bruxelles, par viodi di dongje cemût che a nassin lis leçs che a rivuardin ancje il mont dal volontariât.
11 min
21 Gen 2024

Daspò misdì dal 22/01/2024 - La mostre "Spilimberc. Il tesaur dal domo"

Daspò di un timp di fiestis contrassegnât di un grant flus di visitadôrs, la mostre "Spilimberc. Il tesaur dal domo", che si pues visitâ fin ai 3 di Març dal 2024 tal palaç storic de loze a Spilimberc, e torne tal orari solit, vierzint al public la sabide e la domenie des 10 aes 19. Lis novitâts che a saran proponudis di cheste esposizion, che e pant i segrets dal complès monumentâl dal domo di Sante Marie Maiôr, no son di sigûr finidis.
19 min
16 Gen 2024

Buinore dal 19/01/2024 - Paesaggi ed Esperienze - La Vendemmia turistica didattica

"Paesaggi ed Esperienze - La Vendemmia turistica didattica e i nuovi dati dell'Osservatorio del Turismo delle Città del Vino" al è il titul de cunvigne, cun jentrade libare, moderade dal professôr Francesco Marangon, docent di Economie dal ambient de Universitât dal Friûl e ambassadôr des Citâts dal Vin. E je organizade des Citâts dal Vin regjonâls par sabide ai 20 di Zenâr aes 10:15 a Marian (Go), te Aziende Vie di Romans. A vignaran presentâts i dâts dal XIX Osservatori dal Turisim dal Vin des Citats dal Vin, realizât di Nomisma. 145 Comuns a àn cjapât part al scandai.
11 min
16 Gen 2024

Daspò misdì dal 19/01/2024 - La figure di Domenico Bianchini tal ultin lavôr di Marco Di Lena

La figure di Domenico Bianchini e je il teme dal ultin lavôr di Marco Di Lena. La ricostruzion de storie biografiche di chest mosaicist e musicist, sorenomenât "Rossetto" pal colôr dai cjavei, e presente ancjemò une vore di domandis a dispiet di analisis detaiadis davueltis di bande di diferents studiôs e de za grande bibliografie disponibile sul so cont. Si sa che al jere fi di Giovanni Antonio dei Bianchi, barbîr di Udin.
19 min
16 Gen 2024

Buinore dal 18/01/2024 - In F-VJ a mancjin 130 miedis di famee

Daûr des ultimis gnovis, ancje inte nestre regjon la carence di miedis condots e je un probleme simpri plui sintût. In F-VJ, di fat, in dì di vuê a mancjin 130 miedis di famee, tant che a patî cheste situazion a son 190 mil citadins che no àn plui il pont di riferiment sanitari tradizionâl sul teritori. E cheste situazion e rivuarde purtrop tancj lûcs dal F-VJ, massime chei di perifarie e lis zonis di mont. Ma a preocupâ e je ancje une altre cuistion, vignude fûr cul ultin scandai fat de "Fadoi", la federazion dai miedis interniscj dal ospedâl. In pratiche simpri in F-VJ cuasi 1 miedi su 5, il 18% dai professioniscj, al pense di lassâ il lavôr public: la metât di lôr e larès a vore tal servizi privât, chê altre metât, magari cussì no, e medite fintremai di molâ dal dut la ativitât e la profession.
12 min
16 Gen 2024

Daspò misdì dal 18/01/2024 - We are Shardana

La Sardegne e i siei paisaçs straordenaris, cun sîts archeologjics e il lôr misteri a son i protagoniscj dal gnûf film di Christian Canderan, (regjist ancje di ""ll profumo del mirto", menzon di onôr al Mediterranean Film Festival Cannes 2022). "We are Shardana", prodot de Sunfilms, al è un film documentari, une opare origjinâl scrite de autore Chiara Errico, cun Chiara Pistis e Andrea Fornale tal rûl di protagoniscj.
18 min
16 Gen 2024

Buinore dal 17/01/2024 - Lis nestris impresis a pain tant di plui des grandis aziendis di internet

Daûr di un studi fat di resint de Cgia di Mestre, lis impresis dal F-VJ tai ultins agns a àn paiât lis tassis par un impuart di cirche 8 voltis plui alt rispiet a chel des 25 impresis multinazionâls plui grandis dal web. Tal detai, si tabaie di 1,3 miârs di tassis cuintri 162 milions, valutâts cjapant dentri i numars dal 2020 che a son stâts i ultins dâts disponibii. In buine sostance, tal scandai si fâs iniment il fat che lis nestris impresis e soredut chês plui piçulis a pain intal insiemi tant di plui des grandis aziendis di internet, che invezit a gjoldin di un tratament fiscâl une vore modest. E duncje in graciis di chest studi, cuâl isal in dì di vuê -cjalant ancje a chest 2024- il stât di salût des nestris impresis e lis prospetivis pal lôr futûr?
12 min
16 Gen 2024

Daspò misdì dal 17/01/2024 - Hrduja, l'album di debut di Massimo Silverio

Hrduja – antîc tiermin langobart di dulà che e rive la peraule furlane "gruse", che e je la croste che si fâs cuant che si siere une feride – al è il titul dal album di debut di Massimo Silverio, jessût par Okum Produzioni daspò di doi EP produsûts di bessôl. L'album, realizât cul jutori dal produtôr Manuel Volpe e dal musicist Nicholas Remondino, al è stât notât ancje di une grande stele dal rock come Iggy Pop.
17 min
16 Gen 2024

Buinore dal 16/01/2024 - La Fondazion de Claricini Dornpacher e la valorizazion de cjanaipe

La Fondazion de Claricini Dornpacher di Butinins e sarà pont di riferiment pe ricercje e pe inovazion tal cjamp de valorizazion olistiche de cjanaipe. E vuide un progjet, premiât cuntun finanziament european, che al vûl contribuî al disvilup de economie circolâr in regjon.
11 min
16 Gen 2024

Daspò misdì dal 16/01/2024 - Une degustazion de produzion de aziende vitivinicule di Massimo D'Alema

De politiche ae viticulture: Massimo D'Alema al à sielte la Umbrie par passâ de passion pal vin ae sô produzion. A dîs agns de presentazion de prime butilie, il vecjo president dal Consei al sarà a Udin – cu la famee – il prin di Fevrâr, par condividi une degustazion de produzion de sô aziende. L'apontament al è organizât de sezion locâl de Associazion taliane sommelier, che in plui dal incuintri cul vecjo prin ministri e à in program une serie di apontaments diferents.
18 min
15 Gen 2024

Buinore dal 15/01/2024 - La Risierve de Biosfere des Alps Juliis

La Risierve de Biosfere des Alps Juliis, coordenade dal Ent parc naturâl des Prealps Juliis, e à vût un finanziament di passe un milion di euros dal Ministeri dal Ambient. L'Ent parc al racuardarà l'ûs des risorsis par promovi la mobilitât sostignibile e la conservazion ambientâl te Risierve.
11 min
15 Gen 2024

Daspò misdì dal 15/01/2024 - Il Capodoglio. Rapsodia per Federico

"Il Capodoglio. Rapsodia per Federico" al è il titul dal spetacul che al larà in sene tal Teatri di Manià vinars ai 19 di Zenâr aes nûf mancul un cuart sot sere. E je une leture musicâl, poetiche e teatrâl su la vicende umane e artistiche dal poete di Andreis Federico Tavan. Une rapsodie che e met a dialic un atôr, trê striis, un côr polifonic, un tenôr e un insiemi strumentâl direzût dal compositôr Maurizio Baldin.
19 min
12 Gen 2024

Buinore dal 12/01/2024 - In provincie di Udin si comprin e si vendin mancul cjasis

I valôrs a son restâts stabii, ma, par vie dal aument dai tas di interès, in provincie di Udin si comprin e si vendin mancul cjasis. Tant che, l'an passât, lis compravenditis a son ladis jù dal 16 par cent. Lu met in evidence l'Osservatori 2023, principâl riferiment pal marcjât imobiliâr dal teritori. OSPIT: Lino Domini, president Confcommercio Fimaa
11 min
12 Gen 2024

Daspò misdì dal 12/01/2024 - La mostre "Pitôrs dal Sietcent tra Vignesie e Imperi. Art a traviers i

La grande mostre "Pitôrs dal Sietcent tra Vignesie e Imperi. Art a traviers i teritoris dal Friûl Vignesie Julie" e si ten in dôs sedis: inte Galerie di Art Antighe dal Cjistiel di Udin e intal Palaç Attems Petzenstein di Gurize, viertis fint ai 7 di Avrîl. Par cure di Liliana Cargnelutti, Vania Gransinigh e Alessandro Quinzi, e met in lûs l'osmosi tra teritoris ricondusibi al timp a diviersis entitâts statâls, come la Serenissime e l'Imperi asburgic. Un confront tra grancj artists che e an segnât une grande epoche. Interviste al storic de art Fabio Franz.
19 min
11 Gen 2024

Buinore dal 11/01/2024 - Lis carencis dal personâl di vigjii dal fûc

Simpri plui intervents sul teritori, ma lis scuadris a lavorin cun organics ridots. In Friûl-Vignesie Julie a mancjin 230 vigjii dal fûc; il comant plui tocjât di cheste criticitât al è chel di Udin. Lis carencis dal personâl a son daûr a deventâ di dì in dì simpri plui problematichis. OSPIT: Renato Chittaro, coordenadôr ae funzion publiche dai vigjii dal fûc pe Cgil dal Friûl-Vignesie Julie
11 min
11 Gen 2024

Daspò misdì dal 11/01/2024 - Il conciert "Viaç inte poesie dal Nûfcent cu la musiche di Giovanni Ba

Il cjantautôr, vilotâr, autôr di tancj progjets indulà che musiche e poesie a si incuintrin, sedi a stai Lino Straulino, al à ideât un progjet su lis musichis e i viers dal poliedric artist Giovanni Battista Marzuttini. Vinars ai 12 di Zenâr aes 20.30 tal Salon di Palaç Mantiche a Udin, al darà un conciert dal titul "Viaç inte poesie dal Nûfcent cu la musiche di Giovanni Battista Marzuttini", insiemi aes vôs di Agnese e Anastasia Fabbro. Interviste al cjantautôr di Sudri.
20 min
10 Gen 2024

Buinore dal 10/01/2024 - I gnûfs auments di presit dal 2024

Il 2024 si vierç cun gnûfs auments di presit pes citadinis e pai citadins. Stant aes associazions dai consumadôrs, chei plui pesants a tocjin gjenars alimentârs, traspuarts e telefonie, ma ancje il gas metan. E reste la inciertece su mutuis e altris tarifis. OSPIT: Raimondo Gabriele Englaro, president dal Moviment Difese dal citadin Friûl-Vignesie Julie
11 min
10 Gen 2024

Daspò misdì dal 10/01/2024 - L'organizazion umanitarie "Medici Senza Frontiere"

L'organizazion umanitarie internazionâl di socors sanitari "Medici Senza Frontiere" e à viert di pôc un sportel socio-sanitari a Udin, pandint concretamenti di gracie a tancj volontaris la necessitât di dâ une man concrete a dutis lis personis che e an bisugne di supuart. Inte sede udinese si organizin incuintris e moments di sensibilizazion e racuelte di fonts. Interviste ae colaboratore e coordenatore dal grop, Amabile Nagostinis.
19 min
09 Gen 2024

Buinore dal 09/01/2024 - Le organizazion di volontariât Abio

Abio e je une organizazion di volontariât che e jude i fruts e i fantats ricoverâts in ospedâl a vivi la esperience in maniere mancul traumatiche traviers il zûc, la scolte, ambients plui ospitâi. A Udin e opere tal ospedâl Sante Marie de Misericordie e tal Istitût Gervasutta. OSPITE: Maria Grazia Fantini, presidente di Abio Udine.
11 min
09 Gen 2024

Daspò misdì dal 09/01/2024 - Lis dôs mostris di San Zorç di Noiâr

Dôs mostris a Villa Dora di San Zorç di Noiâr. La prime e larà indevant fint ai 18 di Fevrâr e si titule "I Tomâts e lis altris mascaris inte tradizion e in tal teatri"; l'altre a vierzarà ai 28 di Zenâr e restarà visitabil fint ai 2 di Jugn dal titul: "Lis cjamaris des meraveis: i univiers sensibii di Antonio Catalano". Une dople discuvierte di patrimonis culturâi inte vile liberty furlane, sede ideâl di diversis esposizions. Interviste a Serena Fogolini e Simone Baracetti.
20 min
08 Gen 2024

Buinore dal 08/01/2024 - Il progjet de Comission regjonâl pe paritât om femine

Al va indevant il progjet de Comission regjonâl pe paritât om femine pe creazion dal Archivi de memorie des feminis dal Friûl-Vignesie Julie. Ai 9 di Zenâr, a Triest, a saran presentadis 27 figuris, di vuê e dal passât: esemplis positîfs tal cjamp sociâl, politic e culturâl. OSPITE: Alessandra Battellino, Comission regjonâl pe paritât om femine
11 min
08 Gen 2024

Daspò misdì dal 08/01/2024 - Une tesi di lauree su Jacopo e Andrea Linussio

La neodotoresse in Sciencis de Formazion Primarie Elena Fabiani, insegnante intes scuelis primariis di Osôf, e à scrit une tesi di lauree indulà che storie locâl e didatiche a si incuintri in tun percors che si disvilupe daûr di une metodologjie critiche inovative. Partint di Jacopo e Andrea Linussio, e à metût in pratiche un progjet di aprendiment pai fruts des scuelis primariis di Paulâr indulà che i arlêfs e son protagoniscj atîfs dai lôr aprendiments.
19 min
05 Gen 2024

Buinore dal 05/01/2024 - Il premi in memorie di pre Pierluigi Di Piazza

Al è indreçât aes laureadis e ai laureâts de Universitât dal Friûl il premi in memorie di pre Pierluigi Di Piazza, mancjât l'an passât. Lu àn istituît il fradi Vito e la famee dal fondadôr dal Centri di acet "Ernesto Balducci" di Çuian in colaborazion cul ateneu furlan. OSPIT: Vito Di Piazza, fradi di pre Pierluigi Di Piazza.
11 min
05 Gen 2024

Daspò misdì dal 05/01/2024 - I fûcs de Epifanie

I fûcs de Epifanie a son pronts par iluminâ il Friûl-Vignesie Julie e, daûr de bande che al larà il fum, a saran lis previsions pal an che al è scomençât. Di fuarte valence simboliche e sociâl, tra pignarûi, femenatis e fogarons, la tradizion di origjine antighe si rinove. Nin a scuvierzi la storie di cheste usance che à diviersis sfumaduris e pratichis a seconde dal lûc.
19 min
04 Gen 2024

Daspò misdì dal 04/01/2024 - Il disc "Intervalli di tempo"

"Intervalli del tempo" al è un gnûf disc produsût dut in Friûl e pal plui cun musiciscj furlans. Al met dongje musichis gnovis dal compositôr udinês Alessio Domini, che a dan il titul al album, e une dediche antologjiche al armonicist, rangjadôr e autôr furlan Flocco Fiori. Protagoniscj tant che interpretis: Sebastiano Zorza ae Armoniche, Cristina Nadal al violoncel e il Côr "Natissa" di Aquilee direzût di Luca Bonutti. Interviste a Domini e Bonutti.
18 min
03 Gen 2024

Buinore dal 03/01/2024 - La viabilitât transfrontaliere di Pas di Mont di Crôs

La assemblee dai sindics de Comunitât di mont de Cjargne e à domandât, cuntun ordin dal dì, di ripristinâ ae svelte la viabilitât transfrontaliere de ss 52 bis di Pas di Mont di Crôs che e je daûr a causâ al teritori dams grâfs sul front turistic, industriâl, comerciâl e ocupazionâl. OSPIT: Ermes Di Crignis, president de Comunitât di mont de Cjargne.
11 min
03 Gen 2024

Daspò misdì dal 03/01/2024 - L'isola infelice di Aldevis Tibaldi

Il gnûf libri di Aldevis Tibaldi, za dirigjent dal Studi Gjeotecnic Talian e daspò dal Istitût pe Ricostruzion Industriâl, si intitule "L'isola infelice" e al trate di storie resinte de Regjon Friûl-Vignesie Julie in cont di politiche ambientâl a stret contat cu la economie e la politiche. Un libri consistent publicât di bande de KappaVu edizions che al fronte, daûr di une grande documentazion, liendis une vore impuartantis in fat soredut di salût, dal teritori e dai siei abitants. Interviste al autôr.
19 min
02 Gen 2024

Buinore dal 02/01/2024 - Innovalp 2023 di Cramars

Ae mont al covente un cambi di mentalitât e di visuâl par podê mudâ pas, ralentâ il dispopolament e acelerâ il disvilup. Lu sugjerìs il lavôr visionari curât di Cramars traviers Innovalp 2023. I risultâts dal percors anuâl di inovazion sociâl a son stâts metûts adun intun Cuader des esperiencis. OSPITS: Annalisa Bonfiglioli, vicepresidente di Cramars - Maurizio Ionico, fondadôr di Innovalp.tv e aministradôr unic de imprese sociâl Melius.
11 min
02 Gen 2024

Daspò misdì dal 02/01/2024 - "Snait" radio

"Snait" al è il non de prime web radio in lenghe furlane, la "Radio che nus môf" come che e sot titule cheste gnove realtât. Nassude di pôc di une idee di Alex Michieli che al à une grande esperience tal mont de comunicazion vie etere, "Snait" che al vûl dî vîf, svelt, si propon come un canâl che al veicole informazions in marilenghe cence volê jessi masse istituzionâl, pluitost diret e sclet, come il so non. Interviste al so fondadôr.
18 min
29 Dic 2023

Buinore dal 29/12/2023 - Un seminari a Udin cul grup di lavôr di zovins residents in Europe

Esperiencis di lavôr a timp tal forest tant che oportunitât di cressite professionâl e personâl. Di chest si è fevelât tal cors di un seminari a Udin cul grup di lavôr di zovins residents in Europe costituît dal Ent Friûl tal Mont e di altris associazions di coregjonâi tal forest. OSPIT: Loris Basso, president Ent Friûl tal Mont
11 min
29 Dic 2023

Daspò misdì dal 29/12/2023 - Presepi FVG - la tradizion che e cjape forme

A son plui di doi mil e cinccent i presepis che si puedin visitâ ator pal Friûl-Vignesie Julie, des monts a la plane, al mâr. Si intitule "Presepi FVG - la tradizion che e cjape forme", une iniziative ae 20° edizion e che e à un bon sucès di visitadôrs, cence dismenteâ lis iniziativis pes scuelis cul concors dedicât. Interviste al president Valter Pezzarini dal ent promotôr, il Comitât Regjonâl Pro Loco FVG.
19 min
28 Dic 2023

Buinore dal 28/12/2023 - La gnove edizion de "Agenda Friulana"

Un viaç te identitât e tal Friûl, te lenghe e te culture dal teritori. Lu fâs la gnove edizion de "Agenda Friulana", publicade di Chiandetti editore, che e met adun lis storiis di 11 furlanis e furlans che si son afermâts fûr dai confins de Patrie. OSPIT: Luigi Chiandetti, editôr
11 min
28 Dic 2023

Daspò misdì dal 28/12/2023 - La FVG Orchestra

La FVG Orchestra e sta par sierâ un an plen di sodisfazions cun tancj concierts in Friûl-Vignesie Julie, in Italie e tal forest. A sierâ une stagjon une vore fortunade a son i doi concierts finâi dal 2023: vuê ai 28 di Dicembar cul "Gran Galà dell'Operetta e del Musical" al Rossetti di Triest e chel dai 30 di Dicembar tal Teatri L. Bratuž di Gurize pal conciert de fin dal an de stagjon conciertistiche Elena Lipizer. Interviste a Mia Fiorencis, dentri de segretarie organizative de FVG Orchestra.
18 min
27 Dic 2023

Buinore dal 27/12/2023 - La tanaie demografiche dal FVJ

No mole la tanaie demografiche che e sta parsore dal Friûl Vignesie Julie. Lu confermin i dâts dal Istat. E pal futûr, daûr des previsions dai demografs, la regjon e varà tancj mancul abitants, plui anzians, par efiet de spiete di vite slungjade e dal câl des nassitis. OSPIT: Alessio Fornasin, docent di demografie te Universitât dal Friûl
11 min
27 Dic 2023

Daspò misdì dal 27/12/2023 - Il gnûf album dai Bakan

Bakan al è un grup musicâl furlan nassût tal 1994 che al è daûr a presentâ il cuart disc de lôr produzion. Il titul al è ancjemò di decidi e in forme esclusive a fasin un omaç a Radio Rai dal Friûl- Vignesie Julie fasint scoltâ un dai tocs di cheste gnove racuelte. Un disc che nol tradìs il so stîl di assendence eletriche, cun tescj une vore sclets e interessants. Interviste a un dai socis fondadôrs dai Bakan, Renzo Brollo.
19 min
22 Dic 2023

Buinore dal 22/12/2023 - Un sportel par contrastâ la violence economiche

Un sportel par contrastâ la violence economiche, une des formis plui insidiosis e cidinis de violence di gjenar che e impedìs aes feminis di jessi indipendentis dal pont di viste economic. Lu vierzaran a Udin il Movimento Donne Impresa e la Associazion "Iotunoivoi Donne Insieme".
11 min
22 Dic 2023

Daspò misdì dal 22/12/2023 - L'ultin conciert par chest an de Accademie d'Archi Arrigoni

L'ultin conciert par chest an de Accademie d'Archi Arrigoni di San Vît dal Tiliment, une formazion zovine plene di talents zovins, al è in program pe fin dal an e si intitule "Scintille con brio", ai 31 di Dicembar tal Auditorium Zotti. Une biele ocasion par fâ fieste adun par un an plen di sucès e screâ un altri che si spere che al sedi ancjetant positîf. Interviste al diretôr artistic Domenico Mason.
18 min
21 Dic 2023

Buinore dal 21/12/2023 - Il PriMo2023

Il PriMo2023, il vin produsût in alte montagne de aziende di Roberto Baldovin e che si fâs de vît Solaris, al à otignût la prestigjose certificazion "Residuo Zero" ven a stâi al è un vin cence fitofarmacs. Il prin in Italie.
11 min
21 Dic 2023

Daspò misdì dal 21/12/2023 - I pividôrs furlans

E je une grande tournée furlane chê che i pividôrs furlans, cjapitanâts di Alessandro Tammelleo e di Giovanni Floreani, a stan fasint ator par dut il Friûl. Une cuarantine e passe di incuintris, concierts, esibizions, tes placis, tes corts, tes scuelis e in altris ambients, daûr des formazions musicâls plui variis par pandi ancje cu la musiche il spirt dal Nadâl. Interviste ai doi musiciscj e organizadôrs de biele iniziative.
19 min
20 Dic 2023

Buinore dal 20/12/2023 - Il Calendari storic de Arme dai Carabinîrs pal 2024

Il leam cu lis comunitâts al è il fîl condutôr dal Calendari storic de Arme dai Carabinîrs pal 2024. Tes 12 contis dal calendari, diviersis par epoche storiche, ambientazion e fats contâts si cjatin la vicinance, la capacitât di contat e di scolte, lis atenzions aes dibisugnis des personis.
11 min
20 Dic 2023

Daspò misdì dal 20/12/2023 - La imprese culturâl Simularte

La imprese culturâl e creative furlane Simularte e à ricevût di pôc un premi impuartant di bande de Cjamare di Cumierç di Pordenon - Udin, ven a stâi il "Premi Imprese Ambient Culture", ben meretât pe varietât e pal valôr des iniziativis interessadis a pandi musiche, art, cure e valorizazion dal ambient. Di chest premi e dai prossims events o cjacarìn cul zovin president Federico Mansutti.
18 min
19 Dic 2023

Buinore dal 19/12/2023 - Cun "I Numaruts" e "Sul Troi des Contis - videoflabis furlanis"

Cun "I Numaruts" (un carton animât de BBC dopleât par furlan) e "Sul Troi des Contis - videoflabis furlanis" (novitât realizade in Friûl), la Agjenzie regjonâl pe lenghe furlane e insiore la ufierte ludiche e educative dedicade a frutis e fruts. OSPITS: William Cisilino, diretôr de Agjenzie regjonâl pe lenghe furlane
11 min
19 Dic 2023

Daspò misdì dal 19/12/2023 - La mostre "Tal spieli de ere Kennedy"

Si intitule "Tal spieli de ere Kennedy" la mostre che e sarà vierte fin ai 6 di Jugn dal 2024 tal Cjistiel di Glemone, dedicade ai sessante agns dal atentât a John Fitzgerard Kennedy che al cjape dentri dute une epoche di fats e di personaçs une vore impuartants almancul dai ultins cincuante agns. No dome une mostre uniche, ma ancje une rassegne cinematografiche in graciis de colaborazion de Cineteche dal Friûl. Interviste ae assessore ae culture di Glemone Flavia Virilli
18 min
18 Dic 2023

Buinore dal 18/12/2023 - La vuide "Oltre il sentiero"

34 itineraris par svicinâsi al alpinisim in Friûl-Vignesie Julie che a ufrissin une oportunitât uniche par esplorâ la bielece des monts di chenti. Ju met adun la vuide "Oltre il sentiero", un lavôr nassût de idee di 4 autôrs, indreçât a escursioniscj esperts che a vuelin misurâsi cun jessudis plui impegnativis.
11 min
18 Dic 2023

Daspò misdì dal 18/12/2023 - Il Museo Cjargnel des Arts Popolârs Michele Gortani di Tumieç

Il Museo Cjargnel des Arts Popolârs Michele Gortani di Tumieç al finìs sessante agns e a son tancj i lavôrs e lis iniziativis che si à realizât o che si stan realizant par dâ valôr a Palaç Cjampeis, li che si cjate une des plui grandis colezions di bens etnografics de Europe. Di ce che si è fat e di ce che si fasarà, o vin il plasê di cjacarâ cu la presidente Aurelia Bubisutti, tra tradizion e futûr.
18 min
15 Dic 2023

Buinore dal 15/12/2023 - Il Lunari 2024 de Societât filologjiche furlane

Si vistìs di rosis il Lunari 2024 de Societât filologjiche furlane. Une galarie fotografiche siore di flôrs che a cressin in regjon, 14 speciis selezionadis tra lis 3500 sù par jù che a cressin sul teritori, imortaladis tes fotos di Serena Chiapolino e descritis tes schedis botanichis di Alberto Candolini. OSPITS: Dani Pagnucco, curadôr dal Lunari e Alberto Candolini, biolic e vuide naturalistiche
11 min
15 Dic 2023

Daspò misdì dal 15/12/2023 - L'insiemi vocâl furlan "The NuVoices Project"

L'insiemi vocâl furlan "The NuVoices Project" al siere i festegjaments dai siei vincj agns di ativitât cuntune serie di concierts in grant stîl, in colaborazion cu la FVG Orchestra, di vuê ai 15, fin ai 20 di Dicembar, par cuatri datis di musiche di ordin vari par dute la Regjon. Oparis presentadis daûr dai rangjaments dal diretôr artistic, musicist e compositôr Rudy Fantin che o vin intervistât. Nus conte di cheste biele aventure furlane che ju puarte a jessi cognossûts a nivel internazionâl.
18 min
14 Dic 2023

Buinore dal 14/12/2023 - I 20 agns di vite de Corale Gioconda

E à fat di pôc 20 agns di vite la Corale Gioconda, il côr fat di malâts di Parkinson e dai lôr familiârs, nassût li dal Istitût Gervasutta di Udin tant che ativitât riabilitative e ricreative buine di miorâ la cualitât di vite des personis. OSPIT: Americo Ovan, president Corale Gioconda
12 min
14 Dic 2023

Daspò misdì dal 14/12/2023 - Il progjet "Vox Humana" di Elsa Martin

La cjantante e compositore Elsa Martin nus presente il progjet "Vox Humana" in viste dal conciert di sabide ai 17 di Dicembar tal Teatri Plinio Clabassi di Sedean. Si trate di une performance indulà che lis diviersis pussibilitâts de vôs, intes plui variis acezions, si cumbinin cu la peraule poetiche e il live electronics. Une ocasion par cjacarâ cun Martin ancje di altris siei progjets e di diviersis colaborazions passadis e futuris.
18 min
13 Dic 2023

Buinore dal 13/12/2023 - Il progjet "Unitât produtive itiche" de Confcooperative FVJ

Coltivâ il mâr cu la pescje sostignibile. Finint di poiâ 64 struturis artificiâls sot aghe, al larc di Lignan, si è sierade la part plui impegnative dal progjet "Unitât produtive itiche" fat di Confcooperative FVJ, par dâ un futûr ae pescje artesanâl. OSPIT: Giovanni Dean, Confcooperative FedAgriPesca FVJ
11 min
13 Dic 2023

Daspò misdì dal 13/12/2023 - "Advent Pur" a Malborghet Valbrune

"Advent Pur" al è un dai apontaments plui sugjestîfs dal Invier in Friûl-Vignesie Julie. Si fâs a Malborghet Valbrune e al presente diviersis ocasions par discuvierzi la nature incontaminade dal lûc, intune fantasie di events che a clamin al Nadâl, ai trois dal Avent, inte magjie dai boscs di Valbrune. Programs pensâts par fruts, fameis, par ducj, intune atmosfere che al è come cjatâsi intun vêr presepi. Interviste ae assessore al sport e aes politichis sociâls Marisa Piussi.
18 min
12 Dic 2023

Buinore dal 12/12/2023 - Il Museu de civiltât dal vin dal Friûl-Vignesie Julie

Plui di 3.500 tocs, tra imprescj, documents e testemoneancis par contâ la storie dal vin e di un teritori puartât pe viticulture. A costituissin la racuelte dal rinovât Museu de civiltât dal vin dal Friûl-Vignesie Julie, screât di resint intes salis di Vile di Toppo Florio a Buri. OSPITS: Mauro Pascolini, president de Comission pe gjestion dal Museu de civiltât dal vin dal Friûl-Vignesie Julie e Tiziano Venturini, assessôr al Turisim e aes Citâts dal vin dal Comun di Buri
11 min
12 Dic 2023

Daspò misdì dal 12/12/2023 - "Feminis Furlanis Fuartis" di Erika Adami

Une gnove publicazion pal sfuei mensîl furlan indipendent "La Patrie dal Friûl". Si trate di "Feminis Furlanis Fuartis" scrit di Erika Adami che al vignarà presentât miercus ai 13 di Dicembar tal Salon di onôr di Palaç Belgrât a Udin. Un libri une vore interessant che al ten dentri 25 storiis di feminis furlanis dal dì di vuê, contadis in variis declinazions daûr di une scriture apassionante in forme di croniche, antologjie de rubriche curade de gjornaliste pe riviste furlane. Interviste al diretôr Walter Tomada.
18 min
11 Dic 2023

Buinore dal 11/12/2023 - I intervents dal Consorzi di bonifiche planure furlane

Si sbassin dal 20 par cent lis boletis dai contadins pe irigazion, dovût al Consorzi di bonifiche planure furlane, che e furnìs al teritori gnûfs servizis. No dome irigazion e difese idrauliche, ma ancje produzion di energjie eletriche di font rinovabile, bonifichis ambientâls di sîts incuinâts, ativitât di dragament. OSPIT: Rosanna Clocchiatti, presidente Consorzi di bonifiche planure furlane
12 min
11 Dic 2023

Daspò misdì dal 11/12/2023 - Il documentari "SUNS Europe 2023"

Al va in onde martars ai 12 di Dicembar aes 21.20, in repliche vinars ai 15 ae stesse ore sul canâl 810 dal digjitâl terestri, Tv par furlan di Rai 3 Bis, "SUNS Europe 2023" realizât dal regjist e autôr Marco D'Agostini. Un documentari che al ten dentri intervistis e esibizions dai ospits internazionâi in ocasion dal festival des lenghis minorizadis di chest an. Interviste a D'Agostini, a Stefano Montello, tant che part dai Mitili, FLK ospits de rassegne, e a Claudia Ferigo, colaboradore dal festival "SUNS Europe".
19 min
07 Dic 2023

Buinore dal 07/12/2023 - I 25 agns dal sît Unesco di Aquilee

Dai 5 ai 7 di Dicembar une cunvigne impuartante e celebrarà i 25 agns dal sît Unesco di Aquilee: une ocasion par fâ il pont de situazion, tiessi colaborazions gnovis e elaborâ progjets pal futûr. Fondamentâls a saran lis ocasions di confront te otiche di un percors comun bande "GO!2025".OSPIT: Roberto Corciulo, president Fondazione Aquileia
11 min
07 Dic 2023

Daspò misdì dal 07/12/2023 - Il Strolic Furlan publicât de Societât Filologjiche Furlane

Al torne ogni an, e simpri diferent, il Strolic Furlan publicât de Societât Filologjiche Furlane che al tocje cu la gnove anade la edizion numar 105. Un lunari complet cun dentri fotografiis, dissens e scrits dedicât cheste volte al mont dai siums e dai flôrs, cun tancj autôrs che a àn scrit biei pinsîrs intes varietâts dai lôr paîs di nassite. Interviste al strolic, autôr e poete Dani Pagnucco.
18 min
07 Dic 2023

Buinore dal 06/12/2023 - La Agjenzie regjonâl pe protezion ambientâl dal Friûl Vignesie Julie

Nissun ecosisteme al è par so cont, ducj a son leâts. Di chi la impuartance di confrontâ dal pont di viste climatic teritoris diferents, ancje par analizâ lis azions puartadis indevant par frontâ il clime che al cambie. Al è chel che e à fat la Agjenzie regjonâl pe protezion ambientâl dal Friûl-Vignesie Julie intune cunvigne a Triest. OSPIT: Fulvio Stel, diretôr tecnic sientific Arpa dal Friûl Vignesie Julie
11 min
06 Dic 2023

Daspò misdì dal 06/12/2023 - Il conciert "I suns de nestre tiere"

"I suns de nestre tiere" al è un conciert ae otave edizion che al met dongje corâls diviersis de Regjon e une orchestre, par un program musicâl ogni volte diferent indulà che a vegnin valorizâts i compositôrs vecjos e gnûfs dal Friûl. La date dal apontament e je sabide ai 9 di Dicembar inte glesie di Sante Marie de Purificazion a Cjampfuarmit. Interviste al diretôr artistic de Corâl San Cancian, Nicola Rossi.
17 min
05 Dic 2023

Buinore dal 05/12/2023 - Eros Cisilino riconfermât ae presidence de ARLeF

Al è stât riconfermât ae presidence de Agjenzie regjonâl pe lenghe furlane. Eros Cisilino, a tacâ di chel che al è stât fat fin cumò de ARLeF pe tutele dal furlan, al cjale al doman pensant di consolidâ ativitâts che vuê a son fondamentâls, chês indreçadis aes gjenerazions zovinis. OSPIT: Eros Cisilino, president ARLeF
11 min
05 Dic 2023

Daspò misdì dal 05/12/2023 - Il concierton "Let the music play"

Al torne, une vore spietât, "Let the music play", il concierton dedicât ae musiche dai agns '70 ai '90 dut dal vîf cu la grande orchestre Ceghedaccio, sabide ai 9 di Dicembar tal Teatri Gnûf Giovanni da Udine. Inte stesse zornade, a Tumieç, al torne "Spettacolo solidale" tal Teatri Candoni cuntun spetacul origjinâl di e cun Angelo Floramo e Nicole Coceancig intitulât "Cjargnelas". Interviste ai doi organizadôrs: Renato Pontoni pal prin, Lieta Dell'Oste dai Lions club di Tumieç pal secont.
19 min
04 Dic 2023

Buinore dal 04/12/2023 - La Zornade internazionâl dai Miedis pal ambient

La lote cuintri de resistence antibiotiche e je stade il pont centrâl de Zornade internazionâl dai Miedis pal ambient, la associazion che dal 1990 e fâs une ativitât impuartante di formazion e informazion sul rapuart tra ambient e salût, ancje in Friûl-Vignesie Julie cu la sô sezion regjonâl. OSPIT: Mario Canciani, president Associazion Miedis pal ambient sezion Friûl-Vignesie Julie
12 min
04 Dic 2023

Daspò misdì dal 04/12/2023 - "Rivoluzion di cjarte"

"Rivoluzion di cjarte", cussì si intitule l'apontament de zornade Regjonâl di formazion di "Cressi Leint", "Crescere Leggendo", une iniziative ae edizion numar tredis che, dopo un prin apontament tal mês di Novembar a Triest, al organize un secont a Udin, miercus ai 6 di Dicembar al Teatri Palamostre, cun diviers ospits. La impuartance de leture par piçui, grancj e fameis e ven spiegade ben in cheste interviste a Tomâs Sione de associazion Damatrà.
18 min
01 Dic 2023

Buinore dal 01/12/2023 - Il Centri di scolte e consulence des feminis di Tavagnà

Acet e supuart a cui che si cjate intune situazion di dificoltât o al patìs violence: al è chel che al ufrìs di 25 agns il Centri di scolte e consulence des feminis di Tavagnà. Un travuart ricuardât cun diviers apontaments che si sieraran cuntune cunvigne ai 4 di Dicembar dulà che si metaran a confront esperiencis su la violence di gjenar. OSPIT: Ornella Comuzzo, Assessore ae paritât om e femine dal Comun di Tavagnà.
11 min
01 Dic 2023

Daspò misdì dal 01/12/2023 - L'USCI FVG

L'USCI FVG, sedi a stai l'Union des societâts corâls dal Friûl Vignesie Julie, e je une preseade raltât che a ten dongje di 40 e passe gns las plui diviersis entitâts corâls de Regjion, plui chês dai circui culturai de Slovenie, tignint dongje in sostance dutis lis realtâts etnichis cuturâls dal cjant in tal nestri teritori. Ai presente il gnûf festival, dal 1 al 3 di Dicembar, dal titul "Così è germinato questo fiore". Interviste al responsabil culturâl Pier Filippo Rendina.
18 min
30 Nov 2023

Buinore dal 30/11/2023 - Il prin incuintri dal Ordin dai fisioterapiscj dal Friûl Vignesie Julie

Si è tignût a Tavagnà il prin incuintri dal Ordin dai fisioterapiscj dal Friûl Vignesie Julie, che si è costituît di resint ricognossint la autonomie a une profession che, dal 2018, e jere dentri di un Ordin "condomini" adun cun tantis altris professions sanitariis. 1600 i iscrits. OSPIT: Simone Milocco, conseîr dal Ordin dai fisioterapiscj dal Friûl-Vignesie Julie.
11 min
30 Nov 2023

Daspò misdì dal 30/11/2023 - L'associazion "I Amîs de armoniche dal Friûl Vignesie Julie"

I Amîs de armoniche dal Friûl Vignesie Julie e je une associazion cun centenârs di passionâts dal strument a soflet. A son tantissimes lis ativitâts, tra concierts, manifestazions, gjemelagjios, azions tal cjamp de socialitât e dal volontariât, che e fasin dilunc dut l'an, puartant tante ligrie e pandint l'amôr par la musiche di tradizion. Interviste al president e musicist Luigino Squalizza.
19 min
29 Nov 2023

Buinore dal 29/11/2023 - Normis plui severis par cui che al trufe o al imbroie i anzians

Normis plui severis par cui che al trufe o al imbroie i anzians, fin a 6 agns di preson, e multis fin a 3 mil euros. Il dissen di leç fat bon dal Consei dai ministris al cjape sù i pinsîrs e lis istancis de Anap Confartigianato Fvg, di simpri in prime linie par tutelâ i anzians. OSPIT: Pierino Chiandussi, president di Anap Confartigianato Fvg.
11 min
29 Nov 2023

Daspò misdì dal 29/11/2023 - Il libri di fotografiis "Meraviglie friulane" di Roberto Meroi

Roberto Meroi al ven di presentâ il so ultim libri di fotografiis dal titul "Meraviglie friulane". Une meraveose galerie di scats, cun tancj biei tescj di vêr interès par une panoramiche plene di bielecis e di significâts dentri e atòr dut il Friûl. Edit di De Bastiani, nin a cognossi chest tesaur, insiemi a une interviste a l'autor ae cognossince dai siei tancj lavôrs e des sôs tantis passions.
19 min
28 Nov 2023

Buinore dal 28/11/2023 - Il cors di tai e cusît de Cooperative sociâl Karpόs

Judâ lis feminis a superâ lis dificoltâts e l'isolament sociâl cuntun cors di tai e cusît. Lu à inmaneât la Cooperative sociâl Karpόs traviers dal so Ridoprìn Lab, laboratori al feminin che al recupare tiessûts e ogjets a Tor di Pordenon. OSPITE: Paola Marano, presidente de Cooperative sociâl Karpόs .
11 min
28 Nov 2023

Daspò misdì dal 28/11/2023 - I 25 agns de disparide di Celso Macor

Propite vuê a colin i 25 agns de disparide di Celso Macor (1925 - 1998), poete, scritôr, dramaturc, sagjist, letrât, nassût a Vierse di Romans dal Lusinç e muart a Gurize. Largje la so produzion e tantis lis sôs publicazions, al è stât ancje un grant apasionât di montagne, espert alpinist. Une riscuvierte de so figure di omp e di inteletuâl la si pues gjoldi in cheste interviste ae ospite de pontade, la gnece Barbara Macor.
19 min
27 Nov 2023

Buinore dal 27/11/2023 - La mancjade aprovazion de traduzion dal Messâl par furlan

La mancjade aprovazion de traduzion dal Messâl par furlan de bande de assemblee dai vescui talians e à jevât la reazion de comunitât, dal mont culturâl e des istituzions, determinâts a cjatâ une soluzion par che il popul furlan, dopo vê spietât agnorums, al puedi viodi ricognossût il dirit di doprâ la sô lenghe ancje tes celebrazions liturgjichis. OSPITS: Federico Vicario, president de Societât Filologjiche Furlane – Duilio Corgnali, president de Comission diocesane pe traduzion dai libris liturgjics.
11 min
27 Nov 2023

Daspò misdì dal 27/11/2023 - "Stin dongje a La Patrie": l'iniziative da La Patrie dal Friûl

"Stin dongje a La Patrie" e je l'iniziative che e torne ae sô seconde edizion e che si tignarà Joibe ai 30 di Novembar aes 20.30 al Teatri San Zorz di Udin cun tune schirie di ospits, scritôrs, musiciscj artiscj amîs dal mensîl furlan indipendent La Patrie dal Friûl. Tante int par dâ simpri plui fuarce a cheste riviste che e je ancje une cjase editore. Interviste al president de clape di culture La Patrie dal Friûl Dree Valcic e al colaboradôr e storic Diego Navarria.
18 min
21 Nov 2023

Buinore dal 23/11/2023 - Il progjet "Cjape sù un imprest"

L'Ecomuseu des Aghis dal Glemonàs al à promovût il progjet "Cjape sù un imprest", un concors sostignût de Regjon e indreçât aes scuelis primariis e secondariis di prin grât. L'obietîf al è chel di ufrî la oportunitât di tornâ a scuvierzi il patrimoni e i savês de civiltât rurâl dal Nûfcent.
12 min
21 Nov 2023

Daspò misdì dal 23/11/2023 - Organi e tradizioni organarie nel Friuli Venezia Giulia

E va indenant benon la imprese enciclopediche di catalogâ ducj i struments a canis, i orghins di dute la regjon Friûl-Vignesie Julie, une iniziative che e cjape il titul: "Organi e tradizioni organarie nel Friuli Venezia Giulia". Une golaine di studis e publicazions une vore impuartante promovude e puartade indevant cuntun fuart lavôr di scuadre dal Côr Polifonic di Rude.
19 min
21 Nov 2023

Buinore dal 22/11/2023 - HR Nexus

Al è tant Friûl in "HR Nexus", la prime fiere internazionâl dedicade ai servizis aziendâi che si fâs dal dut intal "metaverso" e e cambie, duncje, il mût che lis impresis si metin in relazion, a interagjissin e a cressin.
11 min
21 Nov 2023

Daspò misdì dal 22/11/2023 - Une cunvigne che e intint celebrâ i 150 agns dai "Saçs Ladins"

Inte cjase native di Graziadio Isaia Ascoli, sede gurizane de Societât Filologiche Furlane, joibe ai 23 e vinars ai 24 di Novembar e je in program une cunvigne impuartante che e intint celebrâ i 150 agns de publicazion dai "Saçs Ladins", une opere che e à screât l'Archivi Glotologjic Talian. Une doi dîs impuartante di riflession e confront su lis lenghis definidis "ladinis".
19 min
21 Nov 2023

Buinore dal 21/11/2023 - Il Socors alpin regjonâl

A son 350 lis feminis e i oms dal Socors alpin regjonâl, la organizazion di volontaris leade al Club alpino italiano impegnade a socori lis personis in dificoltât, ma ancje inte prevenzion, cirint di difondi une culture de sigurece. Cumò il cuarp si prepare al Invier.
12 min
21 Nov 2023

Daspò misdì dal 21/11/2023 - Il concors di composizion "La Gnove Musiche"

Il concors di composizion "La Gnove Musiche" organizât de Orchestre di zovins Filarmonici Friulani e à tributât i vincidôrs de tierce edizion. A son il canadês Simon Rivet e il triestin Marco Battigelli, il prin vincidôr de sezion orchestre e il secont de sezion par rangjaments dedicâts ai otons. Un contest impuartant par valorizâ la musiche contemporanie e la creativitât di zovins compositôrs.
18 min
20 Nov 2023

Buinore dal 20/11/2023 - I 50 agns de muart di Tiziano Tessitori

A 50 agns de muart di Tiziano Tessitori, l'Istitût Ladin Furlan Pre Checo Placerean e il Comun di Sedean a àn ricuardât la figure dal politic furlan plui rapresentatîf dal Nûfcent, pari de Regjon Friûl. A lui a son stâts dedicâts doi libris scrits di Gianfranco Ellero.
11 min
20 Nov 2023

Daspò misdì dal 20/11/2023 - Guide all'ascolto

E je in cors la seconde edizion dal laboratori "Guide all'ascolto" curât de cjantante e regjiste teatrâl Sonia Dorigo, une propueste di svicinament ae opare liriche che e conte tancj apontaments fin ai 20 di Fevrâr. Al è vivarôs ancje il program dal mês di Novembar. Diviers a son i Comuns che a dan acet ae iniziative e tra chescj Buri, fuart di une programazion culturâl in continue cressite.
19 min
15 Nov 2023

Buinore dal 17/11/2023 - Grandi verticali des Citâts dal vin dal Friûl-Vignesie Julie

E sarà la Vile di Toppo Florio a Buri a dâ acet ae prossime tape des "Grandi verticali" des Citâts dal vin dal Friûl-Vignesie Julie: un viaç sensoriâl, condusût di Matteo Bellotto, che al contarà la evoluzion e i progjets des cantinis dal teritori dilunc des diviersis anadis.
11 min
15 Nov 2023

Daspò misdì dal 17/11/2023 - I cent agns de nassite di Giulio Piccini

Chest an a colin i cent agns de nassite di Giulio Piccini, artist e artesan furlan tant stimât intal cjamp de sculture e de art gjeometriche e astrate, fuart di une maniere di fâ oparis dute sô. Cul artist poliedric Giorgio Valentinuzzi che al à lavorât cun lui par diviers timp, o lin a cognossi chest mestri dal Friûl innomenât ancje di là dai confins regjonâi. Une maniere par cognossi miôr ancje l'ospit di cheste pontade cuntune vision dai siei ultins lavôrs.
18 min
15 Nov 2023

Buinore dal 16/11/2023 - Una giornata straordinaria per i calzini spaiati

Al è in librarie di pôcs dîs, e al sarà presentât ai 17 di Novembar a Udin, il volum ilustrât "Una giornata straordinaria per i calzini spaiati", publicât di Mondadori: une storie di amicizie, inclusion e rispiet de proprie unicitât scrite di cinc amiis de Associazion FriulClaun, tra chestis la ideadore de Zornade dai cjalcins scompagnâts.
11 min
15 Nov 2023

Daspò misdì dal 16/11/2023 - Una vita spesa per la legalità

E je in cors la edizion numar 13 di "Una vita spesa per la legalità", rassegne promovude di bande de "Associazione per la Costituzione" di San Denêl che si impegne a pandi la cognossince de Cjarte Costituzionâl Taliane midiant diviersis azions culturâls e di promozion sociâl. Tacât ai 3 di Novembar, il festival al larà indevant fint ai 19 di Zenâr par 4 apontaments ducj tal Auditorium La Fratta aes 20.45 cun ospits impuartants dal mont sportîf.
18 min
15 Nov 2023

Buinore dal 15/11/2023 - Il progjet di ricercje "Sos kiwi"

Cjatâ gnovis soluzions buinis par contrastâ la "murie dal kiwi", la malatie che di passe dîs agns e je daûr a meti in zenoglon dute la filiere in Italie. Al è chel che si propon di fâ il progjet di ricercje talian "Sos kiwi" coordenât de Universitât dal Friûl.
11 min
15 Nov 2023

Daspò misdì dal 15/11/2023 - Epicentrico

La associazion culturâl "Brat" di Porpêt, tra lis tantis azions culturâls in ambit artistic, e puarte indenant la rassegne teatrâl "Epicentrico" che dilunc dal Atom al propon spetacui par ducj, piçui e grancj, metint in rêt diviersis realtâts teritoriâls dal Friûl ocidentâl. Une viodude di insiemi ancje ai laboratoris che a proponin dilunc dal an ancje aes scuelis, cence dismenteâ lis propuestis pe cognossince slargjade dal mont de sene.
17 min
14 Nov 2023

Buinore dal 14/11/2023 - Il progjet "Leadership al futuro"

Un percors formatîf inovatîf pes feminis zovinis, par che a cjapin cussience des lôr capacitâts e par rinfuarçâlis, par che a puedin deventâ protagonistis ativis inte comunitât. Al è l'obietîf dal progjet "Leadership al futuro" che al sarà inviât ai 15 di Novembar tal Istitût "Malignani" di Udin.
12 min
14 Nov 2023

Daspò misdì dal 14/11/2023 - Come l'acqua de' fiumi

"Come l'acqua de' fiumi" al è un festival musicâl organizât dal Istitût Fano di Spilimberc che al ten dentri ancje une scuele di musiche e une orchestre filarmoniche. A son doi i concierts pronts par lâ in sene tal Teatri Miot, il prin tra musiche e cabaret cul titul "Abilitata", cun Giovanna Pezzetta, Leo Virgili e Giuliana Musso, il secont cul titul "ZoOrchestra" cuntun program musicâl dedicât al mont animâl, cu la FVG Orchestra direzude di Vito Clemente.
19 min
13 Nov 2023

Buinore dal 13/11/2023 - La gnove edizion di "Maturità è"

Lis sfidis frontadis dai zovins a son stadis il pont centrâl de gnove edizion di "Maturità è", l'event inmaneât de Associazion furlane donadôrs di sanc provinciâl di Udin, che al à cjapât dentri un miâr di students dal ultin an des scuelis superiôrs de citât.
11 min
13 Nov 2023

Daspò misdì dal 13/11/2023 - Festival Teatrale Castello di Gorizia - premio Francesco Macedonio

Al fâs 33 agns il "Festival Teatrale Castello di Gorizia - premio Francesco Macedonio", organizât dal Coletîf Terzo Teatro, une manifestazion slargjade tra l'Atom e l'Invier par events de sene teatrâl e ancje musicâl. Un festival che al intint ancje compagnâ il public viers "Go! 2025 - Gurize e Nova Gorica capitâl europeane de culture".
19 min
10 Nov 2023

Buinore dal 10/11/2023 - la fieste de pitine IGP di Tramonç Disore

E torne a Tramonç Disore la fieste in onôr de pitine IGP, prin presidi Slow Food dal Friûl-Vignesie Julie, la polpete di cjar fumade e speziade, nassude par conservâ la cjar intai mês autunâi e invernâi, intes zonis puaris. Ospit: Filippo Bier.
11 min
10 Nov 2023

Daspò misdì dal 10/11/2023 - "Il percors blu" de associazion "Acchiappapensieri" di Dimpeç

"Il percors blu al torne a scomençâ" al è il titul dal progjet proponût de zovine associazion di Dimpeç "Acchiappapensieri" che pe seconde edizion e à avanzât ideis concretis par rivitalizâ lis borgadis dal paîs cu la partecipazion di tancj zovins midiant de piture. Vuidâts de artiste esperte Giulia Serafin, a cjâf de associazion, a àn piturât i lûcs plui scûrs donant tante lûs e vivarositât. Un focus al è risiervât ancje a lis ativitâts passadis e chês in cantîr.
19 min
09 Nov 2023

Buinore dal 09/11/2023 - Il progjet "Scuele de mont" de Universitât dal Friûl

Dodis cors intensîfs a gratis a Barcis, cun lezions, laboratoris e visitis didatichis su tematichis che a rivuardin il teritori di mont. L'obietîf al è sostignî, traviers de formazion, il disvilup de aree des Dolomitis Furlanis. Al è chel che al previôt il progjet "Scuele de mont" de Universitât dal Friûl. Ospit: prof Mauro Pascolini Uniud.
11 min
09 Nov 2023

Daspò misdì dal 09/11/2023 - La 44e edizion dal Premi San Simon di Codroip

La 44e edizion dal Premi San Simon di Codroip e je stade une fieste pe leterature in lenghe furlane, adun cu la Fiere che e à vût tante presince di int dentri dai siei tancj apontaments, gastronomics, culturâi, conviviâi, ricreatîfs. Cuntune atenzion risiervade al Premi, la pontade e ospite la assessore ae culture, istruzion e associazions culturâls Silvia Polo, la critiche e gjornaliste Martina Delpiccolo e il vincidôr de sezion traduzions dedicade a un test di Sergio Maldini, Gianluca Franco.
20 min
08 Nov 2023

Buinore dal 08/11/2023 - L'Ort di comunitât di Ruvigne

Svegrâ, recuperâ e cjapâsi cure di un teren abandonât, trasformantlu intun spazi vert acessibil a ducj. Al è sucedût a Viluce di Ruvigne dulà che, in graciis dal impegn e de poie di tantis e di tancj, al è stât screât l'Ort di comunitât. Ospite: Maria Tersa Bortoluzzi.
11 min
08 Nov 2023

Daspò misdì dal 08/11/2023 - I Concierts di San Martin in Cjargne

"I Concierts di San Martin in Cjargne" e son l'unice rassegne concertistiche ative in tal Alt Friûl dentri dal atom, une manifestazion che e puarte musiciscj di levadure internazionâl in diviers comuns, dongje di ecelenzis regjionâls: Tumieç, Paulâr, Davâr, Çurçuvint. Ae sô 21° edizion, la manifestazion e si tegnarà dai 10 di novembar ai 17 di dicembar, orgnizade di bande de associazion "I Amîs de Mozartine" di Paulâr. Interviste al president Matteo Macoratti.
19 min
07 Nov 2023

Buinore dal 07/11/2023 - I 40 agns di costituzion de Associazion regjonâl tra lis Pro Loco

La Associazion regjonâl tra lis Pro Loco e à celebrât i siei 40 agns di costituzion cuntun event a Glemone – li che al è nassût il sodalizi – che al è stât ancje la ocasion par resonâ su lis prospetivis futuris dal moviment. Ospit: Walter Pezzarini, President Pro Loco F-VJ
11 min
06 Nov 2023

Daspò misdì dal 07/11/2023 - La seconde edizion dal "Cjamin di San Martin in Cjargne"

Seconde edizion dal "Cjamin di San Martin in Cjargne" che si davuelzarà fin ai 9 di Dicembar tocjant siet glesiis cjargnelis dedicadis al Sant par siet tapis di percori cjaminant. Spiritualitât, nature e culture a son lis peraulis clâf di cheste iniziative che e tocje la seconde edizion e che e je simpri plui seguide di bande dai pelegrins. Interviste ai curadôrs dal grup Carnia Greeters: il president Paolo Querini e la sostenidore Fides Banelli.
19 min
06 Nov 2023

Buinore dal 06/11/2023 - La rigjenerazion teritoriâl

La rigjenerazion teritoriâl e rapresente un grant procès di economie circolâr dulà che il teritori intal so insiemi al devente risorse rinovabile. La tesi e je stade al centri di une riflession a plui vôs inmaneade de Universitât dal Friûl. Ospit: Sandro Fabbro, UNIUD
11 min
06 Nov 2023

Daspò misdì dal 06/11/2023 - La associazion "Amîs de Orloiarie Pesarine"

La associazion "Amîs de Orloiarie Pesarine" e ven di presentâ lis gnovis progjetualitâts di une ativitât intense di divulgazion leade ae dite costrutore di orlois Fratelli Solari, antighe famee de Val Pesarine cumò cognossude in dut il mont. La pontade e je dedicade ae cunvigne a Pierie di Prât di Cjargne cul titul "Sincronizazion dal timp e inzegnarie di precision" e e anticipe lis prossimis azions divulgativis de associazion. Interviste ae presidente Rosa Maria Solari e al curadôr sientific Alceo Solari.
19 min
03 Nov 2023

Buinore dal 03/11/2023 - Il zûc dai scacs

Il zûc dai scacs al è simpri plui slargjât, ancje in gracie de azion positive che a son daûr a fâ lis scuelis, sburtant la pratiche di chest sport che al domande logjiche, capacitât di calcul, concentrazion e, clâr, passion. A son dutis particolaritâts che si dîs dispès che no son dai zovins e dai fantacins che, dut câs, cun cheste passion a smontin une convinzion falade, dimostrant di vê interès par cjavai e cavalîrs. Cheste ativitât e je stade metude dentri tes ufiertis formativis di tantis scuelis, di Palme a Tarcint, di Sante Marie la Lungje a S. Pieri dai Sclavons e ancje in cualchi istitût di Udin. Ospit: Davide Ciani, president dal Comitât regjonâl Scacs.
11 min
03 Nov 2023

Daspò misdì dal 03/11/2023 - "Hrudja" di Massimo Silverio

"Hrudja", antenât langobart de peraule "grusa", al indiche par furlan la croste che si fâs cuant che si siere une feride. Su la onde di cheste sugjestion, Massimo Silverio al à componût il so disc di esordi dal titul omonim, che al unìs cjant popolâr, musiche moderne e poesie, e al ven fûr ae fin di Novembar.
18 min
02 Nov 2023

Buinore dal 02/11/2023 - Il progjet de Associazion des fameis di diabetics

Inviât za cuasi un an indaûr, tal Dicembar dal 2022, il progjet de Associazion des fameis di diabetics par vê un sportel informatîf il plui dongje pussibil dai malâts e des personis a risi, al va indenant di corse, tant che si è rivâts a vierzi a Gonârs, chê altre dì, l'otâf sportel. Cuasi un al mês, se si conte ancje l'Istât. Un numar impuartant, sostignût dai Comuns che a àn aderît al progjet e dal Consultori diabetologjic regjonâl e dai Dipartiments diabetologjics dai ospedâi di Palme e di Tisane. Chei altris ponts informatîfs a son vierts a San Zorç dal Noiâr, Tor di Zuin, Rivignan, Teôr, Bagnarie e Talmassons. Ospit: Roberto Rosso de Associazion fameis di diabetics.
11 min
02 Nov 2023

Daspò misdì dal 02/11/2023 - L'aplicazion "Flics: memoriis di esplorâ"

"Flics: memoriis di esplorâ" e je une aplicazion par telefonuts in 30 storiis che e cjape il turist inte esplorazion di Sudri e dal so teritori, contadis dai siei abitants. Inte seconde part de trasmission o fevelarìn dal prin cors di scacs in lenghe furlane, inviât intes scuelis di Buie.
19 min
31 Ott 2023

Buinore dal 31/10/2023 - La Comunitât Piergiorgio di Cjanive di Tumieç

O destinarìn ce che nus è stât dât, ven a stâi 2 mil euros, par favorî ativitâts e percors peâts ae mont. E je cheste la decision che la Comunitât Piergiorgio di Cjanive di Tumieç e à cjapât ricevint la donazion fate in ocasion de «Zornade de motosee», un apontament dulà che 12 artiscj a àn realizât ancjetantis oparis doprant i lens che a son stâts tirâts jù de tampieste Vaia sul Çoncolan tal 2018. Il centri de Comunitât Piergiorgio a Cjanive al da acet in forme continue a dîs personis disabilis e a altris dilunc de zornade. Il rapuart cul teritori dulà che la Comunitât e je insediade al è une vore fuart. Ospite: Claudia Marcuzzi, referente de Comunitât.
11 min
31 Ott 2023

Daspò misdì dal 31/10/2023 - Il documentari "Territorio e folclore"

Si intitule "Territorio e folclore" il documentari che al presente ducj i grups folcloristics de regjon e lis zonis gjeografichis di divignince, intune logjiche di sinergjie tra culture e turisim. Promotore de operazion e je la Union grups folcloristics dal Friûl-Vignesie Julie.
18 min
30 Ott 2023

Buinore dal 30/10/2023 - Cooperazion e feminis

Cooperazion e feminis a son une cubie fuarte in Friûl-Vignesie Julie, come che al dimostre il 59 par cent de presince feminine tes realtâts associadis a Confcooperative F-VJ. Cheste percentuâl, però, si ridûs almancul de metât se si contin lis feminis che a son rivadis insom de piramide sociâl: dome il 28 par cent. Al è tacant di cheste realtât che la Comission dirigjents e je ative cun oportunitâts di formazion par creâ figuris di responsabii al feminin. No conventin dome competencis tecnichis, ma ancje carateristichis che a rivuardin la autostime e la cussience di rivâ a puartâ indenant il compit.
11 min
30 Ott 2023

Daspò misdì dal 30/10/2023 - "I cani della pioggia" di Tullio Avoledo

"I cani della pioggia", publicât di Marsilio, al è il gnûf romanç di Tullio Avoledo. Il scritôr furlan al è tornât in librarie cuntun altri noir ambientât cheste volte inte Ucraine in vuere cu la Russie, simpri al confin tra distopie e realisim, e cun doi protagoniscj fûr dai schemis e plens di risorsis.
19 min
23 Ott 2023

Buinore dal 27/10/2023 - Analfabetisim digjitâl

Si à pôre de inteligjence artificiâl, ma intant in Italie l'analfabetisim digjitâl al è grant a pet dal rest de Europe. Al è il furlan Massimo Cacitti, un dai massims esperts mondiâi in fat di sigurece informatiche, a clamâ la atenzion su chest aspiet che al è vignût fûr dal rapuart Desi che la Comission europeane e fâs dal 2014 par viodi il stât di digjitalizazion de economie e de societât. La Italie e je te posizion numar 18 su 27 e il probleme al è leât soredut al capitâl uman formât. Ancje l'ûs di Internet de bande dai citadins par chel che al tocje la fruizion dai servizis publics al à di miorâ.
12 min
23 Ott 2023

Daspò misdì dal 27/10/2023 - Lâ par vilis e cjistiei dal Friûl-Vignesie Julie tra nature e culture

Intes fins di setemane tra Otubar e Novembar al è pussibil visitâ cjistiei e vilis, acompagnâts dai lôr proprietaris, in gracie de iniziative "Lâ par vilis e cjistiei dal Friûl-Vignesie Julie tra nature e culture". Ae visite e je imbinade une cjaminade a pît o in biciclete, cun vuidis naturalistichis o cicloturistichis.
18 min
23 Ott 2023

Buinore dal 26/10/2023 - Il miluç furlan

Une anade buine, par vie che lis culturis dai miluçârs furlans a son dutis cuviertis cu lis rêts e, duncje, aiar e tampieste no fasin grancj dams. Chest an pal maltimp e je lade strucje un 2 par cent de coltivazion, no tante robe, in sumis. Se la racuelte e je buine, al reste significatîf ancje l'interès dai marcjâts pal miluç furlan: ancje in chei forescj al va benon. Fintremai tes tieris dulà che cumò e je la vuere, come in Israêl, che nol à ridot la domande. Pai coltivadôrs, al reste dut câs il probleme di cemût frontâ i mudaments climatics.
11 min
23 Ott 2023

Daspò misdì dal 26/10/2023 - Anutis

Laura Giavon, Juliana Azevedo, Caterina De Biaggio e Alba Nacinovich a son lis componentis dal progjet internazionâl "Anutis" che al è nassût l'Istât passât in gracie dal incuintri speciâl cun Giovanna Marini. E je jê a vê vuidât lis cuatri cjantantis ae scuvierte de sô musiche e de tradizion popolâr taliane.
15 min
23 Ott 2023

Buinore dal 25/10/2023 - «Artesanât: tornâ al doman», la assemblee anuâl de CNA F-VJ

Mancjance di lavorents, formazion di int foreste, salari minim e sigurece: a son chescj i temis di fonde dal artesanât vignûts fûr in ocasion de assemblee anuâl de Cna F-VJ che e à tant che titul: «Artesanât: tornâ al doman». Une sperance che lis gnovis gjenerazions che si preparin a jentrâ tal mont dal lavôr, ma ancje chei che a àn di tornâ a scomençâ, a cjalin cun interès a chest mont, par vie che «i artesans a son di simpri int che e cjale al gnûf par curiositât e capacitât di ricercje», al à dit il president regjonâl Maurizio Meletti.
11 min
23 Ott 2023

Daspò misdì dal 25/10/2023 - Fabrizio Pitton al è il gnûf president dal Ent regjonâl teatrâl

Fabrizio Pitton al è il gnûf president dal Ent regjonâl teatrâl dal Friûl-Vignesie Julie. Une realtât di impuartance straordenarie stant che cu lis sôs ativitâts e contribuìs ae creazion di une sensibilitât bande il teatri e ae cressite culturâl dal teritori.
18 min
23 Ott 2023

Buinore dal 24/10/2023 - Il Parc des Prealps Juliis

Il Parc des Prealps Juliis in Friûl e chel dal Triglav in Slovenie a àn depositât la candidature par jessi ricognossûts de Unesco tant che Risierve de Biosfere transfrontaliere des Alps Juliis. Dilunc di chescj mês, tancj sogjets dal teritori e che a son za in contat cul Parc si son fats indevant par sostignî cheste idee e di fat a son rivadis 82 letaris di adesion. Intant a son stâts cjapâts sù ancje 49 progjets che a saran metûts in vore tai prossims mês cun plui colaborazions.
11 min
23 Ott 2023

Daspò misdì dal 24/10/2023 - Sclavanie

"Sclavanie" al è il titul dal progjet fotografic ideât di Davide Degano par contâ une tiere, la Sclavanie furlane, che si è di man in man spopolade, ma là che a resistin tradizions e culture. Lis fotografiis a son metudis adun tune mostre tal Museu furlan de fotografie a Udin che si pues visitâ fin ai 11 di Fevrâr.
18 min
23 Ott 2023

Buinore dal 23/10/2023 - La tape furlane dal Zîr di Italie dal 2024

Chest an une tape di dificoltât medie, a pet di chê tant dure dal an passât. Dut câs e sarà bielone, par vie che e travierse il Friûl, de Basse fintremai lis monts, di Mortean a Sapade, par 156 chilometris. Apontament ai 24 di Mai, sul finî dal Zîr, che si sierarà ai 26 di Mai. A son chestis lis carateristichis de tape furlane dal Zîr di Italie dal 2024, che al è rivât ae edizion numar 107: un incuintri cu la regjon che aromai nol pues mancjâ, La machine de organizazion e je bielzà inviade e juste in chescj dîs al è za stât fat il prin incuintri cui sindics dai Comuns che a saran traviersâts dal Zîr.
11 min
23 Ott 2023

Daspò misdì dal 23/10/2023 - Un libro lungo un giorno

Vinars ai 27 di Otubar in dut il Friûl-Vignesie Julie al torne "Un libro lungo un giorno", la maratone di leture partecipade promovude dal progjet regjonâl "Leggiamo 0-18". La iniziative, rivade ae decime edizion, e je un invît a ducj a fâ e condividi un moment di leture in cualsisedi lûc de regjon.
19 min
23 Ott 2023

Buinore dal 20/10/2023 - I cantîrs de transizion ecologjiche di Legambiente

Il Friûl-Vignesie Julie al è protagonist de decarbonizazion de filiere dal veri taliane: lu à metût a clâr Legambiente cu la sô iniziative «I cantîrs de transizion ecologjiche», che e je rivade chê altre dì tal stabiliment di O-I a Vilote di Cjons, tal pordenonês. Li, in gracie de tecnologjie inovative pe produzion di contignidôrs a alte eficience, il consum di energjie si è ridot di plui dal 38% e lis emissions a son stadis taiadis dal 80 par cent. Un travuart impuartant pe industrie dal veri che e consume ogni an 1,1 miliarts di metris cubis di gas, sù par jù il 2 par cent dai consums nazionâi.
11 min
23 Ott 2023

Daspò misdì dal 20/10/2023 - Friûl al vûl dî paîs

A un an de muart, la Societât filologjiche furlane e il Circul culturâl laurenzian di Buie a àn ricuardât bons. Gian Carlo Menis cu la publicazion di un volum dal titul "Friûl al vûl dî paîs", che al met dongje trente agns di scrits dal storic e inteletuâl furlan pal periodic "Buje pore nuje!".
18 min
23 Ott 2023

Buinore dal 19/10/2023 - Il prin sportel par judâ a creâ une comunitât energjetiche

A son trê lis Comunitâts energjetichis bielzà ativis in Friûl-Vignesie Julie; chê de Comunitât culinâr, une a San Vît dal Tiliment e une a Voleson. Tantis altris a podaran nassi in non de autonomie energjetiche tant sostignude tai mês passâts par vie dal grant aument des boletis de lûs e dal gas. Ma par meti in pîts chestis comunitâts il troi al è avonde dificil e lis leçs a son daûr a evolvisi. Ve parcè che al è impuartant che a Udin al vedi viert un prin sportel par judâ lis impresis e i privâts che a àn chê di creâ une comunitât energjetiche.
11 min
23 Ott 2023

Daspò misdì dal 19/10/2023 - Come un soffio

"Come un soffio" al è il titul dal gnûf album dal coro "Vôs de mont", diret dal mestri Marco Maiero. Al sarà presentât ai 21 di Otubar intal domo di Tresesin. Cu la gnove racuelte la formazion e continue il so percors singolâr intal mont de coralitât.
18 min
23 Ott 2023

Buinore dal 18/10/2023 - La Aclif, la Assemblee de Comunitât linguistiche furlane

La Aclif, la Assemblee de Comunitât linguistiche furlane, cul gnûf president Daniele Sergon, elet in Jugn, e je daûr a preparâ lis ativitâts pe Sierade. Tra lis novitâts, al sarà un apontament cun dutis lis minorancis dal Friûl-Vignesie Julie, par riafermâ la necessitât di jessi unîts, no cate la diversitât, par fâ sintî simpri a fuart la proprie vôs. La Assemblee, che vuê e conte 141 Comuns dulà che si fevele furlan, e je nassude tal 2015 tant che un consorzi pensât pe valorizazion de unitât teritoriâl, sociâl e economiche de comunitât linguistiche furlane, slovene e todescje.
12 min
23 Ott 2023

Daspò misdì dal 18/10/2023 - Udine Filosofia 2023

Al è timp fin ai 27 di Otubar par concori al Premi Udine Filosofia 2023 inte sezion zovins. La iniziative, ideade e promovude dal Festival Mimesis – Territori delle idee, e je une oportunitât par filosofs zovins e pensadôrs di mancul di 35 agns di condividi lis lôr ideis e visions dal mont.
19 min
23 Ott 2023

Buinore dal 17/10/2023 - La gnove struture pe formazion dai lavoradôrs a Codroip

La sigurece sul puest di vore al è un dovê di ducj: sedi pai lavoradôrs, che a àn di vê la atenzion massime, sedi pai parons, che a àn di garantî lûcs sigûrs, Al è vêr, però, che si impare fasint e che si alenisi tai compuartaments in sigurece. Al è par chest che la gnove struture pe formazion dai lavoradôrs, vierte a Codroip te aree artesanâl par iniziative di Friuli Anticendi e Percorso Sicurezza, e à une grande impuartance. E je une palestre di 400 metris cuadris tra lis plui furnidis di Italie par imparâ, tra l'altri, a lavorâ par aiar, tes cistiernis e a studâ i fûcs tal sierât e tal viert.
12 min
23 Ott 2023

Daspò misdì dal 17/10/2023 - LeggerMente

"LeggerMente" e rive ae vincjesime edizion. Un travuart impuartant che al vignarà celebrât cu la publicazion di un volum curât di Paolo Patui, ideadôr e animadôr de rassegne che ancje chest an e puartarà a S. Denêl personaçs cognossûts dal mont de culture, dal spetacul e dal sport.
18 min
23 Ott 2023

Buinore dal 16/10/2023 - I prins 25 agns dal Regjistri dai tumôrs in Friûl-Vignesie Julie

I prins 25 agns dal Regjistri dai tumôrs in Friûl-Vignesie Julie a presentin sedi aspiets positîfs che negatîfs. Metût dongje dal Cro di Davian, il progjet al è stât presentât tai dîs passâts. Intun cuart di secul, lis percentuâls di sorevivence a cinc agns de diagnosi a son aumentadis par ducj i tumôrs regjistrâts: si è passâts dal 55,8% al 67,5% pes feminis e dal 46,9% al 61,3% pai oms. Intant, in chescj agns e je cressude la azion di prevenzion e informazion, come chê puartade indenant de Lilt, la Lee taliane pe lote cuintri i tumôrs, che tra Otubar e Novembar e inmanee 13 apontaments pe campagne «Curdele colôr di rose».
11 min
23 Ott 2023

Daspò misdì dal 16/10/2023 - La ufierte didatiche dal Comun di Udin

Un calendari cun 122 iniziativis dilunc dal an scolastic. E je la ufierte didatiche dal Comun di Udin: une propueste siore di laboratoris e incuintris cun percors di caratar culturâl e sociâl a disposizion des classis udinesis di dutis lis fassis di etât: des scuelutis aes scuelis superiôrs.
17 min
09 Ott 2023

Buinore dal 13/10/2023 - Pensionâts in vuaite in Friûl-Vignesie Julie

Pensionâts in vuaite in Friûl-Vignesie Julie pe ipotesi che il Guvier al puedi ridusi la fonde par calcolâ la rivalutazion des pensions. I pensionâts artesans a àn za fat i lôr conts e a àn stimât che dome par lôr l'impat al podarès rivâ a cirche 18 milions di introits mancjâts tal 2024, cuntun efiet che al durarà tal timp. Sabide stade, i pensionâts si son dâts dongje a Rome, cun plui di cent associazions par protestâ cuintri des ipotesis proponudis dal Guvier pe prossime Finanziarie. In doi agns, la inflazion e à taiât dal 20% il podê di spindi.
12 min
09 Ott 2023

Daspò misdì dal 13/10/2023 - La gnove stagjon dal Teatri Stabil Furlan

Cul conciert "Lis feminis di Pieri Pauli Pasolini" si vierç sabide ai 14 di Otubar, tal Teatri Gnûf Zuan di Udin, la gnove stagjon dal Teatri Stabil Furlan, che e viodarà ancje la colaborazion cuntune altre minorance linguistiche europeane, chê frisone. In calendari, fin ai 10 di Març, siet spetacui.
18 min
09 Ott 2023

Buinore dal 12/10/2023 - Il gnûf sfrantoi par produsi vueli di ulive

Al è jentrât in plene vore il gnûf sfrantoi, un grum inovatîf, par produsi vueli di ulive. Metût sù a Martignà dal Consorzi produtôr di vueli Evo dal Friûl -Vignesie Julie, cuntune spese di 1,8 milions e di chescj 1,4 milions invistîts de Regjon, al intint creâ ator dal implant un cicli di economie circolâr par doprâ dutis lis parts de ulive e tornâ a doprâ i scarts de lavorazion pe produzion dal vueli. In regjon a son 600 etars coltivazion dal ulîf cuntune cressite di 20,30 etars ogni an.
12 min
09 Ott 2023

Daspò misdì dal 12/10/2023 - Il Congrès numar 100 de Societât Filologjiche Furlane

Domenie ai 15 di Otubar la Societât Filologjiche Furlane si cjate a Montreâl pal Congrès sociâl numar 100 de sô storie. L'apontament tradizionâl al rapresente une oportunitât par cognossi miôr il Friûl, ancje traviers de presentazion dal "Numar unic" su la localitât che i da acet, e al è acompagnât di tantis iniziativis: spetacui teatrâi, presentazions di libris e mostris.
19 min
09 Ott 2023

Buinore dal 11/10/2023 - Carnia paradiso della mountain bike

«Biciclete e teritori a son une robe serie». E je cheste la idee di fonde, madressude te scune de associazion Carnia Bike, dal apontament che si è davuelt tai dîs passâts in Cjargne e dedicât a «Carnia paradiso della mountain bike». Lu àn ispirât realtâts gjeografichis avonde similis che in pôcs agns, midiant de biciclete, a àn rindût i teritoris une vore atratîfs e a àn fat nassi passe mil puescj par durmî, prenotâts za di cumò fintremai tal 2027. Al è il câs, par esempli, di Gaiole in Chianti, dulà che tal 1997 e je nassude «l'Eroica», une corse in biciclete di grande fadie.
11 min
09 Ott 2023

Daspò misdì dal 11/10/2023 - Suns Europe

Produzions artistichis intes lenghis minorizadis di Europe. Lis puarte in Friûl il festival "Suns Europe" che al propon une serie di events par dut il mês di Otubar. Nol pues mancjâ il grant conciert tal Teatri Gnûf Zuan di Udin cun artiscj che chest an a rivaran di Isulis Feroe, Catalogne, Paîs Basc, Basse Sassonie, Gales e Friûl.
18 min
09 Ott 2023

Buinore dal 10/10/2023 - Il Cern che avventura

Il Cern di Ginevre non è dome il plui grant laborati al mont di fisiche des particelis, ma ancje il lûc dulà che si pues divertissi e vivi grandis aventuris. Lu san benon il gjat Schrody e chei altris personaçs che a compagnin i letôrs intun viaç ae scuvierte de fisiche des particelis tal libri «Il Cern che avventura», che al è jessût prin par inglês e al è dedicât a dutis i fruts dai 6 ai 12 agns che a son incuriosîts des sciencis e dai misteris dal cîl. A scrivilu e je stade la furlane Letizia Diamante, che di mistîr a pant il mont des sciencis in forme che ducj a sei in grât di capîlu e di passionâsi.
12 min
09 Ott 2023

Daspò misdì dal 10/10/2023 - Codroip e à celebrât di resint Nicola Benois e Disma De Cecco

Codroip e à celebrât di resint, cun doi events speciâi, doi artiscj di nomee internazionâl leâts a strent, par nassite e adozion, ae citât che, a lôr, e à titulât il Teatri comunâl. A son il pitôr e senograf rus Nicola Benois, diretôr des preparazions senichis dal Teatri alla Scala di Milan dal 1937 al 1971, e la sopran Disma De Cecco, che e à lavorât ancje cun Maria Callas.
19 min
09 Ott 2023

Buinore dal 09/10/2023 - L'Ufici minôrs Division anticrimin de Cuesture di Udin

In regjon e in province di Udin il prin contat cu la droghe e ven in prime medie, tal sens che e je a che etât che e rive la prime ufierte dai spaçadôrs. Savê di di no al vûl dî vê bielzà une fuarte preparazion e cussience, madressude tra famee, scueele e cun intervent di prevenzion ancje des fuarcis dal ordin. Come che al fâs l'Ufici minôrs Division anticrimin de Cuesture di Udin. Un sogjet che al ties leamps cu lis scuelis e lis fameis par cirî che i damps no si fasin e, sore il dut che al interven fintremai dal asilo par creâ trois di responsabilizazion e cjonçâ sul nassi bulisim di persone e in linee.
11 min
09 Ott 2023

Daspò misdì dal 09/10/2023 - Il 60° aniversari de tragjedie dal Vaiont

I ricuarts di sorevivûts e socoridôrs de tragjedie dal Vaiont a son stâts metuts dongje di Claudia Alberti che e à fat un rindicont siôr di emozions su chê pagjine dolorose de storie resinte, che vuê e cole il 60° aniversari. A contâ il Vaiont a saran ancje i students di Pordenon, Montreâl, Claut, Puint intes Alps e Longaron, protagoniscj di un progjet didatic su la memorie, par cure di Cinemazero.
18 min
02 Ott 2023

Buinore dal 06/10/2023 - Il Dipartiment di Siencis Juridichis de Universitât dal Friûl

A cressin i zovins che a decidin di iscrivisi a Jurisprudence a Udin e chest cors di studis al sta cressint te classifiche dal Censis, che si fâs ogni an tal biel mieç dal Istât par dâ mût a chei che a saltin fûr des superiôrs di sielzi dulà studiâ. Il Dipartiment di Siencis Juridichis al è direzût de professore Elena D'Orlando e, in plui ai students che a van su di numar, chest an al à slargjât la sô ufierte formative, cuntune lauree magjistrâl dedicade a «Citadinance, istituzions e politiche europeane», une specializazion che e je cuasi uniche tal Nordest. Cualis sono lis azions che a àn puartât a cheste incressite e a cheste inovazion?
12 min
07 Ott 2023

Daspò misdì dal 06/10/2023 - Une cunvigne par celebrâ Erasmo di Voleson

Une cunvigne, ai 7 di Otubar a Udin, e celebre, intai 500 agns de nassite, il scritôr furlan plui significatîf dal Rinassiment, Erasmo di Voleson. E je inmaneade di Itineraria che, ai 15 di Otubar, e puartarà i visitadôrs ae scuvierte des vilis storichis plui bielis de regjon.
18 min
02 Ott 2023

Buinore dal 05/10/2023 - Une oportunitât di lavôr ai dissendents dai emigrants furlans in Argjentine

A mancjin lavoradôrs in Friûl-Vignesie Julie, lis impresis a fasin tante dificoltât a cjatâ int e tecnics che a coventin e la curve demografiche e peiore la cundizion dal mont dal lavôr. Aromai, di ogni bande lis impresis a domandin une imigrazion regolâr di tecnics o di personis che a sedin a disposizion par une formazion specifiche. Ma lis decisions dal guvier no rivin, o no in chê forme che e sarès necessarie, soredut in cont dai numars. Cussì cualchi aziende si è organizade di bessole, pensant di ufrî une oportunitât di lavôr ai dissendents dai emigrants furlans che a son in Argjentine. Al è il câs de Danieli.
12 min
07 Ott 2023

Daspò misdì dal 05/10/2023 - Lis iniziativis des Pro loco di Tierç e di Val di Sofumberc

Moments di incuintri, di cognossince di autôrs e di lûcs, di promozion dal teritori e des sôs tradizions. A Tierç e a Val di Sofumberc il mês di Otubar al è une vore vivarôs in graciis des Pro loco locâls e dai lôr volontaris, che a inmanein une vore di iniziativis.
18 min
02 Ott 2023

Buinore dal 04/10/2023 - Carnia Industrial Park

Cent e otante aziendis insedadis e di chestis 7 gnovis dome tal 2023; tantis impresis di tecnologjie; paiaments fats ai furnidôrs tal 2022 che a rivin a 23 milions di euros cuintri dai 13 milions di doi agns prime. E i numars a podaressin continuâ par contâ il Carnia Industrial Park, il Consorzi industriâl cjargnel che, cu lis zonis industriâls di Damâr, Tumieç e Vile Santine "al testemonee la capacitât di creâ risorsis sul teritori locâl e regjonâl", come che a disin il president e il vicepresident dal Consorzi. Cuâl isal il motôr di cheste cressite, biel che tal rest dal mont la economie e à il fren tirât?
11 min
02 Ott 2023

Daspò misdì dal 04/10/2023 - La grande mostre su Tina Modotti

A cent agns des sôs primis fotografiis, fatis intal 1923 in Messic, a Rovigo, fin ai 28 di Zenâr, al è pussibil visitâ une grande mostre su Tina Modotti: 300 imagjins, tantis mai viodudis in Italie, a contin la femine, la artiste, la militante politiche che e continue a inmagâ cu la sô fuarce e potence espressive.
19 min
02 Ott 2023

Buinore dal 03/10/2023 - Il prodot de vendeme 2023

Il prodot de vendeme 2023 al è dal sigûr mancul chest an rispiet ai agns passâts, almancul di un 10-20 par cent, soredut par vie des tantis ploiis che a son vignudis dilunc dai moments impuartants pe cressite de plante de vît e dal rap. La ploie e la umiditât a àn favorît il slargjâsi de Peronospore, un fonc che in regjon si cognòs benon: par solit si fasin 9 trataments, chest an si àn fat ancje 15 trataments, ma i dams a son dut câs tancj. Par dî la veretât, plui su la cuantitât che su la cualitât. Cun dut achel, in cheste stagjon e fasarà la diference il lavôr che i tecnics a fasaran tes cantinis.
12 min
02 Ott 2023

Daspò misdì dal 03/10/2023 - Abicitudine

Sburtâ l'ûs de biciclete par une mobilitât che e rispieti l'ambient, la sigurece e la vivibilitât di dutis e ducj. Al è il prin impegn di Abicitudine, associazion une vore ative intal promovi il cicloturisim e lis escursions in bici. In program pedaladis a Udin e sui cuei di Fare.
19 min
02 Ott 2023

Buinore dal 02/10/2023 - Casa Moderna

Setante voltis Casa Moderna, simpri gnove, plene di ideis, buine di contâ cemût che e cambie la maniere di stâ in cjase e il doman di un dai puescj plui doprâts di ognidun, ven a stâi la cusine, il tinel, la cjamare e vie indevant. E je cheste la muse de fiere dal stâ che si pues visitâ fintremai ai 8 di Otubar ae fiere di Torean di Martignà, dal lunis al vinars des 14.30 a lis 8 di sere, cun ingrès sore nuie e sabide e domenie des 10 di buinore a lis 8 sore sere se la prenotazion e je fate vie internet. Se di no, 3 euros e 50. Cheste fiere e je une bandiere pal sît fieristic di Udin, par vie che e pant ogni an un grum di ideis e modei par rindi biele, tecnologjiche e ben furnide la cjase di ognidun.
12 min
02 Ott 2023

Daspò misdì dal 02/10/2023 - Il Cjamin di S. Cristoful

150 chilometris, a pît, intal Friûl ocidentâl. Un viaç tra storie, nature e art che 7 zovinis e zovins a àn fat dilunc dal Cjamin di S. Cristoful. Une esperience impuartante di cognossince e di socializazion che e je stade contade intun documentari di Roberta Cortella.
17 min
25 Set 2023

Buinore dal 29/09/2023 - Il Giretto d'Italia

Il "Giretto d'Italia" al rapresente une propueste indreçade ai comuns talians, ai managers de mobilitât di ents e impresis, aes associazions e a ducj i citadins interessâts. Il Giretto al è une gare tra citâts cu la intenzion di promovi i moviments cjase - lavôr e cjase - scuele di fâ in biciclete o cun atris mieçs di mobilitât eletriche. E vinçarà la citât che e metarà dongje, tal timp in cuistion, il numar plui grant di moviments. Ancje Udin, ai 20 di Setembar, e à ospitât une tape de manifestazion.
11 min
25 Set 2023

Daspò misdì dal 29/09/2023 - Il libro delle 18.03

Nassude intal Autun dal 2008 cu la idee di costruî une rassegne leterarie in moviment, "Il libro delle 18.03" e je deventade un pont fer par rinfuarçâ il leam tra culture e teritori, un apontament preseât di bande di cui che al ame la culture dal viaç e il viaç inte culture, ma ancje il viaç inte memorie e intai ricuarts. La rassegne e scomençarà il 1n di Otubar a Villa Codelli di Mosse e si sierarà ai 2 di Novembar a Gurize, dopo vê tocjât il cjâf lûc dal Friûl Orientâl, Aquilee, Sagrât, la Istrie e i comuns slovens a cjaval dal confin.
11 min
25 Set 2023

Buinore dal 28/09/2023 - Il grup dai balarins di Udin

Fondât tal 1963 dal mestri Miani, il grup dai balarins di Udin al scomence a fâsi notâ e in tantis ocasions si met dongje dal famôs côr Aquilee di Basilian. Dopo che il mestri al lasse la direzion, lis dôs realtâts si zontin intune uniche entitât. 17 agns plui tart, il grup si separe e di li e scomence la ativitât dai balarins. Midiant di une ricercje costante, il grup al à rafinât i siei costums e i sei bai, tornant a scuvierzi e tornant a puartâ sul palc bai e musichis dal Friûl che a contin lis tradizions e il teritori locâl.
11 min
25 Set 2023

Daspò misdì dal 28/09/2023 - Farmacista Più 2023

Farmacista Più 2023, decime edizion, al è un moment di confront tra i farmaciscj di dute Italie. La cunvigne, che si davuelzarà ai 19 di Otubar a Rome, e sarà une ocasion impuartante par aprofondî i temis plui grancj di atualitât sientifiche e professionâl ma ancje un moment di confront su lis sfidis che nus spietin, a nivel regjonâl, par ce che al rivuarde la nestre salût.
10 min
25 Set 2023

Buinore dal 27/09/2023 - La peste dai purcits

Nissun purcit al jes, ma soredut, al jentre in tai arlevaments de regjon cence il permès dai veterinaris de aziende sanitarie. Al è necessari in pui un preavîs di almancul 48 oris pes bestiis che e rivin de Lombardie, dal Piemont, de Emilie Romagne, dal Venit e de Ligurie. No son situazions ciertis di peste dai purcits in Friûl Vignesie Julie e propite par continuà a no veur la direzion centrâl de salût e met duris misuris di control par difindi la nestre filiere.
11 min
25 Set 2023

Daspò misdì dal 27/09/2023 - La Carta dei principi delle latterie turnarie

L'Ecomuseu des Aghis dal Glemonàs, che di plui di dîs agns al sta puartant indenant un progjet nassût par sostignî e valorizâ lis latariis turnariis, al à butât jù un decalic che si clame "Carta dei principi delle latterie turnarie". A àn aderît trê latariis dal Nord Est de Italie e a son cjapadis dentri ancje cetantis malghis che a operin sul Mont Neri, in Slovenie.
11 min
25 Set 2023

Buinore dal 26/09/2023 - Evil Does Not Exist

Evil Does Not Exist di Ryūsuke Hamaguchi, Grant Premi de jurie a Vignesie 80, al mostre che tornâ a une vite regolade dai ritmis de nature al è pussibil. O sin intal paisut di Mizubiki, dongje di Tokyo. Takumi al vîf li cun sô fie di vot agns, Hana. Al è un om che al trafiche cun ducj i mistîrs te piçule comunitât che si è fate sù. Une comunitât che e à une vite lungje, che e esist de fin de Seconde Vuere Mondiâl. Il film al è distribuît de furlane Tucker.
12 min
25 Set 2023

Daspò misdì dal 26/09/2023 - Prepotto. I racconti dello Schioppettino

Il Comun di Prepot al à inmaneât la tierce edizion di "Prepotto. I racconti dello Schioppettino", concors leterari par contis ineditis ispirât a lis carateristichis dal Sclopetin, un vin unic. Midiant events, cors e presentazions di libris, il concors al à tant che obietîf chel di promovi l'interès intai confronts de culture e de leterature dedicant atenzion a manifestazions e iniziativis finalizadis a promovi il turisim culturâl. Il teme de edizion 2023 al è "Fuorilegge/Fuori legge".
11 min
25 Set 2023

Buinore dal 25/09/2023 - Dispopolament de Cjargne

In dîs agns la Cjargne e à pierdût adiriture 1.604 zovins di 0 a 30 agns di etât. Jenfri chescj 1.020 dai 18 agns in ju. Un dât une vore pesant parcè che al cjale al futûr de zone e al fâs in maniere che si produsedin dai cuintricolps sul sisteme scolastic, lavoratîf, sanitari e dai servizis. E pierdin ducj i comuns pui grues, cun Tumieç denant. Daûr e cjatin Paulâr, Paluce, Davâr. I ponts di dulie si an in te fase di etât jenfri i 0 e i 30 agns, che e varès di sei il futûr de Cjargne.
12 min
25 Set 2023

Daspò misdì dal 25/09/2023 - RadioLim

"RadioLim", cussì si clame il progjet radiofonic realizât dai coleghis de sede regjonâl de Rai Giacomo Plozner e Marco Fornasin. E je une iniziative pensade propit par valorizâ il nestri patrimoni linguistic trilengâl (no par nuie e je state metude adun par furlan, sloven e todesc) midiant de vôs dai fruts des scuelis, dulà che lis contis, lis cjançons e lis storiis regjistradis ju àn fats sintî tant che vêrs condutôrs radiofonics.
10 min
20 Set 2023

Buinore dal 22/09/2023 - Se tu sês bon

"Se tu sês bon" al è il talent show origjinâl nassût in Friûl-Vignesie Julie e dal dut zovin. Dute la organizazion e nas tal 2015 de idee di un grup di fantats e ancjemò vuê la tradizion e va indenant. Ognidun dai concorints che al partecipe a cheste gare al pues esibîsi tal cjamp dulà che al è plui brâf (cjant, bal, teatri e altri), fasint notâ il propri talent denant dal public e de zurie. Par partecipâ nol è nissun limit di etât, ma si scuen superâ la fase des selezions.
11 min
20 Set 2023

Daspò misdì dal 22/09/2023 - Sappamukki

Sapade e siere la stagjon estive cun numars impuartats ma a son une vore, ancje intal mês di Setembar, i events bogns di clamâ dongje turiscj di dute la regjon e no dome. Ai 24 di Setembar e torne, dopo tancj agns di sospension, Sappamukki, la fieste des vacjis che a tornin dai pascs, un event che a spietin in tancj.
18 min
20 Set 2023

Buinore dal 21/09/2023 - La vendeme turistiche

Cjapâ sù la ue e cognossi i segrets des vignis in compagnie di mans usadis a lavorâ come chês dai roncârs. Tra storie e magjie, la vendeme e je il rît che ogni an si fâs tai filârs e al devente une esperience turistiche e didatiche che e insiore la propueste dal Friûl-Vignesie Julie. Promovude di PromoTurismoFVG e dal coordenament regjonâl de associazion nazionâl des Citâts dal vin, la iniziative e à ufiert la ocasion di vendemâ e di passâ cualchi ore o mieze zornade tes vignis dal Cuei e dai Cuei orientâi.
11 min
20 Set 2023

Daspò misdì dal 21/09/2023 - Anìn!

"Anìn!" al è il prin manuâl pensât par compagnâ i arlêfs de scuele primarie a scuvierzi la lenghe furlane, lis particolaritâts dal teritori dal Friûl, de sô storie e de sô culture. Al è un progjet promovût de ARLeF in atuazion dal Plan gjenerâl di politiche linguistiche pe lenghe furlane 2021-2025 de Regjon Autonome Friûl-Vignesie Julie. Al ven donât a ducj i arlêfs des scuelis primariis che i lôr gjenitôrs a àn aderît al insegnament de lenghe furlane tant che previodût de leç 482/99 e de leç regjonâl 29/2007.
19 min
20 Set 2023

Buinore dal 20/09/2023 - Il stât di salût de imprese artesane

Lis impresis artesanis de provincie di Udin, tai prins sîs mês dal 2023, a àn viodût cressi ancjemò il lôr zîr di afârs, ancje se la misure de cressite e risulte intardade rispiet al stes moment di un an indaûr. Stabile la ocupazion e cun di plui si conferme su nivei record la fiducie te proprie imprese che e tocje il 8 par cent suntune scjale di 1 a 10. La fotografie sul stât di salût de imprese artesane in provincie di Udine e je stade scatade de indagjin congjunturâl realizade dal ufici studis di Confartigianato-Imprese di Udin.
11 min
20 Set 2023

Daspò misdì dal 20/09/2023 - Cjar

Fin ai 22 di Otubar, inte Cjase des Esposizions di Dieç si podaran rimirâ plui di 40 oparis, cetantis di artiscj une vore preseâts e altris di autôrs ducj ancjemò di scuvierzi, sul teme de cjar tant che dimension fondamentâl dal nestri jessi. "Il nestri timp cu la cjar nol à un bon rapuart, o la lasse di bande o al à un ategjament di adorazion - al dîs pre Alessio Geretti, il curadôr - e chest parcè che l'om nol capis plui il significât spirituâl". Al è propri chest che la mostre e vûl contâ.
18 min
20 Set 2023

Buinore dal 19/09/2023 - La mostre regjonâl dal miluç di Pantianins

Pantianins, frazion braurose di Merêt di Tombe, e sta definint i ultins aspiets de sô fieste principâl. Il paîs, capitâl dal miluç dal nestri teritori, si prepare par dâ acet come ogni an ae mostre regjonâl dal miluç. Daûr de tradizion, a saran un grum di iniziativis, une biele schirie di events dedicâts a ducj, dai fruts ai zovins e mancul zovins. Cuale saraie la aziende agricule che e vinçarà il premi di produtore dal miluç plui bon?
11 min
20 Set 2023

Daspò misdì dal 19/09/2023 - Il progjet di art internazionâl li de Villa de Claricini Dornpacher

Villa de Claricini Dornpacher, storiche vile dal '600 a Butinins di Muimans, dongje Cividât, e si prepare a ospitâ un progjet di art internazionâl finalizât a trasformâ la vile intun centri artistic e culturâl.
18 min
20 Set 2023

Buinore dal 18/09/2023 - I 20 gnûfs cors regjonâi IFTS

Un mont, chel de formazion, simpri pui dongje des veris domandis dal marcjât dal lavôr, par costruî personalitâts futuris fuartis e inovativis. Al è l'obietîf de Regjon Friûl-Vignesie Julie cun 20 gnûfs cors regjonâi IFTS. I vantaçs dai percors IFTS in Friûl-Vignesie Julie a son un grum. Di une bande, pui dal 50% dai insegnants a vegnin dal mont dal lavôr, di chê altre, i cors a cjapin i stimui des inovazions, des tecnologjiis e dai cambiaments svelts che a influencin une vore di setôrs de societât.
12 min
20 Set 2023

Daspò misdì dal 18/09/2023 - Romans '900 / Lis aventuris di Ane e Vigji

Si clame "Romans '900 - Immagini di vita e di luoghi in una comunità friulana" e al è un libri, par cure di Ivaldi Calligaris, che al conte i events locâi plui impuartants dal secul passât. "Lis aventuris di Ane e Vigji", invezit, al è un libri pai frutins in lenghe furlane, une storie dute locâl scrite de mestre Maria Maddalena Covassi, cui dissens di Ivaldi Caligaris e publicât de associazion culturâl "I Scussons" di Romans dal Lusinç.
18 min
20 Set 2023

Buinore dal 15/09/2023 - La Maratonine di Udin

Si torne a cori pes stradis di Udin cuntune des miezis maratonis talianis che intai agns e à simpri regjistrât prestazions di nivel e di valôr assolût. Baste pensâ che par adiriture cuatri voltis tes garis dai oms si à sierât sot dai 60 minûts (tal 2002, 2007, 2008, 2013) cul record de manifestazion che al è ancjemò dal eritreu Zersenay Tadese (58'59). Pes feminis invezit e je Lornah Kiplagat a vê realizât la prestazion miôr, cul timp di 1h 06'25.
12 min
25 Set 2023

Daspò misdì dal 15/09/2023 - La setime edizion de Scuele di Avost

Si è sierade pôcs dîs indaûr la setime edizion de Scuele di Avost, la scuele estive indreçade ai docents di ducj i grâts e di dut il Friûl, inmaneade de Societât Filologjiche Furlane midiant dal Docuscuele - Centri regjonâl di documentazion ricercje e sperimentazion didatiche pe scuele furlane, cul patrocini de Agjenzie Regjonâl pe Lenghe Furlane, de Universitât dal Friûl e dal Ufici Scolastic Regjonâl. Tantis lis novitâts, a tacâ de sede "torzeone", in adiriture trê puescj diferents: Palaç Mantica a Udin, sede dal Docuscuele e de Societât Filologjiche Furlane e, in graciis dal progjet regjonâl "Saperi al setaccio", ancje il Museu de civiltât contadine di Fare e il Museu etnografic di Fossalte. Viodude la valence turistiche, i incuintris a son stâts vierts ancje a un public interessât a cognossi il teritori.
18 min
20 Set 2023

Buinore dal 14/09/2023 - Cecjis

Cul cjalt – che tai prins dîs di Setembar al è tornât a fâsi sintî –, soredut intal nestri teritori, un pericul seri a son lis cecjis e la Tbe, la meningoencefalite causade de cecje. Fin cumò lis situazions regjistradis in regjon di Tbe a son dome dôs, une al Sante Marie de Misericordie di Udin in cundizions seriis. Cemût fâ par tutelâsi e par prevignî chest gjenar di problemis? La rispueste dal Ordin dai miedis dal Friûl-Vignesie Julie
12 min
25 Set 2023

Daspò misdì dal 14/09/2023 - Mosaico&Mosaici

Intal mês di Lui e je stade screade la edizion 2023 di Mosaico&Mosaici, la esposizion, inmaneade intai spazis de Scuele Mosaiciscj dal Friûl, che e presente il miôr des oparis e dai progjets fats di bande dai arlêfs dilunc dal percors formatîf 2022/2023. L'event, centrâl intal calendari de Scuele, al è aromai un apontament di no pierdi par ducj i apassionâts de art dal mosaic. Fin ai 17 di Setembar, cun di plui, a palaç Frisanco, a Tumieç, si podarà viodi une racuelte significative di oparis musivis de Scuele Mosaiciscj dal Friûl.
18 min
20 Set 2023

Buinore dal 13/09/2023 - La prime vuide pai pediatris di famee

E sarà presentade in anteprime nazionâl miercus ai 13 di Setembar, tal contest de edizion numar 24 di Pordenonelegge, la prime vuide pai pediatris di famee. Une vore spietade in dute Italie par svicinâsi in maniere organiche e documentade al teme di cemût doprâ in maniere sigure e cussiente il digjitâl, cussì influent te vite di ognidun di nô. La publicazion e compagne i pediatris tal lavôr dal studi cun centenârs di fameis che a viodin te lôr ativitât di ogni dì.
11 min
25 Set 2023

Daspò misdì dal 13/09/2023 - Dialoghi

"Dialoghi" al è un barcon viert sul mont de cognossince, de creativitât leterarie e artistiche che al nas de volontât di dâ impuartance e prioritât ae culture tant che une necessitât assolude, un dirit universâl pe incressite complessive dal om e di dute la comunitât, viodûts inte lôr complessitât e diversitât. La culture tant che une cjase dulà che ducj a son libars di jentrâ a gratis.
19 min
20 Set 2023

Buinore dal 12/09/2023 - Nonno Più

50&Più Udin, la associazion dai over 50 che si ripuarte a Confcommercio-Imprese per l'Italia, e promôf pal otâf an il concors "Nonno Più". Al sarà la anteprime de edizion numar 13 de Fieste dai nonos, in program il prossim prin di Otubar tal salon dal Parlament dal cjistiel di Udin. In chê ocasion a saran premiâts i nonos furlans plui bogns, simpatics, gjenerôs, divertents, bogns di dâ afiet tai trê setôrs de economie, dal sport e dal volontariât. Un cuart ricognossiment al sarà speciâl, la sorprese di fin concors.
12 min
25 Set 2023

Daspò misdì dal 12/09/2023 - Aquileia Film Festival

Belanç finâl positîf par Aquileia Film Festival. La archeologjie al cine e à concuistât il public ancje in streaming, batint fintremai il brut timp dal mês di Lui cun 13.371 spetatôrs colegâts di 19 Paîs in direte intes sîs seradis dal festival. I organizadôrs a dan l'apontament a ducj i apassionâts pe edizion 2024 dal Aquileia Film Festival.
18 min
20 Set 2023

Buinore dal 11/09/2023 - La Summer School di LeggiAMO 0-18

Spilimberc e à ospitât la tierce edizion de Summer School di LeggiAMO 0-18, il progjet regjonâl di promozion de leture dedicât ai fruts e ai fantats di 0 a 18 agns. La Summer School, une zornade interie dedicade ae alte formazion e pensade pai operadôrs dal setôr – insegnants, bibliotecaris, educadôrs e aministradôrs publics –, e à metût dongje tal centri storic de "citât dal mosaic" adiriture 180 partecipants che a vegnin di dute la regjon.
12 min
25 Set 2023

Daspò misdì dal 11/09/2023 - Nessuno più canta per strada

Al torne l'apontament cun Pordenonelegge, dai 13 ai 17 di Setembar, cun 334 incuintris in cartelon e 570 protagoniscj talians e forescj. Ospit dal festival al sarà ancje il gjornalist e scritôr Toni Capuozzo, che al presentarà par Biblioteca dell'Immagine "Nessuno più canta per strada" in dialic cun Walter Tomada, ai 16 di Setembar, a lis 21.30, li dal Spazio Gabelli, a Pordenon.
18 min
25 Set 2023

Buinore dal 08/09/2023 - Ricognossi i foncs

Nol è simpri facil ricognossi i foncs che si puedin mangjâ e evitâ chei velenôs, che a puedin fâ dams une vore grancj ae nestre salût. In Europe o vin 50 mil cualitâts di foncs e tantis convinzions che cualchi volte a passin par veretât. Par esempli che chei di colôr blanc e savôr plasevul si puedin mangjâ. No je vere, invezit. Un fonc velenôs al pues imbroiânus propit pal so colôr e pal so bon savôr.
11 min
25 Set 2023

Daspò misdì dal 08/09/2023 - Suns Europe

Pluralisim linguistic e creativitât a saran come simpri i protagoniscj dal Festival des arts in lenghe minoritarie, dulà che int e tieris tant che la Sardegne, il Paîs Basc, la Ocitanie e il Gales si misclicin cui puescj e la art dal Friûl. Suns Europe al è inmaneât de cooperative Informazione Friulana, cul finanziament de ARLeF, de Regjon, dal Comun di Udin e de Fondazion Friuli, cu la colaborazion di cetancj altris sogjets publics e privâts, internazionâi e di chenti.
19 min
25 Set 2023

Buinore dal 07/09/2023 - La vendeme in Friûl-Vignesie Julie

Cemût staie lant la vendeme in Friûl-Vignesie Julie? Lis ploiis fuartis de prime fase dal Istât sono stadis positivis o no? Cui che nol à patît i dams de tampieste, si spiete une buine anade, sedi in tiermins di cualitât che di cuantitât. Ma la ultime peraule vuê e je impussibile di dî: la maturazion definitive des uis e la lôr cjame aromatiche a son peadis a strent cul timp dai prossims dîs.
11 min
25 Set 2023

Daspò misdì dal 07/09/2023 - Il gnûf tesaur de antighe Aquilee

Al è vignût fûr un gnûf tesaur de antighe Aquilee. Desenis e desenis di reperts dal secul tierç prime di Crist a son stâts ripuartâts ae lûs graciis ai carabinîrs dal Nucli Tutele Patrimoni Culturâl di Udin e dal Nucli carabinîrs Subacuis di Gjenue. I militârs, in colaborazion cul Dipartiment di Studis Umanistics e dal Patrimoni Culturâl de Universitât dal Friûl e cu la Sorintendence, a àn prelevât, a 19 metris di profonditât, cetancj manufats cjatâts intune imbarcazion di epoche romane subissade al larc di Grau.
19 min
25 Set 2023

Buinore dal 06/09/2023 - I dams causâts de tampieste tai cjamps di Listize

I contadins di Listize a son in zenoglons, par tancj il pericul di sierâ la ativitât al è daûr dal cjanton. In tancj si son presentâts in Comun cuasi in lagrimis, domandant un jutori concret aes istituzions in chest moment tant dificil. I dams causâts de tampieste aes ativitâts dal setôr, di fat, a son un totâl di desenis di milions di euro. "A coventin intervents concrets in maniere che dut al torni te normalitât, in câs contrari une vore di impresis a podaressin sierâ" al à declarât il sindic dal comun dal Friûl di Mieç, Eddi Pertoldi.
11 min
25 Set 2023

Daspò misdì dal 06/09/2023 - Il Premi San Simon

La citât di Codroip, in colaborazion cu la Agjenzie regjonâl pe lenghe furlane, la Societât Filologjiche Furlane, l'Istitût Ladin Furlan Pre Checo Placerean e l'Ent Friûl tal Mont, e bandìs il concors par assegnâ il Premi leterari in lenghe furlane San Simon 44me edizion, dedicât ae memorie dal inzegnîr Agnul Pitane, par une racuelte di contis e par une traduzion. La premiazion si tignarà sabide ai 28 di Otubar, a Codroip. Te 45me edizion dal Premi San Simon, che si tignarà tal 2024, a saran a concors dôs sezions: il romanç e il fumet.
19 min
25 Set 2023

Buinore dal 05/09/2023 - Vivi e liberi di volare

Pronts par svolâ, tornant a concuistâ la libertât. Domenie ai 3 di Setembar, i esemplârs maraveôs di variûl ospitâts te Risierve naturâl regjonâl dal lâc di Curnin par jessi studiâts a son tornâts parons dal cîl. Si torne duncje a rinovâ l'apontament cun "Vivi e liberi di volare", event plui impuartant de programazion anuâl de Risierve, dulà che a saran presintis plui autoritâts. La Risierve e je un lûc dut di scuvierzi in graciis de unicitât dal progjet risiervât al variûl, che al è il volatil plui socievul de Europe.
12 min
25 Set 2023

Daspò misdì dal 05/09/2023 - Il concors par ricuardâ Andreina e Luigi Ciceri

La Societât Filologjiche Furlane e inmanee, une volte ogni doi agns, il concors par ricuardâ la figure e la opare di Andreina e Luigi Ciceri cun chê di onorâ il lôr lavôr a pro dal studi de storie e des tradizions des comunitâts dal Friûl. Il Premi al è dividût in dôs sezions: scrits (saçs libars, tesis di lauree magjistrâl e di dotorât) e progjets par percors espositîfs.
18 min
25 Set 2023

Buinore dal 04/09/2023 - Gianni Bravo

Gianni Bravo al è stât par cuasi dîs agns il president de Cjamare di Cumierç di Udin, dal 1984 al 1993. Propit tal imprin dal so incaric al à inventât il concet di "Made in Friûl", cuntune marche cu lis trê "F" che a indicavin il sproc "Furlans Fevelait Furlan". Par tant timp al à colaborât cui Fogolârs furlans di dut il mont, otignint sucès e considerazion. Adiriture il gjornâl american New York Times i à dedicât une pagjine. Un personaç rapresentatîf dal deceni dai agns '80, atîf no dome sul front imprenditoriâl.
11 min
25 Set 2023

Daspò misdì dal 04/09/2023 - Il Templut langobart di Cividât

Al è di gnûf pussibil rimirâ il Templut langobart di Cividât. A son stâts ultimâts, di fat, i lavôrs di restaur de struture dal secul otâf, la testemoneance architetoniche de epoche langobarde plui impuartante e miôr conservade in Italie.
18 min