Vai al contenuto principale

Conte che ti conti - Episodi - Tra lis pagjinis e i Sants. Storiis e autôrs dal premi San Simon

Sabato alle 13.42 su Rai Radio 1 a diffusione regionale

Un spazi dedicât dulà podê scoltâ la nestre lenghe, contade, dite o recitade, traviers lis produzions, dispès gnovis, de nestre regjon. Par cure di Arianna Zani

Lista episodi

04 Ott 2024

1. Par stradis lungjis – Alan Brusini

La prime pontade e je dedicade al prin vincidôr dal premi San Simon: Alan Brusini, cul romanç "Par stradis lungjis". Al è un viaç che nus puarte parsore de siele di une moto, a cjalâ il Friûl che si trasforme e che al mude sot dal pês di ducj i mudaments sociâi, economics e politics dal dopovuere e dal Orcolat.
26 min
10 Ott 2024

2. Pre Pitin - Pre Antoni Beline

Pre Antoni Beline al è stât une des figuris plui interessantis ma ancje discomodis dal panorame furlan. Plevan, mestri, scritôr, tradutôr ma soredut sticeboris e om de lenghe sclete, cuntune grande sêt di veretât e libertât. In cheste pontade o podìn vê une cerce dal so stîl e dal so pinsîr cun "Pre Pitin", vincidôr de seconde edizion dal premi San Simon, e "Trilogjie tormentade", premiât intal 1999.
28 min
19 Ott 2024

Madalene, Cronichis di Saveri Sengar e U- - Franco Marchetta

Vincidôr par trê voltis dal premi San Simon, Franco Marchetta al à savoltade la idee di scriture par furlan, vierzint un troi gnûf pe narative te nestre lenghe. Architet di sperimentazions straordenariis, si è impegnât par une dimension gnove dal furlan intun univiers leterari li che autôrs, lenghis e culturis si incrosin e si misclicin, par une gnove Babêl cul cûr ben plantât in Friûl e il cjâf che si slargje su dute Europe. Vie pe pontade o varìn une cerce di "Madalene", "Cronichis di Saveri Sengar" e "U-".
28 min
25 Ott 2024

Gianluca Franco – Il Friûl Pierdût

Vie pai agns, il premi San Simon al à ancje rindût omaç a cualchidun dai autôrs e des oparis de sô tiere, come che al è sucedût pe sezion traduzion, proponude in dôs ocasions e dedicade prime a Ippolito Nievo, cu la novele "Il Varmo" e, plui di resint, intal 2023, cun "Il Friuli perduto" di Sergio Maldini. La version di Gianluca Franco no si contente di voltâ par furlan il test origjinâl, ma i regale gnove forme ae opare di Maldini.
24 min