Vai al contenuto principale

Sportiami -

La Rai del Friuli Venezia Giulia racconta in friulano gli sport praticati dai friulani. La dimensione amatoriale e quella agonistica di alto livello, la preparazione mentale, i diversi metodi di allenamento; e ancora la popolarità delle numerose discipline, l'importanza delle società nel creare comunità ed inclusione, gli atleti più celebri del momento e quelli che hanno fatto la storia. Un programma della sede Rai del Friuli Venezia Giulia, di e con Enrico Turloni, a cura di Marco Fornasin e Giacomo Plozner.

Lista episodi

23 Feb 2024

Sportiami del 24/02/2024

Ultime pontade par cheste stagjon di Sportiami che tache cuntune ospite di nivel mondiâl, o stin cjacarant di Asya Tavano, judoka furlane che setemane stade a Baku in Azerbaijan e à otignût il pass par partecipâ a lis Olimpiadis di chest an a Paris. E se la setemane passade o vin fat un tuf dentri de aghe, vuê o fasìn un svol viers il cîl de nestre biele regjon. O varìn di fat mût di fevelâ cun Mauro Gubiani, istrutôr di svol e membri de associazion "Volo Libero Friuli", che nus contarà de sô passion e di dutis lis sensazions che si provin in alt.
26 min
16 Feb 2024

Sportiami del 17/02/2024

La pontade di vuê nus puartarà su la glace par cognossi un impuartant event che si davuelzarà a Claut, li dal Palaç Alceo Della Valentina, ven a stai la seconde edizion di Dolomia On Ice, une manifestazion dedicade al sgliciâ, che e viodarà tant che protagoniste Carolina Kostner, la regjine di chest sport, adun cun tancj atletis di nivel internazionâl. Te seconde part o fasarìn invezit un tuf, nadant intal element aghe in plui mûts, par viodi cemût che si pues intindi, no dome come socors o salvament, il mistîr dal bagnin. A judânus al sarà Giovanni Ghersina, president de ASD Lifeguard Academy – Hadria nuoto, che nus contarà la so storie di passion, viaçs e dedizion.
20 min
09 Feb 2024

Sportiami del 10/02/2024

In viertidure o larìn a For Disore che tal prossim mês al sarà la capitâl dal schi alpinisim. Su lis sôs pistis, di fat, si davuelzaran dôs impuartantis manifestazions, la Ski Krono Varmost e i campionâts talians. Dutis e dôs lis iniziativis a son inmaneadis de Societât Sportive Fornese. Inte seconde part, tal nestri spazi dedicât al sport come passion, o alçarìn in mût metaforic un cartelin, scuvierzint alc in plui rispiet al mistîr dal arbitri, une sielte par nuie scontade e che e oblee a tirâ fûr ce tante pazience e ustinazion. Cun nô, Nicol Puntel, miôr arbitri dal 2024, e Fabio Gardelli che, vint tacât a 14 agns, al è stât ricognossût come arbitri plui zovin di Italie.
19 min
02 Feb 2024

Sportiami del 03/02/2024

Cheste sabide a saran ben trê i argoments tratâts e cuatri i ospits de pontade di Sportiami. In viertidure o larìn li dal Palaindoor Ovidio Bernes di Udin dulà che martars ai 06 di Fevrâr si davuelzarà UdinJumpDevelopment, un dai events plui impuartants a nivel mondiâl tal mont dal salt adalt. Te seconde part spazi ae prime edizion de Acuile Sportive Furlane, un gnûf premi dedicât al sport furlan in furlan. In sieradure o continuìn a fevelâ di zovins, sport e passion. In cheste prime sabide di Fevrâr, presentarìn une dissipline avonde cognossude, ma che e plate tancj aspiets impuartants, sedi dal pont di viste de preparazion, sedi te maniere che e pues jessi doprade ancje fûr di une logjiche agonistiche. Viodarìn insome cemût che il bal si rive a leâ al mont de comunitât e dal sociâl insiemi a Cristian e Elena, cubie di balarins, campions di danze latine.
33 min
27 Gen 2024

Sportiami dal 27/01/2024

Te prime part di trasmission tornìn a cjacarâ di solidarietât, di fat la FIP (Federazion Taliane di Bale tal zei) adun cu la AISLA (Associazion Taliane SLA) FVG a àn organizât la iniziative "Stoppiamo insieme la SLA" par sostignî la sfide di Federico Franceschin, storic zuiadôr e alenadôr dal basket furlan, cuintri di cheste malatie. Inte seconde part, o varìn invezit mût di jentrâ intun sport che, forsit, no l'è propit ben cognossût da bande di ducj, ma che al ven puartât a tor pe Italie di une frute che, zovenissime, e sta otignint risultâts impuartants: o stin fevelant dal karting. Par jentrâ tal vîf di cheste dissipline, o fevelarìn cun la pilote Viola Germano e il so coach, il so sostignidôr numar un… o dome so pari.
26 min
20 Gen 2024

Sportiami dal 20/01/2024

Pontade dedicade ai sports invernâi, ma se il secont al è forsit il simbul par ecelence di chescj sports, te prime part o larìn a scuvierzi une dissipline che si davuelç di invier, ma no su la nêf: il ciclocross. Par cognossi chest sport che al sta deventant simpri plui popolâr o varìn cun nô Daniele Pontoni, mît dal ciclocross tai agns '90 e cumò comissari tecnic de nazionâl taliane di ciclocross e gravel. Inte seconde part di trasmission, dentri de gnove rubriche dedicade ai zovins che a son rivâts a trasformâ la lôr passion pal sport intune profession, o sintarìn la storie di un fantat e di une fantate che, cun entusiasim e no pôc spirt di sacrifici, a son deventâts maestris di schi.
27 min
12 Gen 2024

Sportiami dal 13/01/2024

La prime pontade dal an e tache in biciclete, di fat o larìn in Cjargne, par cognossi lis ativitâts di Carnia Bike, une associazion sportive che di passe 30 agns e lavore par promovi il ciclisim in Cjargne in dutis lis sôs formis. Te seconde part o contarìn di doi zovins che, passionâts di sport, a àn decidût di metilu al centri dal lôr percors formatîf, iscrivintsi (e laureantsi) al cors di Siencis Motoriis inmaneât de Universitât dal Friûl. Comunitât, prevenzion, alimentazion e agonisim a son i argoments principâi che o vin tocjât cun Cristina e Daniele.
28 min
27 Dic 2023

Sportiami dal 30/12/2023

La pontade di cheste setemane si vierzarà cuntun apontament che setemane che ven al fasarà di Udin la capitâl mondiâl de scherme, ven a stai la tape di Cope dal Mont Under 20 che si davuelzarà li de fiere dai 4 ai 7 di Zenâr. Cheste e sarà però ancje la ultime pontade di Sportiami dal 2023, cirìn alore di capî ce an che al è stât pal sport furlan.
27 min
21 Dic 2023

Sportiami dal 23/12/2023

Pontade di Sportiami che e tache di corse. Di fat, te prime part, o larìn tal gurizan, parcè che a Fare ai 26 di Dicembar e a Cormons ai 31 a si davuelzaran dôs corsis. Cul organizadôr dal event o lin a scuvierzi i segrets di chestis manifestazions. Te seconde part de trasmission, invezit, o lin in mont, par lâ a cognossi cuale che e je la ufierte dai cors de scuele "Cirillo Floreanini" de sezion dal CAI di Tumieç.
28 min
16 Dic 2023

Sportiami dal 16/12/2023

Domenie stade in Danimarcje a si son davueltis lis estrazions dai zirons de prossime Europeada, il campionât di balon dedicât aes minorancis storichis e linguistichis. Scuvierzìn cuâl che al è stât il destin de Associazion Sportive Furlane e cualis che a son lis prospetivis par cheste gnove realtât. Te seconde part o lin su la nêf; come aromai tradizion di cualchi an, la stagjon invernâl dai implants schiistic regjonâi e si è vierte cul fin de setemane de Imaculade. Cul jutori di Promoturismo, anìn a scuvierzi cemût che a son ladis chestis primis zornadis e cualis che a son lis novitâts par chest an.
26 min
09 Dic 2023

Sportiami dal 09/12/2023

Come ogni sabide al torne il classic apontament cun Sportiami. Dopo di vê a lunc fevelât di inclusion tes ultimis pontadis, o cambìn argoment par lâ a cognossi la realtât sportive forsit plui innomenade de nestre regjon, ven a stai l'Udinese che di pôc al à celebrât il so 127esim complean. Cul jutori di doi ospits di ecezion lin a scuvierzi i segrets, la storie e il futûr des "Zebrutis".
29 min
01 Dic 2023

Sportiami dal 02/12/2023

Gnûf apontament cun Sportiami e gnove pontade dedicade ai apontaments sportîfs plui impuartants te nestre regjon. E come simpri, la vignude di Dicembar e vûl dî stafete Telethon te citât di Udin. Fevelant cui organizadôrs e cu lis associazions che a partecipin lin a scuvierzi i segrets di cheste aromai storiche iniziative che di 25 agns e met adun sport e solidarietât.
19 min
17 Nov 2023

Sportiami dal 18/11/2023

In cheste gnove pontade di Sportiami o larìn a cognossi il secont grop protagonist de serade dai 17 di Novembar dal festival "Una vita spesa per la legalità" di San Denêl, ven a stai la ASD Fai Sport, une associazion sportive che e à tant che obietîf chel di permeti a lis personis cun ducj i tips di disabilitât di fâ sport, cuntun voli ae impuartance de component sociâl e soredut al rûl de famee.
24 min
11 Nov 2023

Sportiami dal 11/11/2023

In cheste pontade di Sportiami o larìn a cognossi la ativitât de Zio Pino Baskin, une associazion di Udin nassude par promovi il Baskin, un gnûf sport inclusîf (il non Baskin di fat al vûl dî Basket Inclusîf), là che personis cun e cence disabilitât a zuin insiemi. O ciririn di scuvierzi cuai che a son i segrets di chest sport e cualis lis prospetivis futuris pal sport inclusîf, teme ancje dal festival "Una vita spesa per la legalità" di San Denêl che e varà tant che protagoniscj i zovins di Zio Pino Baskin te serade di vinars ai 17 di Novembar.
22 min
04 Nov 2023

Sportiami dal 04/11/2023

Il schi e lis prospetivis par chest invier. Po dopo o larìn des bandis di San Vît dal Tiliment par fevelâ di nuoto pinnato e dal "pinna sub San Vito", la associazion che dai 6 ai 8 di Otubar e à ospitât la edizion numar 12 dai campionâts talians DIFIR (par atletis cun disabilitât fisiche, inteletive e relazionâl) jenfri la pissine di San Vît. Infin o presentarìn la edizion numar 25 de "Cronoscjalade Tarcetta - castagno gigante" che si davuelzarà Domenie ai 5 di Novembar. Une gare a timp individuâl di 4500 mt cun 350 mt di pendence, dulà che a puedin partecipâ ducj, sedi atletis che no, cun 8 categoriis in gare cun bicicletis di strade plui 2 categoriis speciâls, par MTB e bicicletis storichis.
22 min
27 Ott 2023

Sportiami dal 28/10/2023

In cheste pontade di Sportiami o fevelarìn dal progjet "movimento in 3s - promozione della salute attraverso lo sport", pandût e puartât indenant dal CONI dal FVG insiemi cu la regjon e presentât di risint jenfri une conference stampe dal president dal Coni Giorgio Brandolin e dal assessôr regjonâl al lavôr. Plui di 80 istitûts scolastics de regjon e partecipin ae edizion 2023/2024 dal progjet. Po dopo si fevelarà di bocis in FVG e dal moviment une vore vivarôs ancje a nivel agonistic. E di infin o presentìn un apontament che si clame "MYTHO Marathon", la prime e uniche marce di un teritori unic tant che il FVG. Un corse su strade par 42,195 km cun 3 diferentis maratonis e un unic obietîf, finîlis dutis par jentrâ propite tal mît.
21 min
21 Ott 2023

Sportiami dal 21/10/2023

Pontade dedicade al progjet regjonâl "vola alto con lo sport". Un percors di events par scuelis, associazions e comuns dal Friûl Vignesie Julie. Events sportîfs, laboratoris, incuintris, formazion e mostris par vivi insiemi un gnûf model di inclusion e condivision par dutis lis etâts. Po, te seconde part, o fevelarìn di patinaç e de ecelence dal grop sportîf di Orgnan di Basilian. Infin, o fevelarìn di "footbike4all", une associazion di Udin che e à tant che obietîf chel di favorî l'inclusion midiant de pratiche sportive, par permeti a lis personis autistichis e cun disabilitât di divertîsi tal sport cui coetanis.
24 min
13 Ott 2023

Sportiami dal 14/10/2023

Pontade di Sportiami di cheste setemane dedicade inte prime part ae presentazion de ASF ven a stai la associazion sportive furlane, un grop nassût di cualchi mês e che al sarà presentât uficialmentri Martars prossim ai 17 di Otubar li dal circul "nuovi orizzonti" dai Riçs di Udin. Il titul de serade al è: "Lo sport come veicolo di cultura e identità territoriale". Po dopo, te seconde part de trasmission, o fevelarìn di "futsal" ven a stai il balon a 5, presentant la gnove scuadre de "Eagles" di Cividât che daspò ve viert il progjet de bale tal zei, cumò si e dade fûr ancje in riferiment apont al futsal. E insom de trasmission o presentìn un event sportîf dal fin di setemane a Çurçuvint, ven a stai le corse di Domenie ai 15 "Vertikal plan das Stries" metût adun de Pro Loco di Çurçuvint e de APD Timau Cleulis.
20 min
07 Ott 2023

Sportiami dal 07/10/2023

Pontade numar cinc di "Sportiami dedicade al volley feminin furlan e ae scuare de CDA di Talmassons che doman, domenie ai 8 di Otubar, a Lignan e sfidarà la prime partide de gnove stagjon sportive dal campionâ talian di volley feminin in A2, cuintri il Volley Team Bologna aì da palestre comunâl "G. Teghil". O fevelarìn di chest insiemi a Fabrizio Cattelan, General Manager de CDA. Po' dopo o fasarìn un zîr a Tumieç par fevelâ do judo e de societât sportive diletantistiche Judo Club Tolmezzo che, dal 1977, e je presint sul teritori par promovi e fâ apassionâ zovins e mancul zovins a une des arts marziâls plui cognossude e praticade ancje da nô in FVJ. Al sarà ospit Falvio Bonanni pari di Ivan Bonanni, dentri intal Judo Club Tolmezzo e campion under 16. Ae fin, o fevelarìn di canoa, cuntun curt focus sui prossims apontaments e sui recents impuartants risultâts sportîfs otignûts de "Canoa San Giorgio di Nogaro" che la setemane passade in Trentin e à vinçût la competizion nazionâl canoa zovins, ma no dome.
21 min
02 Ott 2023

Sportiami dal 30/09/2023

In cheste cuarte pontade di "Sportiami" o fevelarìn de impuartance de ativitât fisiche pe salût des personis, in particolâr par chês personis che a an fastidis tant che par esempli il diabete. Po ben, di agns in FVG par chest motîf e je prisinte une associazion che si clame "Sweet team Aniad FVG" che e met adun e organize events informatîfs e sportîfs a pro di dute la comunitât interessade a chestis problematichis. Po dopo o larìn des bandis di Voleson Darzin par fevelâ di ciclisim al feminin cu la associazion ciclistiche sportive di Voleson che di agns aromai si ocupe di tirâ su fantatis par cori in biciclete. Infin o presentarìn un event che si davuelzarà tal fin di setemane dai 30 di Setembar al 01 di Otubar a Tarvis, ven a stai "ciclocross senza confini", metût adun de "Bandiziol Cycling team" di S. Martin dal Tiliment.
23 min
25 Set 2023

Sportiami dal 23/09/2023

Pontade numar trê di "Sportiami" dedicade in viertidure al moviment dal zuc dai scacs in FVJ. Al è stât, di fat, fint cumò un 2023 cetant impuartant par dute la federazion regjonâl di scacs, tacant dal grant risultâ de fin di Mai dal grup dai "Palma scacchi blacks", che a si son cualificâts par zuiâ la prime serie taliane, ven a stâi la serie master – jerin siet agns che il FVJ nol rivave a chest pont. Par rivâ po dopo a Tarvis, che il mês di Lui si è trasformât inte capitâl taliane di scacs pai campionâts talians zovanîls, il torneu plui impuartant organizât de federazion scachistiche taliane. Po dopo, o fevelarìn dal ciclisim zovanîl in FVJ e di une societât in particolâr, la Libertas di Sarsêt di Martignà, che e je stade protagoniste de organizazion dal zîr ciclistic zovanîl dal FVJ finît ai 4 di Setembar pasât. Tal ultin, o larìn a Sauris, che intal fin setemane al ospitarà la fieste dal svol dal FVJ.
22 min
25 Set 2023

Sportiami dal 16/09/2023

In cheste seconde pontade di "Sportiami" o fevelarin di atletiche cjapant spont dal event che al sarà a Lignan Sabide ai 16 e Domenie ai 17 di Setembar li dal stadi "Teghil", ven a stai il cuart meeting di atletiche pai zovins "città di Lignano Sabbiadoro". Une buine ocasion duncje par frontâ la tematiche di chestis dissiplinis e dal moviment dai zovins in regjon. Po dopo restant te zone de riviere furlane o frontarìn il teme dai sports estrems presentant un event che si davuelzarà a buinore di Sabide ai 23 di Setembar jenfri Grau e Lignan, la decime edizion dal "Aquaticrunner Grado/Lignano" cu la partence dal G.I.T. di Grau e il finâl a Lignan. E saran in dut 33 km di cui 26,7 di corse a pît e 6,3 nadant. E infin o fevelarin di un tornei di "street soccer", curiose manifestazion sportive di gjoldi in tal fin di setemane jenfri le fieste da ruralitât 2023 di Muçane.
25 min
11 Set 2023

Sportiami dal 09/09/2023

La edizion di chest an di "Friuli Doc", te zornade di Sabide ai 09 di Setembar e devente ancje une vetrine dal sport furlan. Ven a stai che indenant de place Libertât e saran presentadis une par une lis scuadris dal rugby Udin che cheste stagjon e frontarà il campionât di serie C, po dopo lis dôs formazions di bale tal zei de APU Old Wild West di Udin, sedi maschîl che feminîl e ancje lis fantatis da UPC di Tavagnà par chel che al inten il campionât di serie B talian di balon al feminin. Une buine reson duncje par dedicâ la prime pontade di cheste gnove stagjon di "Sportiami" a chestis trê bielis realtâts dal sport di chenti, ai lôr bogns intindiments e a lis lôr sperancis.
25 min