Vai al contenuto principale

Conte che ti conti - Episodi - Plaidarts

Sabato alle 13.42 su Rai Radio 1 a diffusione regionale

Un spazi dedicât dulà podê scoltâ la nestre lenghe, contade, dite o recitade, traviers lis produzions, dispès gnovis, de nestre regjon. Par cure di Arianna Zani

Lista episodi

22 Mar 2024

1. Il vanzeli di San Marc

Il patriarcje Nicolau dal Lussemburc, no cate il disdegn dai fedêi, i de al fradilastri Carli, re di Boemie, un toc de plui grande relicuie presinte in chel timp: il vanzeli di San Marc, scrit, si diseve, dal sant di sô man.
25 min
29 Mar 2024

2. Une crigne di vergogne

Tai agns dal Vincj, al scrîf mons. Celso Costantini, a jerin i fîs de vuere – i fîs adulterins nassûts dibot ducj par vie de violence dal nemì intant che i marîts a jerin al front – il vêr impediment a la ricomposizion morâl des fameis. Ma chei fruts, ingrumâts tal orfanotrofi di Cjasteons di Çopule, no jerin vuarfins.
20 min
04 Apr 2024

3. Chest tal volevi dî

Toni Zanella, cognossût tant che l'"Ors di Pani", grant bacan di tiere e nemâi, al è memoreât pe sô vite salvadie e fûr dal vadi, pai siei sprocs estrôs di grande gjenerositât e di dineis disdegnôs; e pal 'savai che al varès inmaneât cuntune sô fiastre.
23 min
12 Apr 2024

4. Il surtum da la anime

La acuse butade fûr dai imperiâi cuintri Tristan di Savorgnan, o ben che al volès "se facere dominum de terra Utini", al puartà il parlament a bandîlu de Patrie dal Friûl tant che ribel. Si sierà tes sôs possidencis tal surtum di Ariis, ma il surtum de sô anime, la sô asse cuintri i patriarcjis, e veve lis lidrîs plui inlà e plui insot.
23 min
19 Apr 2024

5. La ombrene di un supiç

La division jenfri realtât e fantasie tai fruts e je dispès une vore svoladie. Ma dome cussì, tun cjaldissim dopomisdì di Mai, la ombrene dal pedâl di un supiç al pues cjapâ la fate di un dêt indis, e pontâ il San Simeon che al pâr tremâ a planc, come se al ves frêt.
24 min
27 Apr 2024

6. Une sfese tai dincj denant

Une sfese tai dincj denant, daûr dal Lombroso, e je un clâr segn di lussurie. E a sintî Pauli Diacul e fo dabon la sô brame spropositade che e puartà la duchesse Romilde a vierzi lis puartis de citât di Cividât ai Avars che le assediavin e a causionâ il maçalizi de sô int.
26 min
04 Mag 2024

7. I pes de Mont Cjanine

Se no tu sês cui plui ti cjapin di smire, un mût di puartâsi pandût ancje tal Votcent. E i plui che si davin dongje tai cafès di Udin, paronâts dal Çorut, a cjaparin di smire Laurinç Linussio, nevôt dal plui innomenât Jacum, par vie che al svantave cognossincis sientifichis inverosimilis, come il fat che a fossin "pes" su la Mont Cjanine.
28 min
11 Mag 2024

8. La rassegnazion di un assedi

Al contint Diomêt Gramatic che la art dai mims e je la imitazion slavrade des peraulis e dai ats plui vergognôs di une persone. Ma la mime Bassile di Aquilee, intant che ducj a spietin rassegnâts l'assedi dal imperadôr Massimin, e mostre che si pues mudâ la vite ancje suntun palc di sene.
25 min
18 Mag 2024

9. La code dai todescs / Die lunae 3 ottobris 1580

Vanni Padoan, protagonist de vuere partesane, subit finide la vuere al fo acusât di tancj delits, e tal '49 il tribunâl di Luche al de fûr cuintri di lui un mandât di cature par alt tradiment ai dams de patrie. Paoli Gasparut, di Insic, al è stât il prin "benandant" condanât da la incuisizion. A coventarin mês par vê la sô "rampide" confession.
26 min
24 Mag 2024

10. Un ritrat di famee

Stant al gjornalist Carlo Dossi, tal Novembar dal 1866, intant de celebrazions pe fieste di anession di Udin al Ream di Italie, la contesse Beatriç D.P., par apaiâ une sbisie cognossude dal re Vitori Emanuêl che al jere in citât, i de par une gnot, daûr monede, la fie di tredis agns.
22 min
31 Mag 2024

11. Il mian e la catapulte

L'abât 'Sef dai Sus di Ruvigne al fo il prin a publicâ la soluzion analitiche complete a lis ecuazions di tierç grât, ma po al dineà di comedâ un piçul fal te dimostrazion cjatât fûr dal zovin e malpratic abât Ortes. Chest estri di braùre i butà intor la damnatio memoriae e i fasè clucî dentri vie un teribil desîr di svindic.
23 min