Vai al contenuto principale

Marimont -

Sabato ore 14.05 su Rai Radio 1 a diffusione regionale

Marimont e fevele a piçui e grancj, ju compagne intun viaç a misure di frut e di famee, che si insiorarà a man a man che al larà indevant, ancje in graciis dai vuestris sugjeriments. O darìn vôs aes scuelis e o proponarìn leturis dedicadis par contâ il mont magjic, ric e delicât de infanzie. Storiis, curiositâts, cjançons, iniziativis, servizis e propuestis par frutis e fruts, ma ancje informazion e scandais cun esperts sui temis che a puedin interessâ lis fameis tal rapuart cui plui piçui. Insume… "Marimont"!

Lista episodi

28 Giu 2024

Marimont dal 29/06/2024

Ultime pontade di chest siôr cicli di Marimont! Si saludarìn, augurantnus buine Istât, in graciis di trê temis. In prin, o esplorarìn il mont dal Banco Alimentare dal FVJ, realtât di nature sociâl che e recupare i ecès alimentârs e ju distribuìs gratis a tantis struturis caritativis. Tal specific, o viodarìn i progjets che o puartin indevant cun lis scuelis, des racueltis alimentârs ai PCTO. Daspò, o jentrarìn tal pont des ativitâts che l'associazion Spazio Zero18 e propon intal comun di Muçane, pensadis par sostignî progjets didatics e ludics pai fruts. Ae fin, jenfri de verde curnîs di Villa Manin, o cognossarìn i apontaments di "Bimbi in Villa" che fin al doi di Avost a tignaran compagnie aes fameis cun spetacui teatrâi.
33 min
20 Giu 2024

Marimont dal 22/06/2024

Pontade a la scuvierte des scuelis di mont: di Pontebe in prin, e daspò de scuele di Paluce-Tamau-Cleulis. A saran lis vôs dai fruts che a nus puartaran a la scuvierte des lôr contis e storiis, dulà che la tierce medie di Pontebe nus judarà a ricostruî la storie de radio, che chest an a festeze 100 agns. La cuinte de scuele cjargnele, invezit, e tache cun un fat di croniche (da lôr inventât), ven a stai "une robarie inte lôr scuele" che, come vêrs gjornaliscj, a àn contât intervistant testemonis e autoritâts; ae fin, simpri fasint la part di condutôrs, nus invidaran a partecipâ aes sagris che, in Istât, animin Tamau e Cleulis.
22 min
14 Giu 2024

Marimont dal 15/06/2024

Cheste pontade e je dedicade ae scuele di Forgjarie, che e je stade coinvolte intal progjet inmaneât de Pro Loco UNPLI "salva la tua lingua locale" e che, cun la classe cuarte de primarie, e je rivade a vinci il prin premi graciis de poesie "Il nestri paradîs". O scoltarìn duncje la poesie, ma o varìn mût di sintî lis peraulis dal president de Pro Loco di Forgjarie, de insegnate che e à judât i arlêfs te ativitât e, ancje, lis vôs di doi fruts che a nus contaran di ce emozion che e je stade lâ a cjoli l'avion e svolâ fint a Rome!
24 min
06 Giu 2024

Marimont dal 08/06/2024

Vuê o vierzarìn la pontade contant di une professionalitât che, jenfri dal contest scolastic, e à un rûl di grande impuartance, no dome sot une lûs educative ma ancje sociâl: o stin fevelant dal insegnant di sostegn. O viodarìn insiemi ad un docent che al lavore in un Istitût Comprensîf de Cjargne ce che al vûl dî jessi un insegnant di sostegn, e cualis che a son lis sfidis e lis oportunitâts di ogni dì. Daspò, "Eureka! Funziona!", progjet inmaneât da Federmeccanica che al ponte a svilupâ lis ativitâts di orientament ae culture tecniche e sientifiche. O varìn cun nô in studi l'insegnante che e à viodût la sô classe vinci il prin premi, creat une machine dute speciâl... In fin, o lançarìn il laboratori "Mosaico per bambini", che propite doman si davuelzarà ai di Vinge degli Olmi di San Zuan al Nadison.
27 min
30 Mag 2024

Marimont dal 01/06/2024

Inte prime part de pontade o contarìn di "Piçui pas grancj leams", cicli di incuintris par cjalâ fûr par fûr lis sfidis e i bisugns che lis fameis a si cjatin a frontâ. Sburtât de Cooperative sociâl Itaca, al si davuelzarà li de Cjase dai Fruts a Tor di Pordenon, e al larà indevant fin ai 28 di Jugn, cu la volontât di contrastâ la puaretât educative. Daspò o si fasarìn incjantâ dai "Universi sensibili" di Antonio Catalano, presentant la mostre "La cjamare des maraveis". Progjet promovût de Biblioteche Villa Dora di S. Zorç di Noiâr, al intint sburtâ la ricercje di incuintris artistics cun "spet-atôrs" di ogni etât, dismovint emozion e maravee.
25 min
19 Apr 2024

Marimont dal 20/04/2024

Il Docuscuele (Centri di documentazion e sperimentazion didatiche) al è un pont di riferiment par ducj i insegnants di lenghe furlane che si impegne, tra lis altris, par puartâ indevant ativitâts tes scuelis e percors di inzornament pai insegnants. Cu la referente Antonella Ottogalli scuvierzarìn la ultime propueste, "Saperi al setaccio", un progjet nassût cun chê di svicinâ i fantats ai Museus etnografics, di mût di fâur scuvierzi ogjets che dispès no cognossin. Daspò, insiemi cun Alessandro Di Pauli di "MateâriuM: laboratori di gnovis dramaturgjiis", o fevelarìn di tantis robis: di cemût che e je lade la colaborazion cun Docuscuele, de ultime call par artiscj "Criticare ad Arte" e, infin, si fasarìn dâ cualchi anticipazion sul Palio studentesc che al è prossim a scomençâ.
24 min
12 Apr 2024

Marimont del 13/04/2024

Al torne a scomençâ Marimont! Il nestri program dedicât ai zovins, ai fruts e aes ativitâts che a puedin fâ cu lis lôr fameis. In cheste pontade o viodarìn cemût che la marilenghe e je leade al mont dal teatri e dai fruts. Di fat, in ocasion de taule taronde dal titul "Fantats, Infants e Zovinutis" che si è davuelte li di Palaç Frangipane a Tarcint, si è discorût des ativitâts e des propuestis che a vegnin inmaneadis propite con cheste otiche di valorizazion e promozion de lenghe furlane midiant dal teatri pai fruts. Cun nô, Michele Polo, atôr e moderadôr de taule taronde, il musicist Giorgio Parisi e Michele Zamparini, ancje lui atôr.
22 min