Vai al contenuto principale

Friûl in Comun -

Sabato alle 14.05 su Rai Radio 1 a diffusione regionale

Un spazi la che i sindics a puedin presentâ pal miôr lis peculiaritâts de lôr zone, contant i plui impuartants aspiets culturâi, economics e di comunitât cence dismenteâsi des iniziativis linguistichis dedicadis ae marilenghe.

Lista episodi

02 Mar 2024

Caprive e Cormons

Il viaç ae scuvierte dai comuns de nestre regjon e tache dal Friûl Orientâl. La nestre prime mete e sarà Caprive, là che o incuintrarìn il sindic Daniele Sergon e l'insegnant di cjant corâl Manuela Marussi dal Côr FreeVoices, che nus contaran di une tiere dulà che la storie si messede cu la nature, plene di associazions che a sostegnin il paîs. Pe seconde tape o larìn te biele suaze di Palaç Locatelli, sede dal comun di Cormons là che, adun cul sindic Roberto Felcaro o larìn a cognossi particolaritâts e segrets di cheste citadine, cuntun focus sul RIC, associazion che di agns e unìs i zovins dal teritori, nus contarà di chest il vicepresident Simone Cappello.
25 min
09 Mar 2024

Pagnà e Codroip

La seconde tape di Friûl in Comun e va intal Friûl di mieç. In prin, o larin a la scuvierte di Pagnà insiemi de sindiche Laura Sandruvi e di Diego Minisini membri de associazion folkloristiche Lis primulis di Zampis. Te seconde part o larìn invezit intun comun che al nas ae crosere di impuartantis viis di comunicazion come che nus conte il so non: Codroip, dal latin Quadruvium. Il sindic Guido Nardini e Andrea Tubaro, President de Associazion Culturâl Corte Bazan, nus puartaran a cognossi cheste comunitât.
27 min
16 Mar 2024

Cjampfuarmit e Tavagnà

Al continue il viaç ae scuvierte dai nestris comuns, e che di vuê e sarà une pontade dulà che la nature e la storie a saran i protagoniscj. In prin a Cjampfuarmit, dulà che la sindiche Erika Furlani, insiemi di Marzia Tavano de Jolly Handball e Pierluigi Micelli dal circul fotografic "Il grandangolo", a nus contaran de lôr tiere plene di ativitâts e events. Te seconde part o larìn a nord di Udin par cognossi, insiemi al sindic Giovanni Cucci e ae assessore Ornella Comuzzo, Tavagnà. Un comun vîf, cuntune schirie di associazions e un voli simpri atent al sociâl, come che nus contarà Enrico Baisero, diretôr gjenerâl di Fondazione ProgettoAutismo FVG.
29 min
22 Mar 2024

Lignan e Mortean

Une altre sabide daspò misdì tal segn des bielecis de nestre regjon! Aes puartis de Primevere juste scomençade o fasarìn tape al mâr, a Lignan, dulà che Elena Buttazzoni, funzionarie dal ufici turistic, nus contarà des diviersis ativitâts proponudis e Federico Godeassi de Associazion Dome aghe e savalon d'aur nus presentarà une realtât che e à savût tornâ a lei il presepi in clâf dute locâl. E je une vore ative la comunitât che e vîf sot dal cjampanili plui alt di Italie, nin a cognossile cun Elisa Tammaro, assessore a urbanistiche, turisim e ambient dal comun di Mortean e cun Renato Campese, coordenadôr dal grop comunâl de Protezion Civîl di Mortean, un grop che tai ultins agns al à vût tant ce fâ.
24 min
29 Mar 2024

Tarcint e Glemone

In cheste ultime sabide di Març o larìn a la scuvierte di doi comuns dulà che la storie e va parie cun l'associazionisim, stant che i grops Pro loco di dutis e dôs lis localitâts a son i plui di vite lungje de nestre regjon. O cognossarìn la realtât di Tarcint, dutun cuil sindic Mauro Steccati e Sergio Ganzitti, membri de Pro Tarcint. Te seconde part il sindic Roberto Revelant nus fasarà cognossi passât e futûr di Glemone, une comunitât vive ancje in graciis dal lavôr de Pro Glemona, la seste Pro Loco plui antighe di Italie. O fevelarìn di chest cul President Marco Patat.
28 min
04 Apr 2024

Zui e Paluce

Il viaç ator pai nestris comuns vuê al fas tape in Cjargne, seguint la vie Julia Augusta. In prin, di fat, o larìn a Zui dulà che il sindic Battista Molinari e il plevan Don Giordano nus contaran de lôr storie che e tache di lontan e si messede ae religjositât. Te seconde part si spostìn ancjemò plui a nord tal Cjanâl di San Pieri, rivant fin a Paluce, par fâsi contâ dal sindic Luca Scrignaro la realtât di une comunitât vive là che ancje il sport al à un rûl fondamentâl, come che nus mostrarà Giacomo Dario de Pallavolo Paluzza.
31 min
19 Ott 2024

Voleson Darzin e San Zorç da la Richinvelde

Al è tornât "Friûl in Comun"! La prime pontade dal gnûf cicli e si davuelzarà tal Friûl Ocidentâl. Par fevelâ di chestis tieris tra lis aghis dai flums, o varìn inte prime part Tiziano Avoledo, assessôr di Voleson Darzin e Anna Maria Bellot, presidente dal Circul culturâl Erasmo di Voleson; cun lôr o viodarìn cetantis storiis e misteris che a si platin atôr pes viis dal paîs. Te seconde part o larìn invezit a San Zorç da la Richinvelde, dulà che il Sindic Michele Leon nus contarà di un comun cu lis lidrîs ben plantadis te tiere, soredut chês dal risit, che a àn propit in chest paîs une capitâl mondiâl. No dome agriculture, però, son di fat tantis lis associazions ativis sul teritori, come che nus contarà Alen Truant, presidente de ASD Vivai COOP Rauscedo Gravis.
27 min
25 Ott 2024

Lauc e Davâr

La Cjargne e sarà il lûc dal nestri viaç di vuê. O tachìn lant a Lauc, comun posizionât su di un altiplan circondât dal vert, tiere segnade de storie di popui e culturis. O fevelarìn cul Sindic Stefano Adami e cun Orietta Gressani, Presidente de Cjase dal Popul. Te seconde part o larìn invezit tal fonts de val, ai pîts dal Zoncolan, dulà che il sindic Lino Not nus fasarà cognossi la storie e lis bielecis di Davâr, un comun cuntune comunitât vive e ative come che nus contarà Gloria Gortan, la presidente de Pro Loco, une associazion componude in mût particolâr di zovins.
26 min
31 Ott 2024

Fare e Talmassons

"Friûl in Comun" vuê nus mene a cognossi Fare, piçule realtât dal Friûl Orientâl. Ancje se piçul, chest paîs al puarte indevant tantis ativitâts pai siei abitants, e in mût particolâr lu fâs cjalant i siei fruts; cuasi come se e fos une vocazion. Il mont de scuele, de solidarietât e dal sociâl a jentrin dentri il tiessût sociâl si che duncje dute la int e partecipe ai events cun voie e convinzion. Cun nô, le Assessore Debora Bonutti e Ilaria Pezzolato, presidente de Associazion gjenitôrs. Varìn di fâ une mieze orute di strade par rivâ al nestri secont comun di vuê: Talmassons, tal Friûl di mieç. A saran il sindic Fabrizio Pitton e Michele Zanello, president de Cometazzurra, une societât di balon dome di zovins, a puartânus a cognossi chest comun e lis ativitâts puartadis indenant de sô comunitât.
28 min
08 Nov 2024

Migjee e Pucinie

Une gnove pontade ae scuvierte dai nestris Comuns! Vuê o tachin cun Migjee, paîs tal Friûl Orientâl, dulà che, a fânus di vuidis, a saran il sindic Igor Godeas e Gianluigi Martinis, un "zovin" di otante agns espert di storie locâl. Cun lôr, o scuvierzarìn la storie milionarie dal paîs, il so desideri di pâs e il fuart leam cun lis sôs origjinis. Te seconde part e sarà il moment di lâ a Pucinie, tal cûr de basse furlane ocidentâl, là che la sindiche Debora Furlan nus puartarà a cognossi la storie e lis bielecis di un paîs cuntun fuart leam cui siei flums, il Stele e il Torse, come che nus fâs capî Aldo Padoani, president de APSD Stella Pocenia, storiche associazion di pescje sportive.
32 min
15 Nov 2024

Reane dal Roiâl e Paulêt

Gnove sabide e gnove pontate di "Friûl in Comun". Inte zornade di vuê o viodarìn ce che si pues fâ a Reane dal Roiâl, paîs siôr no dome di nature e dal so scus, ma ancje di events come il "Simposio Internazionale di Scultura su Pietre". Cun nô, il Sindic Anna Zossi, l'Assessore Paola Miconi e Roberto Cossettini, president dal circul culturâl "Il Faro". A coventin dome un pâr di minûts par rivâ tal nestri secont comun di vuê: Paulêt. Il sindic Giuliano Castenetto nus mostrarà lis bielecis di un teritori a pôcs chilometris di Udin, ma tal mieç dal vert. Adun cun Nello Gardellini, president dal grop Pittotti ODV, o larìn invezit a scuvierzi la impuartance dal volontariât, che al ven puartât indenant ancje in graciis de colaborazion coi comuns dongje, come chel di Reane.
27 min
22 Nov 2024

Tresesin e Merêt di Tombe

O savìn che la vie Julie e je stade, e continue a jessi, la strade plui impuartante de nestre regjon, e vuê o larìn a cognossi il comun che plui di ducj al à sintût la sô influence, tant di jessi taiât propit tal mieç: Tresesin. Cul sindic Giorgio Baiutti o fevelarìn di chest ma no dome, cun Luisa Ronco, presidente de bande citadine, di musiche, scuele e voie di stâ insiemi. Te seconde part o larìn a Merêt di Tombe, dulà che il sindic Sandro Burlone nus fasarà cognossi un comun cuntune storie antighe, come che nus mostrin doi simbui: la tumbare e il cjastelîr, che nus puartin a plui di 3000 agns indaûr. No dome storie però, parcè che la vite de comunitât e je une vore ative ancje in graciis dal lavôr des associazions, come che nus spiegarà Valter De Marco, president de Pro Loco di Merêt.
33 min
29 Nov 2024

Cjassà e Muimans

No si fermin i viaçs di "Friûl in Comun" e, in cheste ultime sabide di Novembar, o fasarìn une prime tape a Cjassà. Cu la sindiche Ornella Baiutti e cun Enrico Baiutti, rapresentant di dutis lis associazions dal paîs, o scuvierzarìn la storie dal lôr comun, dutis lis ativitâts proponudis e dutis lis personis di culture che culì a son nassudis o a àn lavorât. Te seconde part o larìn a Muimans, là che il sindic Enrico Basaldella e Cristina Tilatti, presidente di une Pro Loco simpri in vore, nus fasaran cognossi lis bielecis di un comun piçul, ma cuntune vore di storiis di contâ.
31 min
06 Dic 2024

Gurize

Pontade speciâl par cheste prime sabide di Dicembar: o varìn di fat un monografic dedicât a Gurize. In viste di GO2025 Capitâl de Culture, o cognossarìn lis tantis animis di cheste citât, tiere dulà che a sin puedin cjatâ diviersis lenghis, culturis e tradizions ma, al stes timp, siore di vert e di storie. A fevelâ un nô, o varìn i assessôrs Maurizio Negro e Patrizia Arico, insiemi a Gianni Bressan, persone un grum ative tal mont dal volontariât e des associazions.
21 min
13 Dic 2024

San Zorç di Noiâr e San Zuan dal Nadison

Saveviso che al è un paîs de basse là che i abitants a vignivin clamâts "i parigjins"? Ma no dome, parcè che tal inizi dal Istât e si davuelç une grande fieste che e incrose la art cui savôrs dal teritori: la prime tape de pontade di vuê è sarà S. Zorç di Noiâr. Cul Assessôr Alessio Cristin e il cjâf grup dai Alpins Davide De Piante o viodarìn dut chel che si pues fâ in chest comun, cu lis vacancis di Nadâl sul pidignûl... Te seconde part o larìn di San Zorç a San Zuan, parcè che si fasarìn contâ dal sindic Carlo Pali e de conseire comunâl Greta Bergamasco la storie e il futûr di un dai 3 paîs dal Triangul de Cjadree: San Zuan dal Nadison, là che propite domenie ai 15 di Dicembar si tignarà une manifestazion che e cîr di tignî insiemi dutis lis associazions dal comun: Aiar di Nadâl. Nus contarà di chest Cinzia Dissegna dal patinaç Dolegnan.
25 min
19 Dic 2024

Forgjarie e Basilian

Lis fiestis di Nadâl a son sul pidignûl ma la conte di "Friûl in comun" no si ferme. La prime tape di cheste sabide e sarà Forgjarie, tiere dulà che la nature incontaminade e si slargje tra il vert dai siei boscs e il turchin dai lâts e dai flums. A saran nestris ospits il sindic Maurizio Molinaro e il president de Pro Loco Valter Querini. Te seconde part si fasarìn contâ di Marco Olivo, sindic di Basilian, dut ce che al è di biel tal so comun, un puest là che e je tante la voie di stâ insiemi, puartant indenant la nestre lenghe e lis nestris tradizions, come che nus mostrarà Jessica Carver, presidente dal grop folcloristic dai Danzerini Udinesi di Blessan.
30 min